Ifisiɛŋ 3:16 - Ŋ̀âla Kɔlɔ Maa Waai

¹⁶ a gɛ́ɛ berei è ŋɔfólo-laai kɛ̂tɛi lai, é kákɛ kákponôi é kpanaŋ a wála-wala-laa núu-kpune kponôi Ŋɔmɔlêŋ sarâi,

Ifisiɛŋ 3:16 ပူးပေါင်းရင်းမြစ်များ

Zôo 23:6

A pɔ̂ri ńyee mɛi ɣâlei a ŋɔwála-wala-laa kɛ́tɛi? Kpao! A pâi ŋ̀oli tɔɔ̂i ŋ́oo ma.

Wule-woo-ŋa 138:3

Tãi ŋá ítòli lai, íŋoo mɛ̀ni, íwala-wala tɛ̀ɛ ḿbɔ, nyii ŋgbonoi kpanaŋ.

Wule-woo-ŋa 28:8

Yâwɛɛ a ŋɔnûai maa kɔ̃ɔ gɛ́ kɔ̀ dímɛni ma. Ǹúui è zìɣe zu a kâloŋ, a kɔ̀ m̀ɛni ma gɛ́ ŋ̀uŋ ma ƃò.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Zɛlemaya 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Zɛkɛrâya 10:12

Ŋa pâi díkponôi kpananîi, ǹyaŋ dífolo-laai maa a pâi tɛ̂i ńaai su.” Yâwɛɛ ƃé mò.

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Lomaŋ 2:29

Kɛ́lɛ Zûu-nuu kpîŋ ƃa ǹúui a dɔ̂ŋ mɛi kâai. Nûu kpɛtɛɛ a tɔ̃yâ káa kpɔ́ a núu líi su-pere mɛni vé a mɛnii a kɛ̀ núu kpono mai. Ɣâla ŋɔmɔ̂leŋ ƃa gɛ̀ nyiŋi é kɛ́. M̀ɛni ma, ka laa-maa-tɛ kɔ́ri Ɣâla yêei kɛ́lɛ núu-kpune fêi.

Lomaŋ 7:22

Kpɛ́ni fêi, ŋa Ɣâla ŋɔtɔ̂ŋ mɛi kaa a lii-nɛ̃ɛ ŋ́gbîŋ kponôi.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Kɔleŋtiɛŋ Maa-ŋuŋ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Kɔleŋtiɛŋ Veerɛi 12:9

Kɛ́lɛ, è mò mâ, ǹyɛɛi, “Ŋáƃɛlɛ-sêei ŋɔ ƃé yâ ŋwɛlii. Kpɛ́ni fêi, ŋáwala-walai maa waâi fii-kpɛɛ su.” Mɛni ma lii-nɛ̃ɛ kɛ́tɛ su ŋa pâi yoŋka teêi ