Ifisiɛŋ 3:20 - Ŋ̀âla Kɔlɔ Maa Waai

²⁰ Ǹyaŋ ǹúui pɔ̂ri káa mì a gɛ́ɛ é m̀ɛnii kɛ́ é tɛ́ɛ mɛni kélee ma kwa mare-kɛ̂ɛ kɛi, kpaa máŋ kú kúkili ŋá sía mai, yɛ̂ɛ berei ŋɔwála-walai káa tíi kɛ̂i la kúkponôi,

Ifisiɛŋ 3:20 ပူးပေါင်းရင်းမြစ်များ

Zɛnɛse 17:1

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítûa a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Zɛnɛse 18:4

Tɔɔ dí pá a yá loŋ ká kákɔɔ maa wáa, ká káfii tɔ́ɔ ŋ̀úrii mu.

Samia Veerɛi 7:19

M̀ɛni-ŋai ŋí fé nɔ́ íŋɛi a mɛni fii-kpɛɛ, óo Yâwɛɛ Ɣala. Ya íkono-teei lí máŋ tuɛ-pere íyee mu-nuui ǹóŋ ŋɔlônii mɛni ma, óo Yâwɛɛ Ɣâla!

Kâloŋ Maa-ŋuŋ 3:13

Ŋa pâi máŋ zɛŋ tɛɛ̂i ípɔ nyíi ífe m̀are-kɛ̂ɛ kɛ́ níi, tɔɔ-laa da ƃaa kɛ́-maa ífulu-laai su é tɛ́ɛ kâloŋ da kpɛ́ni kélee ma ŋ̀éniɛi su.

Kɔlɔnikɔ Veerɛi 25:9

Nya ƃe Amazia è Ɣâla ŋɔlóno kɛ́-nuui marê kɛ̀ ǹyɛɛi, “Gɛ̀ ní gánei ŋá dɛ̀ɛ dípɔi dɔɔ̂i ƃa mí?” Ɣâla ŋɔlóno kɛ́-nuui è ŋ̀óo su tòo ǹyɛɛi, “Yâwɛɛ a pɔri dámaa tɛɛ̂i ípɔ.”

Kɔlɔnikɔ Veerɛi 9:12

Zɛŋ nyíi kélee Siƃa Kaloŋ nɛnii è kɛ̀ ŋ̀wɛ̂lii, da nyíi kélee è maa mare kɛ́ɛ kɛ̂i, Galoŋ Saloma è dɛ̀ɛ bɔ́. Saloma è sãâ támaa tɛ̀ɛ Siƃa Kaloŋ nɛnii pɔ́ é tɛ́ɛ nyíi ma è pà la Saloma pɔi. Nya ƃe Siƃa Kaloŋ nɛnii da ŋɔyee mu-ƃelai dí nâa lène pôlu dí lí dípɔ-taai.

Ɛsedɔ 34:6

Yâwɛɛ è tɛ̀ɛ Mose ŋɛ́i-tuɛ é gbîŋ láa tóli ǹyɛɛ, “Yâwɛɛ, Yâwɛɛ, ŋ́gaa a Ɣâlai maloŋ-kâa támaa káa ǹyêei. Ǹíi-ŋwana-la fé nɛ̃ɛ ní. Wɛli-kɛ-maa támaa káa ǹyêei da sãa-laa.

Wule-ŋa Kélee Mɛi Wûle 5:1

Ŋáwɛli kɛ́-maa nûui, ŋaâ pá ŋásûai su. Ŋaâ ŋáwuru mã̂laŋ kúŋ nɛ̃ɛ̂i da ŋákuŋ maa sɛŋ síɣe. Ŋaâ ŋákɔ̃́iŋ-kpaŋ lúaŋ, ŋa ŋ̀úlɔ kpéle. Ŋaâ ŋáwã̂ai da ŋániŋa ŋini-yai kpéle. Óo ńɛlɛi, ílaa míi, ílii é láa, í íkpele é lɛ́ɛ la zu ŋáwɛli kɛ́-maai é tɛ́ɛ ílii pôlu.

Azaya 35:2

Vɛ̃ɛ-kpâlaŋ-ŋai da ǹɔii kpâlaŋ-ŋai da pâi kɛ́i wule-ŋa toôi díkɛ lii-nɛ̃ɛ kùla a zu-kɛ́tɛ. Gwaa-ŋai ŋí ma a pâi kɛ̂i a ǹɛ́lɛɛ yɛ̂ɛ Lɛƃanɔŋ Yee-ŋai ma. Ǹɔii a pâi kɛ̂i a ǹɛ́lɛɛ gwaa-ŋai ŋí ma Kamɛɛ Yeei da Salɔŋ tiŋ-tiŋ su. Ǹaa-ƃelai kélee da pâi Yâwɛɛ ŋɔfólo-laai kâai, dí Ɣâla ŋɔkɛ́tɛ-laai kɔ́lɔŋ da ŋɔwála-walai.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ́naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Zɛlemaya 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔɔ̂i ímaa mɛni ma.

Zɛlemaya 32:27

“Ńyãa ƃa Yâwɛɛ. Ŋ́gaa a núu-kpune kélee Díɣâla. Mɛni da fé naa nyíi fa pɔ̂ri gɛ̂i.

Danîa 3:17

À kɛ̀ Ŋ̀âlai kwa tíi kɛ̂i mii a pâi kúkulâi ŋ̀ɔŋ kpɔ̂lui su, a pâi kúlâi íyêei, óo Gâloŋ!

