Ifisiɛŋ 4:10 - Ŋ̀âla Kɔlɔ Maa Waai

¹⁰ Ǹúui nyíi yèŋ ǹyaa ƃa ǹúui máŋ tɛ̀ ŋ̀elei su póŋ-póŋ, a gɛ́ɛ é sɛŋ kélee láa fɛɛi.

Ifisiɛŋ 4:10 ပူးပေါင်းရင်းမြစ်များ

Maafîu 24:34

Ŋa tɔ̃yâ ƃoi káa, ŋ̀éniɛi ŋí su-ƃelai dífe pâi kpɛɛ̂i é lɛ́ɛ la zu m̀ɛni-ŋai ŋí kélee dí kɛ́.

Lûu 24:44

Nya ƃe è mò dîa, ǹyɛɛi, “Ŋ̀óo-ŋai ká ŋí nyii ŋá mò kâa tãi ŋá kɛ̀ la kákɔlɛi, a gɛɛ mɛnii kélee bɔ̃yɛɛ̂i e pîlaŋ mâ Mose ŋɔtɔ̂ŋ sui da Ɣâla ŋɔlóno-kɛ-ƃelai díkɔlɔi sui, bɛlɛɛ nyii ma ŋ̀ule-woo-kɔlɔi sui, fɛ̂ɛ ŋa-see é kɛ́.”

Zɔ̂ŋ 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Zɔ̂ŋ 19:24

Nya ƃe dí mò díkîe-ni ma, dîyɛɛi, “Kúfe vàla, kɛ́lɛ, kwaa ku gɔ́ a kpɛɛŋ ku gáa gbɛ̂ɛ ƃe a pâi kɛ̂i a bɔ́ɔ.” Nyiŋi e kɛ̀ a gɛɛ Ŋ̀âla-kɔlɔi ŋa-see é kɛ́, nyii mò, “Dí ŋáseɣei ŋá kɔ̀lɛ dísama, ŋáyɛkɛi mɛni ma dí gɔ a kpɛɛŋ.”

Zɔ̂ŋ 19:28

Nyiŋi pôlu ma Zîsɛ è gɔ̀lɔŋ a gɛɛ gélee a nâa kpɛɛ a gɛɛ Ŋ̀âla-kɔlɔi wóo ŋa-see é kɛ́, nya ƃe e mò, ǹyɛɛi, “Kpele-wɛli a ŋ́gɛ̂i.”

Zɔ̂ŋ 19:36

Kpɛ́ni fêi, mɛni-ŋai ŋí dí kɛ̀ a gɛɛ Ŋ̀âla-kɔlɔi ŋ̀óo ŋ̀aa-see é kɛ́, nyii mò, ǹyɛɛi, “Gáo da fé pâi ɣálêi.”

Zia-ƃelai Kɛ́-mɛni-ŋai 1:11

dîyɛɛ dîai, “Galalii-ƃela, lé ƃé ka tɔ̂ɔni kákɛ ŋ̀elei su kàai? Zîsɛ ŋí tɛ̀ ŋ̀elei sui, a pâi pâi nɔ́ bere sîi tɔnɔi ŋí su ká gàa la gɛ́ tɛ̀ ŋ̀elei sui.”

Zia-ƃelai Kɛ́-mɛni-ŋai 1:9

Gɛ́ɛ a nyíŋi ƃói, dí lɛ̀ɛ gâai e tɛ ŋ̀elei su ŋ̀ele-kɔlɔŋ kolei è gula díŋɛi.

Zia-ƃelai Kɛ́-mɛni-ŋai 2:33

Zîsɛ è tɛ̀ ɣâla-taa a gɛ́ɛ é sée Ɣâla láa mii-yee mɛi, ǹyaŋ è M̀ɔlêŋ Maa Waai sɔlɔ ƃó yɛ̂ɛ berei Ǹâŋ è góno tèe la ǹyêei. Ǹyaa ƃa M̀ɔlêŋ Maa Waai tɛ̀ɛ kúpɔ. M̀ɛni ƃé kwa kwaa kâai la kúkɛ mɛni mɛ̂ni.

Zia-ƃelai Kɛ́-mɛni-ŋai 3:18

Kɛ́lɛ, m̀ɛnii Ɣâla è wɔ́lɔ bù ŋɔlóno kɛ́-ƃelai lá a gɛ́ɛ dí m̀ó nàa tuɛi, a gɛ́ɛ fɛ̀ɛ nɔ́ Ŋɔkôrai é mɛni-soli káai, a ŋ̀aa-see kɛ́ a bere sîi tí.

Kɔleŋtiɛŋ Veerɛi 12:2

Ŋa núu tɔnɔ kɔ́lɔŋ Kôrai kponôi nyíi tɛ Ɣâla-taa kóraŋ puu kao náaŋ pôlu mái, fé gɔ́lɔŋ à kɛ̀ gbono ƃé kɛ̀ la kpaa máŋ ŋɔmɔlêŋ, Ɣâla ƃe gɔ́lɔŋ.

Ifisiɛŋ 3:19

a gɛ́ɛ ŋɔ́nɔ ká Kôrai ŋɔwɛli kɛ́-maai kɔlɔŋ nyíi dɛɛi táre mai, a gɛ́ɛ kálaa é fɛ́ɛ a Ɣâla ŋɔlaa-fɛɛi.

Kolasiɛŋ 1:19

Kpɛ́ni fêi, Ɣâla è ŋ̀wɛli a gɛ́ɛ Ŋɔɣâla-laai kélee é kɛ́ gbonôi.

Kolasiɛŋ 2:9

Kpɛ́ni fêi, Ɣâla Ŋɔɣâla-laai kélee káa gbonôi.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Ibulu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Ibulu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Ibulu 8:1

M̀ɛnii kpîŋ gáa m̀ɛnii ŋí su kwa m̀ôi ǹyaa ká ŋí. Sâla láa soŋ-nuu kɛ́tɛ kɛ́ɛ ŋí káa kúyêei, nyíi gáa seêni Ŋ̀wála-wâla kélee Ɣalai ŋɔsee-sɛŋ láa-mii-yee mɛi-pere Ɣâla-taai.