Ifisiɛŋ 3:8 - Ŋ̀âla Kɔlɔ Maa Waai

⁸ Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Ifisiɛŋ 3:8 ပူးပေါင်းရင်းမြစ်များ

Kɔlɔnikɔ Maa-ŋuŋ 17:16

Nya ƃe Gâloŋ Deeƃé è lì Yâwɛɛ ŋɔsua-kɔlɔ seɣe-pɛrɛi mu é sée Yâwɛɛ ŋɛ́i gɛ́ Ɣâla fɛ̀li. È mò ǹyɛɛi, “Ŋáɣâlai Yâwɛɛ, ḿaa fé ǹɛɛ ní m̀ɛnii ya wɔ́lɔ gɛ̂ mîi maa mɛni ma, kpaa máŋ ŋ́gaayɔɔ-ŋai.

Wule-woo-ŋa 31:19

Íkɛ mɛni-ŋai káa a mɛni mĩli-mĩliɛɛ lɛ́lɛɛ-ŋa. Diai da yâo yâi, ya m̀ɛni lɛ́lɛɛ-ŋai ŋí tɛ̀ɛ dípɔ! Núu kélee è gɔ́lɔŋ berei ísɔŋ lɛ̂lɛɛi lai, da berei diai dílâai a yái, ya dímaa kɔ̃ɔ lai.

Lûu 14:22

Ǹyée-mu-nuui e mò, ǹyɛɛi, ‘Ńâmu, mɛnii í mòi aâ kɛ́, kɛ́lɛ, núu-seei káa niî ƃɛ.’

Zɔ̂ŋ 1:16

Ǹyaŋ ŋɔlaa-fɛ̂ɛi su kúkelee kwa ƃɛlɛ-sêe támaa sɔlɔ ƃó gîe mɛi.

Zia-ƃelai Kɛ́-mɛni-ŋai 5:41

Zia-ƃelai kúlaa gbɔŋ sui, dí li a lii-nɛ̃ɛ, kpɛ́ni fêi, Ɣâla a fáa ma a gɛ́ɛ dímaa nɛ̃ɛi kɛ̀ dí mɛni-soli káa a ŋumɛ pere Zîsɛ láai mɛni ma.

Zia-ƃelai Kɛ́-mɛni-ŋai 9:15

Kɛ́lɛ, Kúnuu-namui è mò mà, ǹyɛɛ, “Lí, kpɛ́ni fêi, gáa a ǹúui ŋa ǹɛ́ a ŋátii kɛ́-nuui dɔnɔ a gɛ́ɛ é lí a ńaa Zɛ̃tai-ŋai sáma, gâloŋ-ŋai da Eezuɛ-ƃelai.

Lomaŋ 11:33

Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Lomaŋ 12:10

ka kákîe-ni wɛli a núu-laa wɛli-kɛ-maa; ka kɔ́ kpɔ́ a gbanaŋɔɔ ka ƃaa kɛ́-maa tɛ́ɛ kákîe-ni pɔ.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Maa-ŋuŋ 15:9

Kpɛ́ni fêi, ŋ́guro têi zia-ƃelai sama ǹyaŋ ḿaa fé nɛ̃ɛ ní a gɛ́ɛ dí ńdoli a sia-nuu, kpɛ́ni fêi, ŋá mɛni ŋánaa kɛ̀ a Ɣâla-toli-kpɔŋ.

Kɔleŋtiɛŋ Maa-ŋuŋ 2:9

Kpɛ́ni fêi, yɛ̂ɛ berei bɔ̃yɛɛ̂i lai, “M̀ɛnii nuu ŋɛ́i fé niî gáa niî, kpaa máŋ núu wóli fé niî mɛni níi, kpaa máŋ vé niî lɔ́ ní núu líi sui, m̀ɛnii Ɣâla a gbɛtɛ diai dí ŋ̀wɛ́li níi dímɛni mai.”

Galesiɛŋ 1:16

ǹíi è làa a gɛ́ɛ è Ǹóŋ lɛ̀ ḿâ a gɛ́ɛ ŋá maa-mɛni ƃó Zɛ̃tai-ŋai sáma, ǹyaŋ fé ŋuŋ pîlaŋ ní a núu-kpune da.

