Ifisiɛŋ 4:11 - Ŋ̀âla Kɔlɔ Maa Waai

¹¹ È núu da-ni tɛ̀ɛ kúpɔ a gɛ́ɛ dí kɛ́ a sia-ƃela, da-ni a Ɣâla ŋɔlóno kɛ́-ƃela, da-ni a Ɣâla-woo taa-taa-ƃela, da-ni a pasɛ-ŋa, da-ni dí ƃo a sɛŋ-lɛ-ƃela,

Ifisiɛŋ 4:11 ပူးပေါင်းရင်းမြစ်များ

Kɔlɔnikɔ Veerɛi 15:3

Tãi su kôyaa yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Zɛlemaya 3:15

Ŋa pâi ká mɛi káa ǹuu tɛɛ̂i nyíi ŋɔkili-ŋa-sîai káa yɛ̂ɛ ŋ́ɔ̂i, nyíi pâi ká mɛi kâai a táre da mɛni ŋá káai.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Zia-ƃelai Kɛ́-mɛni-ŋai 13:1

Ɣâla ŋɔlóno kɛ́-ƃela da zɛŋ lɛ́-ƃela dí kɛ̀ Kôrai-toli-kpɔŋ su Ɛŋtiɔ. Dia ƃé kɛ̀ a Banaba, Simiɔŋ nyíi da kâa dòli a Naigɛi, Lusiɔ, nyíi kɛ̀ a Sailini-nuui, da Manaɛŋ, nyíi dí díŋa kɔ̀ŋ gîe ma da gâloŋ kɛ́tɛi Ɛɛlɔ, é pɛ́lɛ Sɔ̂ɔ ma.

Zia-ƃelai Kɛ́-mɛni-ŋai 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Zia-ƃelai Kɛ́-mɛni-ŋai 21:8

Bôlu ma ɣele ƃɔ́ɔi kú kùla naa ku lí Sɛsɛria. Kú lɔ̀ Duŋ Lɛ́lɛɛi ƃó-nuui Fele ŋɔpɛ́rɛi mu, nyíi kɛ̀ a ǹúu lɔ́ɔlu mɛi feerɛi dɔnɔi. Kwa dîa-ni kú kɛ̀ naa.

Lomaŋ 12:7

kpaa máŋ é kɛ́ a kpɔŋ-maa-tii kwaa ku gɛ; kpaa máŋ ǹúui gáa kɔlɔ lɛ̂i, é ǹɛ́;

Kɔleŋtiɛŋ Maa-ŋuŋ 12:4

Ǹyaŋ sama-sɛŋ sii támaa káa naa, kɛ́lɛ, M̀ɔlêŋ káa nɔ́ tɔnɔ.

Ifisiɛŋ 2:20

Kákaa nɔ́ yɛ̂ɛ pɛ́rɛ nyíi dɔɔ̂i Zîsɛ ŋɔsia-ƃelai mɛi da Ɣâla ŋɔlóno kɛ́-ƃelai. Zîsɛ Kôrai ǹyaa kpîŋ káa a bɛ́rɛi zonoŋ-su kɔnii.

Ifisiɛŋ 3:5

Ɣâla fé niî kɛ̀ nɛ ni núu-kpune ma ŋ̀énia pɔlɔi su, yɛ̂ɛ berei a ǹɛ́ la ŋɔsia-ƃela maa waa-ŋai dîa da ŋɔlóno kɛ́-ƃelai M̀ɔlêŋ sarâi.

Ifisiɛŋ 4:8

Mɛni ma m̀ôɔi, “Tãi è tɛ̀ la ŋ̀elei sui, è kɔ-soŋ támaa ŋuŋ ma ƃo, é sama-sɛŋ tɛɛ núu-kpune pɔ.”

Temete Veerɛi 4:5

À kɛ̀ a yá, tɔɔ a gbanaŋɔɔ a tãi kélee, í tɔ́ɔ mɛni-kpɔ̂lu su, í tíi kɛ́ yɛ̂ɛ Ɣâla-woo táa-taa-nuu, ítii kélee kɛ́ a ǹɛ́lɛɛ.

Ibulu 5:12

Tãi ŋí su kâi pɔ̂ri kɛ̂i a sɛŋ-lɛ-ƃela, kɛ́lɛ, fɛ̂ɛ núu da é Ɣâla ŋɔtɔ̃yâi maa-mɛni lɛ́ kâa gɔ́ɔ pîlanii ŋɔ́nɔ. Fɛ̂ɛ núu è ká ŋákɔ̂ŋ a ŋíni-ya, kɛ́lɛ mii-sɛŋ kpanaŋ fêi.

Zûu 1:17

Kɛ́lɛ, ŋáwɛli-kɛ-maa-ƃelai, fɛ̂ɛ Kúnuu-namui Zîsɛ Kôrai ŋɔsia-ƃelai dímɛni-ƃoɔɔ nàa tuɛi maa-mɛni é lɛ́ɛ kákili ŋá.

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

M̀ɛni-lɛɛi 21:14

Daa-leei ŋɔsiɣãŋ kɔ́ɔ pîlanii è kɛ̀ puu kao feerɛ, M̀ála-loŋ ŋɔsia-ƃela puu kao feerɛi láa pɔ̃yɛɛ dîa tɛi-tɛi.