Danîa 6:20

Tãi è lɛ̀ɣɛ la ǹóai kɔlɛ mai, è Danîa tòli ɣelêi-pere ǹyɛɛ mai, “Danîa, Gɛ-Ɣele-ma Ɣalai ya tíi kɛ̂i mì a ɣele kélee fii-tɔ̀ɔ fé yâi, aâ íŋuŋ ma ƃó a íkula ǹyala-sulu-ŋai lá?”

Maafîu 3:9

Káfe kákili ŋá sìa kákɛ m̀ó kákoi-pere, ‘Eberaɣɛ̃ɛ káa kúyêei a kúnâŋ.’ Kpɛ́ni fêi, ŋá m̀ó kâa, Ɣâla a pɔ̂ri gɔni-ŋai ŋí kɛ̂i a Eberaɣɛ̃ɛ-nonii.

Zɔ̂ŋ 10:10

Ŋ̀uma-nuui a pâ nɔ́ a gɛɛ é díŋuma, é dípaa, é dísu kara. Ŋá pà a gɛɛ dí fulu-laa sɔlɔ ƃo, é kɛ́ díyêei a dámaa.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Lomaŋ 4:21

È kɛ̀ a gɔ́lɔŋɔɔ kpɔ́ a ǹɛ́lɛɛ a gɛ́ɛ m̀ɛnii Ɣâla è góno tèe lai, pɔ̂ri káa mì é gɛ́.

Kɔleŋtiɛŋ Maa-ŋuŋ 2:9

Kpɛ́ni fêi, yɛ̂ɛ berei bɔ̃yɛɛ̂i lai, “M̀ɛnii nuu ŋɛ́i fé niî gáa niî, kpaa máŋ núu wóli fé niî mɛni níi, kpaa máŋ vé niî lɔ́ ní núu líi sui, m̀ɛnii Ɣâla a gbɛtɛ diai dí ŋ̀wɛ́li níi dímɛni mai.”

Kɔleŋtiɛŋ Veerɛi 9:8

Pɔri káa Ɣâla mì é lûwa-sii kélee tɛɛ kápɔ a zu kɛ́tɛ a gɛ́ɛ sɛŋ kélee é kɛ́ káyêei a dámaa a tãi kélee a gɛ́ɛ ká kpɔŋ-mâa kɛ́ a zu kɛ́tɛ tíi lɛ́lɛɛ kélee mɛni ma.

Ifisiɛŋ 1:19

da ŋɔkɔyɛŋ-fe-maa wála-wala kɛ́tɛi gáa kúkponôi kúai laa-la káa kúyêei, yɛ̂ɛ berei ŋɔtíi kɛɛi káa la ŋɔwála-wala kɛ́tɛi sui.

Ifisiɛŋ 3:7

Dí ŋ́gɛ̀ a Duŋ Lɛ́lɛɛi ŋí maa tii-kɛ-nuu, yɛ̂ɛ berei zama-sɛŋ káa la, nyíi gáa a Ɣâla ŋɔƃɛlɛ-sêei, nyíi è dɛ̀ɛ ḿbɔ ŋɔwála-walai ŋɔtíi kɛɛi sui.

Kolasiɛŋ 1:29

Nyíŋi mɛni ma ŋa tíi kɛ̂i, ŋ́gɛ kɔ kpɔ́ a ŋwála-walai kélee è bu ŋ́gbonôi kpɔ́ a gbanaŋɔɔi.

Temete Maa-ŋuŋ 1:14

Kúnuu-namui ŋɔƃɛlɛ-sêei è kɛ̀ a gɛ́tɛ ḿɛni ma da naa-lai é pɛlɛ ŋwɛli-kɛ-maai ma nyíi-ŋai díkaa Zîsɛ Kôrai kponôi.

Ibulu 11:19

È làa la a gɛɛ pɔ̂ri káa Ɣâla mì é núu mu siɣe máŋ saa yêei. M̀ɛni mà, kwa pɔ̂ri m̀ôi kûɛ è zɔlɔ ƃô ŋɔ́nɔ pôlu.

Ibulu 7:25

Mɛni ma, pɔ̂ri káa mì a gɛɛ é diai ƃálo wɔlɔ-wɔlɔ da wɔlɔ-wɔlɔ da lɛ̂ɣɛ Ɣâla kɔlɛ zarâi. Kpɛ́ni fêi, gáa ɣele ma a tãi kélee a gɛɛ é tɔ́ɔ dímɛni mà.

Zĩi 4:12

Tɔ̂ŋ-tɛɛ-nuu tɔnɔ da mɛni-ŋa-tee-nuu tɔnɔ nɔ́ ƃe naa, nyíi pɔ̂ri káa mì a gɛɛ é ƃálo-laa tɛ̀ɛ, kpaa máŋ é su-kara tɛɛ̂i. Kɛ́lɛ, gbɛ̂ɛ ƃa yá a gɛɛ í íkɔlɛ-ma-nuui ŋɔmɛnii ŋá téei?

Pitɛ Veerɛi 1:11

Ɣâla a pâi Kúnuu-namui da Kúƃalo-nuui Zîsɛ Kôrai ŋɔwɔlɔ-wɔlɔ kâloŋ-laai su-perei kpɛtɛ̂i a ǹɛ́lɛɛ a gɛɛ ká lí naa.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,