Ifisiɛŋ 3:9 - Ŋ̀âla Kɔlɔ Maa Waai

⁹ Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá gɛ́ núu kélee é noo-mɛnii káa nyíi zɛŋ kélee kpɛtɛ-Ɣalai è nòo a tãi su kôyaai,

Ifisiɛŋ 3:9 ပူးပေါင်းရင်းမြစ်များ

Wule-woo-ŋa 33:6

Yâwɛɛ è ŋ̀ele-kɔlɔŋ-ŋai kpɛ̂tɛ a ŋ̀óo, da dísu sãa kélee, vóloi, ŋ̀áloŋ da bɛmɛlɛŋ kao-ŋai.

Azaya 44:24

Yâwɛɛ a m̀ôi ǹyɛɛi, “Ńyãa ƃa káŋuŋ ma ƃó nuui Yâwɛɛ. Ńyãa ƃé kákpɛ̀tɛ. Ńyãa ƃa Yâwɛɛ. Ńyãa ƃé sɛŋ kélee kpɛ̀tɛ. Ŋá ŋ̀ele-kɔ̂lɔŋ fulomo ńyãa tɔnɔ. Ŋá ǹɔii kɛ̀ a zu kɛ́tɛ. Gbɛ̂ɛ ƃé kpɔŋ mâa tɛ̀ɛ ḿbɔi?

Maafîu 10:27

M̀ɛnii ŋá mò kâa kpínii, ka m̀ó pono ŋá. M̀ɛnii ka mɛ̂ni a káwolii, ka doo a lolo.

Maafîu 13:35

È gɛ̀ tí a gɛɛ m̀ɛnii Ɣâla ŋɔlóno-kɛ-nuui è m̀oi ŋa-see é kɛ́, ǹyɛɛi, “Ŋa pâi lônoi nɔ́ a sáŋ-woo-ŋa. Ŋa pâi mɛni-ŋa ƃôi nyii-ŋai díloɔɔ̂i é síɣe ǹɔii kɔ́ɔ pîlaŋ tãi mai.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Maafîu 28:19

Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú.

Lûu 24:47

Ǹyaŋ à kɛ̀ ti, ǹáa su lii-pene da sɔnyɔ̂ŋ su-mɛni-lɛɛ a pâi ƃôi sii-ŋa kélee ma, gɔ́ɔ e pîlaŋ Zerusâlɛŋ.

Zɔ̂ŋ 10:30

Kwa Nàŋ-nuui kúkaa tɔnɔɔ.”

Zɔ̂ŋ 5:17

Kɛ́lɛ, Zîsɛ è zu tòo, ǹyɛɛi, “Ńâŋ káa niî tíi kɛ̂i, ńyãa máŋ ŋ́gaa tíi kɛ̂i.”

Zɔ̂ŋ 5:19

Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, Nòŋ-nuui fa mɛni da kélee kɛ̀ a gbɔɔ̂i-woo, fɛ̂ɛ, nyii nɔ a Nàŋ-nuui kàa gɛ́ gɛ̀i, kpɛ́ni fêi, mɛni nyii kélee a gɛ̀i, nyíti ƃe Ǹóŋ ǹyaa máŋ a gɛ̀.

Zia-ƃelai Kɛ́-mɛni-ŋai 15:18

Kúnuu-namui ƃé mò, nyíi a mɛni-ŋai ŋí kélee lɛ̀ é síɣe gɔ́ɔ pîlanii.’

Lomaŋ 11:25

Ŋánûa, ŋa ŋ̀wɛ̂lii a gɛ́ɛ ka noo-mɛnii ŋí ŋá káa a gɛ́ɛ káfe su-mɛni kɛtɛ kɛ̀ kákpîŋ mɛni ma. Lii-kpanaŋ a pá Eezuɛ-ŋai da-ni pɔ, e lɛɛ la zu Zɛ̃tai-ŋai kélee dí lɔ Ɣâla ŋɔkâloŋ-laai su,

Kɔleŋtiɛŋ Maa-ŋuŋ 2:7

Kɛ́lɛ, kwa Ɣâla ŋɔtáre loo-mɛni-ŋai lɛ̀, nyíi Ɣâla è gbɛ̀tɛ nàa tuɛ ŋ̀éniɛi ŋí kɔ́ɔ é lɛ́ɛ pâi pîlanii kúfolo-laai mɛni mai.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 3:2

Tɔ̃yâ ma ká m̀ɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

Ifisiɛŋ 6:19

Ka Ɣâla fɛli máŋ ḿɛni ma a gɛ́ɛ ŋá m̀ɛnii kɔlɔŋ ŋa pâi m̀ôi tãi ŋà ńâ ƃò-la a gɛ́ɛ ŋa Duŋ Lɛ́lɛɛi su loo-mɛnii ƃo a lii-kpelei.

Kolasiɛŋ 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔ ká fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí è ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Kolasiɛŋ 1:26

nyíi kɛ̀ a loo-mɛni ŋ̀éniɛi-su-ƃelai dia a tãi su kôyaa, kɛ́lɛ, a nâa lɛ́ Ŋ̀âla-ƃelai diai.

Kolasiɛŋ 3:3

Kpɛ́ni fêi, ka saa, ǹyaŋ káfulu-laai da Kôrai díloɔɔ̂i Ɣâla kponôi.

Kolasiɛŋ 4:3

Ka Ɣâla fɛli kúmɛni ma máŋ a gɛ́ɛ Ɣâla é ŋ̀óoi ŋɔkpôŋ lá ƃo kûɛ a gɛ́ɛ kú Kôrai ŋɔloo-mɛnii lɛ́, nyíi ŋ́gaa kpini-pɛrɛ mu mɛni mai,

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Temete Veerɛi 4:17

Kɛ́lɛ, Kúnuu-namui è tɔ̀ɔ ŋ́gɔlɛ é wála-wala tɛɛ ḿbɔ a gɛ́ɛ ŋá ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. M̀ɛni ma Kúnuu-namui è ŋ́gùla ǹyala-sului lá.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyaai.

Pitɛ Maa-ŋuŋ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 14:6

Ǹaa pôlu mâ, ŋá Ɣâla-taa kela da kpɛni kàa gɛ koôŋ Ɣâla-taa samai, gɛ ŋwɔlɔ-wɔlɔ-tuŋ lɛ́lɛɛi ƃo diai dîa díkaa ǹɔii mai, gɛ̀ mò lɔii-ŋuŋ kélee ma, nuu-suu kélee, sii-woo kélee, da sii kélee dîa.

M̀ɛni-lɛɛi 17:8

Zuai í gàai, è kɛ̀ naa, kɛ́lɛ, vé ŋɔ́nɔ naa, ǹyaŋ a pâi kulâi ǹóai sú nyíi gbóŋ kɔyaŋ fé mài, é lí su-kara su. Diai díkaa ǹɔii sui, nyíi-ŋai dílaa fé niî pɔ̃yɛ ni vúlu-laa-kɔlɔi sui é síɣe ǹɔii kɔ́ɔ pîlaŋ tãi mai, díla a pâi kpálâi dîa a gɛɛ dí zuai káa, kpɛ́ni fêi, è kɛ̀ naa, ǹyaŋ vé ŋɔ́nɔ naa, kɛ́lɛ, a pâi pâi.

M̀ɛni-lɛɛi 4:11

“Ímaa nɛ̃ɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”