Ifisiɛŋ 4:13 - Ŋ̀âla Kɔlɔ Maa Waai

¹³ é lɛ́ɛ la zu kúkelee kúlaa-lai é kɛ́ tɔnɔ da Ɣâla Ǹóŋ maa-tarei, a gɛ́ɛ kú ƃɔlɔ kúmɔlêŋ kponôi kú kɛ́ yɛ̂ɛ Kôrai.

Ifisiɛŋ 4:13 ပူးပေါင်းရင်းမြစ်များ

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Zɛfɛnâya 3:9

“Tɔ̃yâ ma, maa ɣêlei tí ŋa pâi ǹûai lóno-woo ma fálenîi a gɛɛ dí lóno a zã́a, a gɛɛ díkelee dí ńaa tóli dí tíi kɛ́ ḿî a woo-kɛ-zu tɔnɔ.

Zɛkɛrâya 14:9

Gɛ̀ ní Yâwɛɛ a pâi kɛ̂i a kâloŋ ǹɔii gwaa kélee. Maa ɣêlei tí Yâwɛɛ a pâi kɛ̂i nɔ́ tɔnɔ, ǹyaŋ ǹáa kɛ́ ƃò tɔnɔ.

Maafîu 11:27

Nàŋ-nuui a sɛŋ kélee tɛ́ɛ ḿbɔ. Núu da fé Nòŋ-nuui kɔ́lɔŋ fɛ̂ɛ Nàŋ-nuui, kpaa máŋ núu da fé Nàŋ-nuui kɔ́lɔŋ fɛ̂ɛ Nòŋ-nuui, bɛlɛɛ ǹúui ma nyii Nòŋ-nuui a zìɣe a gɛɛ é ǹɛ́ mài.

Zɔ̂ŋ 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Zɔ̂ŋ 16:3

Ǹyaŋ da pâi nyiŋi kɛ̂i. Kpɛ́ni fêi, dífe niî Nàŋ-nuui kɔlɔŋ ni, kpaa máŋ ńyãa.

Zɔ̂ŋ 17:21

Ŋa ífɛlîi a gɛɛ díkelee dí kɛ́ zu tɔnɔ, yɛ̂ɛ berei la yá Ńâŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Zɔ̂ŋ 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Zia-ƃelai Kɛ́-mɛni-ŋai 4:32

Nàa-laa-ƃelai dí kɛ̀ zu tɔnɔ da dímɔ̃leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Kɔleŋtiɛŋ Maa-ŋuŋ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da m̀ɛni-ŋa-teɛɛ tɔnɔi.

Kɔleŋtiɛŋ Maa-ŋuŋ 14:20

Ŋánûa, káfè kɛ̀ a nîa-pɛlɛɛ kákili-ŋa-siai su. Ka kɛ́ a kwâtara-ŋa mɛni nyɔ́mɔɔ kɛ́ɛ su, kɛ́lɛ, ka kɛ́ a núu kpaya-kpaya kákili-ŋa-siai su.

Kɔleŋtiɛŋ Maa-ŋuŋ 2:6

É máŋ kɛ́ tí, à kɛ̀ a kúai kúƃɔlɔ̂i M̀ɔlêŋ kponôi ku sama, kwa tare-woo-ŋa ƃo, berei máŋ vé la a ŋ̀éniɛi ŋí su tare-woo-ŋa, kpaa máŋ ŋ̀éniɛi ŋí su mɛi-ƃelai dítare-woo-ŋai, nyíi-ŋai gáa a sɛŋ fɛ̂ɛ dí sáai.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Galesiɛŋ 4:19

Ŋánîa-pɛlɛɛi, ŋ́gaa ŋɔ́nɔ mɛni-soli su kámɛni ma, é lɛ́ɛ la zu Kôrai é kɛ́ kákponôi a ǹɛ́lɛɛ!

Ifisiɛŋ 1:17

a gɛ́ɛ Kúnuu-namui Zîsɛ Kôrai Ŋɔɣâlai nyíi gáa a fólo-laa-Naŋ é táre tɛ́ɛ kámɔlêŋ pɔ́ da mɛni-ŋa-kaa m̀aa-mɛni kɔlɔŋ mɛni ma,

Ifisiɛŋ 1:23

nyíi gáa a ŋɔkponoi nyíi ǹáa fɛɛ̂i a ǹyaa kpîŋ, gɛ sɛŋ kélee láa fɛ̀ɛ a pere-sii kéleei.

Ifisiɛŋ 2:15

È Zûu-ŋai dítɔ̂ŋ-ŋai kpera da dísu-woo-ŋai kélee a ŋɔfúlu-laai tɛ̂ɛi, a gɛ́ɛ ǹyaa kpîŋ zarâi é núu nina tɔnɔ kpɛtɛ núu feerɛ pɔ́ɔ ŋá. Berei tí ƃe a lii-sêe kɛ̀ la.

Ifisiɛŋ 4:12

a gɛ́ɛ Ɣâla ŋɔnûai dí kɛ́ a díkpɛtɛɛ ŋɔtíi mɛni ma, a gɛ́ɛ Kôrai kponoi é tɔ́ɔ,

Ifisiɛŋ 4:3

Ka kɔ́ ká M̀ɔlêŋ ŋɔkɛ-zu-tɔnɔɔi kɛ́ nii-seei su nyíi a nûa kɛ̀ zu tɔnɔɔi.

Ifisiɛŋ 4:5

Nuu-namu tɔnɔ nɔ́ ƃe naa, laa-la tɔnɔ, batâi tɔnɔ,

Felepiɛŋ 3:10

a gɛ́ɛ ŋa gɔ́lɔŋ da ŋɔmu-siɣe saa-yeei ŋɔwála-walai, ŋa ŋɔmɛni-soli-kaai da sɔlɔ ƃo, ŋá tela kɛ́ yɛ̂ɛ ǹyaa ŋɔsaai su.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Kolasiɛŋ 1:28

Kwa maa-mɛni ƃò, kúkɛ núu kélee lia-woo ƃo, kúkɛ sɛŋ lɛ̂ núu kélee ma táre kélee su, a gɛ́ɛ kú núu kélee lɛ́ a ǹáa fɛ́ɛ Kôrai kponôi.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Ibulu 5:14

Kɛ́lɛ, mii-sɛŋ kpanaŋ káa núu kpaya-kpaya mɛni ma, diai da díkili ŋá kɔ̀ŋ a mɛni-kɛɛ a tãi kélee a gɛɛ dí mɛni lɛ́lɛɛ da mɛni nyɔ́mɔɔ loai kɔ́lɔŋ.

Pitɛ Veerɛi 1:4

È ŋɔkono-tee kpaya-kpaya maa-mɛni kpanaŋɔɔ-ŋai tɛ̀ɛ kúpɔ a gbîŋ folo-laai da ŋɔkɛ́tɛ-laai a gɛɛ nyíi-ŋai sarâi ká kula zu-karai sú nyíi núu-kpune ŋɔtûa-pere nyɔŋ maa-sɛŋ wɛ̂liɛi a gɛ́ ǹɔii sui, ká kɛ́ a Ŋâla-kɛ-perei da sɔlɔ-ƃo-ƃela.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.