Ifisiɛŋ 3:4 - Ŋ̀âla Kɔlɔ Maa Waai

⁴ Kà nyíŋi lòno, ka pâi ŋámɛni-ŋa-kaai kɔ́lɔnîi naa è pîlaŋ Kôrai ŋɔloo-mɛnii ma.

Ifisiɛŋ 3:4 ပူးပေါင်းရင်းမြစ်များ

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Lûu 8:10

E mò dîa, ǹyɛɛ, “Káa ƃe Ɣâla ŋɔkâloŋ-laai maa-loo mɛni-ŋai kɔlɔŋɔɔ tɛɛ̂i kápɔ, kɛ́lɛ, ǹûai kpeli-ŋai dɛɛ̂i dípɔ a sáŋ a gɛɛ da gàa, dífe ŋá kaa, da m̀ɛni, dífe tàre zu.

Lomaŋ 11:25

Ŋánûa, ŋa ŋ̀wɛ̂lii a gɛ́ɛ ka noo-mɛnii ŋí ŋá káa a gɛ́ɛ káfe su-mɛni kɛtɛ kɛ̀ kákpîŋ mɛni ma. Lii-kpanaŋ a pá Eezuɛ-ŋai da-ni pɔ, e lɛɛ la zu Zɛ̃tai-ŋai kélee dí lɔ Ɣâla ŋɔkâloŋ-laai su,

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Kɔleŋtiɛŋ Maa-ŋuŋ 13:2

À kɛ̀ máŋ wála-wala káa ńyêei a gɛ́ɛ ŋá Ɣâla-woo ƃó, ŋ́gɛ tàre kili-ŋa-tɛi mɛni kélee su, táre kélee kɛ́ ƃo ńyêei, a kɛ̀ máŋ laa-la kélee káa ńyêei a gɛ́ɛ ŋa pɔ̂ri yée-ŋa siɣêi dítɔɔ̂i, kɛ́lɛ, wɛli-kɛ-maa fé ńyêei, ŋ́gaa nɔ́ kpɛni-kpɛni.

Kɔleŋtiɛŋ Maa-ŋuŋ 4:1

Tɔɔ núu e gíli ŋá sía é pîlaŋ kûa yɛ̂ɛ Kôrai yée-mu-ƃela da Ɣâla ŋɔkili-ŋa-tɛi mɛni-ŋai mɛi-ƃela.

Kɔleŋtiɛŋ Veerɛi 11:6

À kɛ̀ máŋ fa pɔ̂ri lônoi a ǹɛ́lɛɛ, táre lɛ́lɛɛ káa ńyêei. Pere sii kélee su kwa nyíŋi ŋá lɛ̀ kâa a ǹɛ́lɛɛ mɛni kélee su.

Ifisiɛŋ 1:9

A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Ifisiɛŋ 3:3

berei noo-mɛnii a lɛ́ la mâ Ɣâla ŋɔmɛni-lɛɛi sarâi, yɛ̂ɛ berei ŋá mò la kâa nɔ́ a gbuâi.

Ifisiɛŋ 3:9

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá gɛ́ núu kélee é noo-mɛnii káa nyíi zɛŋ kélee kpɛtɛ-Ɣalai è nòo a tãi su kôyaai,

Ifisiɛŋ 5:32

Nyíŋi ŋá káa la walai, kɛ́lɛ, ŋa lônoi é pîlaŋ Kôrai ma da Kôrai-toli-kpɔŋ.

Ifisiɛŋ 6:19

Ka Ɣâla fɛli máŋ ḿɛni ma a gɛ́ɛ ŋá m̀ɛnii kɔlɔŋ ŋa pâi m̀ôi tãi ŋà ńâ ƃò-la a gɛ́ɛ ŋa Duŋ Lɛ́lɛɛi su loo-mɛnii ƃo a lii-kpelei.

Kolasiɛŋ 1:26

nyíi kɛ̀ a loo-mɛni ŋ̀éniɛi-su-ƃelai dia a tãi su kôyaa, kɛ́lɛ, a nâa lɛ́ Ŋ̀âla-ƃelai diai.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolasiɛŋ 4:3

Ka Ɣâla fɛli kúmɛni ma máŋ a gɛ́ɛ Ɣâla é ŋ̀óoi ŋɔkpôŋ lá ƃo kûɛ a gɛ́ɛ kú Kôrai ŋɔloo-mɛnii lɛ́, nyíi ŋ́gaa kpini-pɛrɛ mu mɛni mai,

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Maa-ŋuŋ 3:9

Fɛ̂ɛ dí ǹaa-lai ŋɔloo-mɛnii kélee soŋ a díkili-ŋa-siai kélee.