Ifisiɛŋ 4:1 - Ŋ̀âla Kɔlɔ Maa Waai

¹ Mɛni ma ńyãai ŋ́gaa a kpini-pɛrɛ mu Kúnuu-namui mɛni mai, ŋá m̀ó kâa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Ifisiɛŋ 4:1 ပူးပေါင်းရင်းမြစ်များ

Zɛnɛse 17:1

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítûa a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Zɛnɛse 5:24

Inɔ è tùa a Ɣâla nîa-pere. È làŋ núu-kpune ŋɛ́i, kpɛ́ni fêi, Ɣâla è zìɣe.

Zɛlemaya 38:20

Ŋá mò mà, “Dífe pâi ítɛɛ̂i dípɔ. Ŋa pɛlɛ̂i a íkɔɔ a gɛɛ í íwoli tɔ́ɔ Yâwɛɛ ŋɔworɛ̂-wooi ma. Gɛ̀ ní, m̀ɛnii kélee a pâi kɛ̂i a ǹɛ́lɛɛ ímɛni ma, ílɛɛ a ífulu.

Zia-ƃelai Kɛ́-mɛni-ŋai 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Kɔleŋtiɛŋ Maa-ŋuŋ 4:16

Gɛ̀ ní, ŋa kalia-woo ƃôi, ká kɛ́ a ḿbɔkɔɔŋ-ƃela.

Kɔleŋtiɛŋ Veerɛi 10:1

Ńyãa Pɔ̂ɔ, ńyãa kpîŋ ŋa môi kâa Kôrai ŋɔmaa-yêŋ da ŋɔsɔŋ-lɛ̂lɛi sarâi, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Kɔleŋtiɛŋ Veerɛi 5:20

Mɛni ma kúkaa a Kôrai pɔ́ɔ-ŋa-ƃela, Ɣâla kɛ́ ǹûai tòli ku-sarâi. Kwa kákpera fei Kôrai mɛni ma a gɛ́ɛ ka Ɣâla-ni ká káloai kpɛtɛ.

Kɔleŋtiɛŋ Veerɛi 6:1

Berei kwa Ɣâla-ni kwa tíi kɛ̂i la gîe mai, kwa kákpera fei a gɛ́ɛ káfe ŋɔƃɛlɛ-sêei sɔlɔ ƃo nɔ́ kpɛni-kpɛni.

Galesiɛŋ 4:12

Ŋánûa, ŋa kákpera fêi, ká kɛ́ yɛ̂ɛ ńyãa, kpɛ́ni fêi, ńyãa máŋ ŋá kɛ̀ yɛ̂ɛ káa. Káfe mɛni nyɔ́mɔɔ kɛ́ ni a ńyãa.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 3:1

Sâpoi ŋí ma, ńyãa Pɔ̂ɔ, ńyãai ŋ́gaa a kpini-pɛrɛ mu Zîsɛ Kôrai mɛni ma káai a Zɛ̃tai-ŋai kámaa-mɛni mai, ŋa pɛlɛ ŋume ŋá Ǹaŋ-nuui ŋɛ́i túɛ.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Felepiɛŋ 3:14

Ŋa kɔ̂i a gɛ́ɛ ŋa seri m̀ɛnii mâ gáa ŋ́gili ŋái, a gɛ́ɛ ŋá m̀aa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 2:6

Mɛni ma berei ká Kúnuu-namui Zîsɛ Kôrai sɔlɔ ƃô lai, ka kɛ́ ti gbonôi.

Kolasiɛŋ 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài è fàa kâa. Gáa tɔɔ̂ni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ká tɔ́ɔ kpɔ́ a gbanaŋɔɔ ká Ɣâla nîa-mɛnii kélee kɔlɔŋ a ǹɛ́lɛɛ.

Tɛsɛlôniɛŋ Maa-ŋuŋ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Tɛsɛlôniɛŋ Veerɛi 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛ̃ɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Taitɔ 2:10

Kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni sii kélee su.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Pitɛ Maa-ŋuŋ 2:11

Ŋáwɛli-kɛ-maa ƃelai, káai a ŋɔ̃yâ-ŋai da ǹɔii da kpɛni su-ƃelai, ŋa kákpera fêi a gɛɛ ká síɣe núu-kpune ŋɔkɛ-pere nyɔŋ maa-sɛŋ wɛliɛi kɔlɛ nyíi gáa kɔ̂i kámɔlêŋ pɔi.

Pitɛ Maa-ŋuŋ 3:9

Káfe mɛni nyɔ́mɔɔ su tòo a mɛni nyɔ́mɔɔ, kpaa máŋ ka larâŋ pɔ́ɔ kúla a larâŋ. Kɛ́lɛ, nyíi ka pɔ̂ri gɛ̂i, ǹyaa ƃa ká lûwa láa mà, kpɛ́ni fêi, da kátoli nyíŋi ma, a gɛɛ ká lûwa sɔlɔ ƃó.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Pitɛ Veerɛi 1:3

Ŋɔɣâla-laai su wala-walai a sɛŋ kélee tɛ́ɛ kúpɔ nyíi-ŋai díkaa fúlu-laa da Ɣâla-mɛni kɛ́-mɛni mai, dárei sarâi nyíi kùla ǹúui yêei kútòli a gbîŋ-folo-laai da ŋɔkɛ́tɛ-laai.

Zɔ̂ŋ Veerɛi 1:5

Ǹɛnîi, ŋa íkpera fêi, vé yɛ̂ɛ ŋà kɛ̀ tɔ̂ŋ nina pɔ̃yɛɛ̂i yɛ̂, kɛ́lɛ, gáa a dɔ̂ŋ pɔlɔi kú zɔ̀lɔ ƃô gɔ́ɔ pîlanii, a gɛɛ kú kúkîe-ni wɛ́li.