Galesiɛŋ 2:8

Kpɛ́ni fêi, ǹúui Pitɛ kɛ̀ a sia-nuu a gɛ́ɛ é tíi kɛ́ diai sama díseɛɛ̂i kpono mai, èe ŋ́gɛ̀ máŋ a sia-nuu Zɛ̃tai-ŋai mɛni ma.

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sarâi.

Ifisiɛŋ 3:1

Sâpoi ŋí ma, ńyãa Pɔ̂ɔ, ńyãai ŋ́gaa a kpini-pɛrɛ mu Zîsɛ Kôrai mɛni ma káai a Zɛ̃tai-ŋai kámaa-mɛni mai, ŋa pɛlɛ ŋume ŋá Ǹaŋ-nuui ŋɛ́i túɛ.

Ifisiɛŋ 3:16

a gɛ́ɛ berei è ŋɔfólo-laai kɛ̂tɛi lai, é kákɛ kákponôi é kpanaŋ a wála-wala-laa núu-kpune kponôi Ŋɔmɔlêŋ sarâi,

Ifisiɛŋ 3:19

a gɛ́ɛ ŋɔ́nɔ ká Kôrai ŋɔwɛli kɛ́-maai kɔlɔŋ nyíi dɛɛi táre mai, a gɛ́ɛ kálaa é fɛ́ɛ a Ɣâla ŋɔlaa-fɛɛi.

Ifisiɛŋ 3:2

Tɔ̃yâ ma ká m̀ɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

Felepiɛŋ 2:3

Káfe ŋɛi-kpala-mɛni kélee da kɛ̀ kpaa máŋ yoŋka-mɛni kélee, kɛ́lɛ, ka kákpîŋ maa yeŋ, ka káƃarâai siɣe a nûa lɛ́lɛɛ e tɛɛ káa kpîŋ kâa.

Felepiɛŋ 4:19

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Temete Maa-ŋuŋ 1:13

Berei máŋ ŋá wɔ́lɔ tɛ-ŋa-woo ƃò la é pîlaŋ mà ŋá gbɔara ŋá ŋ̀ɛ́i falai, kɛ́lɛ, ŋá maloŋ-kaa sɔlɔ ƃô ǹyêei, kpɛ́ni fêi, mɛni-ŋai ŋá kɛ̀ gɛ̂i, fé kɛ́ ni a gɔ́lɔŋɔɔ. Laa-la fé kɛ́ ni ńyêei.

Temete Maa-ŋuŋ 1:15

M̀ɛnii da mòi gáa a tɔ̃yâ. Maa nɛ̃ɛ̂i kú kúyêei see mu a gɛ́ɛ Zîsɛ Kôrai è pà ǹɔii su ƃɛ a gɛ́ɛ é sɔnyɔ̂ŋ-ƃela ƃálo. Ǹyaŋ ńyãa ƃa zɔnyɔ̂ŋ gɛ́tɛ-kɛ-nuu.

Temete Maa-ŋuŋ 2:7

Dí ńɛ̂ la a Ɣâla-woo ƃo-nuu da sia-nuu nyíŋi mɛni ma (ŋa dɔ̃yâi ƃôi, fé lɛ́ɛ kɛ̂i), dí ńɛ̂ a Zɛ̃tai-ŋai dísɛŋ-lɛ-nuu laa-la su da tɔ̃yâ.

Temete Veerɛi 1:11

Dí ńɛ̀ a Ɣâla-woo ƃo-nuu, sia-nuu, da sɛŋ-lɛ-nuu Duŋ Lɛ́lɛɛi ŋí mɛni ma.

M̀ɛni-lɛɛi 3:18

Mɛni ma ŋa ilia-woo ƃôi a gɛɛ í gôo yá ńyêei, nyíi ŋɔŋ a maa kpɛtɛ̂i, a gɛɛ íkɛ a tɔɔ-nuu, í yokpo kole ya ńyêei í doo yâ, a gɛɛ í íkaŋ loo ŋumɛ fé íkɛ̀, í wulɔ ya ńyêei í zia íŋɛi a gɛɛ í kwaa káa.