Ifisiɛŋ 3:2 - Ŋ̀âla Kɔlɔ Maa Waai

² Tɔ̃yâ ma ká m̀ɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

Ifisiɛŋ 3:2 ပူးပေါင်းရင်းမြစ်များ

Zia-ƃelai Kɛ́-mɛni-ŋai 13:2

Dí kɛ́ɛ Kúnuu-namui fɛlîi, díkɛ pili suŋ sui, M̀ɔlêŋ Maa Waai è mò dîa ǹyɛɛi, “Ka Banaba da Sɔ̂ɔ kula kásama díi ŋá dítòli a gɛ́ɛ dí gɛ́i mɛni ma.”

Zia-ƃelai Kɛ́-mɛni-ŋai 13:46

Kɛ́lɛ Pɔ̂ɔ da Banaba dí lòno kpɔ́ a lii-kpele pere, dîyɛɛi, “M̀aa nɛ̃ɛ̂i kɛ̀ a gɛ́ɛ Ɣâla ŋɔwóoi é ƃó kâa a maa-ŋuŋ. Kɛ́lɛ, káfe káyee seêni mu. Ka kákpîŋ lɛ̀ a gɛ́ɛ kámaa fé nɛ̃ɛ ní ŋ̀wɔ́lɔ-wɔlɔ fulu-laai mɛni ma. M̀ɛni ma, kúkaa nâa tínanîi Zɛ̃tai-ŋai pɔ́naa pere.

Zia-ƃelai Kɛ́-mɛni-ŋai 22:21

Nya ƃe, è mò mâ, ǹyɛɛi, ‘Kúla naa. Kpɛ́ni fêi, ŋa pâi ítɛɛ̂i kwaa kôyaa ma Zɛ̃tai-ŋai pɔ́naa.’ ”

Zia-ƃelai Kɛ́-mɛni-ŋai 9:15

Kɛ́lɛ, Kúnuu-namui è mò mà, ǹyɛɛ, “Lí, kpɛ́ni fêi, gáa a ǹúui ŋa ǹɛ́ a ŋátii kɛ́-nuui dɔnɔ a gɛ́ɛ é lí a ńaa Zɛ̃tai-ŋai sáma, gâloŋ-ŋai da Eezuɛ-ƃelai.

Lomaŋ 1:5

Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei.

Lomaŋ 11:13

Kɛ́lɛ, ŋa lônoi káai a Zɛ̃tai-ŋai kápɔ. Tãi nɔ́ ŋ́gaa la a Zɛ̃tai-ŋai dísia-nuui, ŋa kɔ̂i a gɛ́ɛ ŋa Ŋáɣâla-tii kɛ́ ƃaa kɛ́-maa pere su

Lomaŋ 12:3

Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Kɔleŋtiɛŋ Maa-ŋuŋ 4:1

Tɔɔ núu e gíli ŋá sía é pîlaŋ kûa yɛ̂ɛ Kôrai yée-mu-ƃela da Ɣâla ŋɔkili-ŋa-tɛi mɛni-ŋai mɛi-ƃela.

Galesiɛŋ 1:13

Ka ŋáfulu-laai kɔ́ɔ pîlanii maa-mɛni mɛni Zûu-ŋai Díɣâla-m̀ɛnii su, berei ŋá Ɣâla ŋɔtóli-kpɔŋ kpɔ̂ara la a ŋ̀wana-lɔ̂ɔ-pere, ŋ́gɛ kɔ̀ a gɛ́ɛ ŋá zu karai.

Ifisiɛŋ 1:10

Ɣâla a gbɛtɛ gíli ŋá a gɛ́ɛ tãi à sèri, é ŋ̀elei-su sãai da ǹɔii-ma sãai kélee pú gîei Kôrai kponôi.

Ifisiɛŋ 3:7

Dí ŋ́gɛ̀ a Duŋ Lɛ́lɛɛi ŋí maa tii-kɛ-nuu, yɛ̂ɛ berei zama-sɛŋ káa la, nyíi gáa a Ɣâla ŋɔƃɛlɛ-sêei, nyíi è dɛ̀ɛ ḿbɔ ŋɔwála-walai ŋɔtíi kɛɛi sui.

Ifisiɛŋ 3:8

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Ifisiɛŋ 3:9

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá gɛ́ núu kélee é noo-mɛnii káa nyíi zɛŋ kélee kpɛtɛ-Ɣalai è nòo a tãi su kôyaai,

Ifisiɛŋ 4:21

À kɛ̀ ká ŋ̀óo mɛ̀ni é sɛŋ lɛ kâa yɛ̂ɛ berei tɔ̃yâ káa la Zîsɛ kponôi,

Ifisiɛŋ 4:7

Kôrai a ŋɔƃɛlɛ-sêe kɛ́tɛi da tɛɛ kúpɔ tɛi-tɛi.

Kolasiɛŋ 1:4

kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋ̀wɛli-kɛ-maai gáa káyêei Ŋ̀âla-ƃelai kélee mɛni mai.

Kolasiɛŋ 1:6

Duŋ Lɛ́lɛɛi a pá kápɔ. Gáa ƃâi ǹɔii su gwaa kélee gɛ ƃɔlɔ. Bere ƃé è kɛ̀ la kásama tãi ká Ɣâla ŋɔƃɛlɛ-sêei maa-mɛni mɛ̀ni la ká táre zu tɔ̃yâ sui,

Temete Maa-ŋuŋ 1:11

yɛ̂ɛ berei ǹûa-tɛɛ Ɣalai ŋɔtuŋ lɛ́lɛɛi káa la nyíi folo-laa káa mai, nyíi dí ǹɛɛ ńyêei.

Temete Maa-ŋuŋ 1:4

kpaa máŋ, dífe díkpîŋ pu lɛ́ɛ-mɛni pɔlɔ ƃoɔɔ su da núu-suu pîlaŋ pere nyíi gɔyâŋ fé mai. M̀ɛni-ŋai ŋí da pâ a mare-kɛɛ támaa nyíi-ŋai da Ɣâla ŋɔmɛni kpɛtɛɛi lɛ́ mɛni kpera nyíi gáa laa-la sui.

Temete Maa-ŋuŋ 2:7

Dí ńɛ̂ la a Ɣâla-woo ƃo-nuu da sia-nuu nyíŋi mɛni ma (ŋa dɔ̃yâi ƃôi, fé lɛ́ɛ kɛ̂i), dí ńɛ̂ a Zɛ̃tai-ŋai dísɛŋ-lɛ-nuu laa-la su da tɔ̃yâ.

Temete Veerɛi 1:11

Dí ńɛ̀ a Ɣâla-woo ƃo-nuu, sia-nuu, da sɛŋ-lɛ-nuu Duŋ Lɛ́lɛɛi ŋí mɛni ma.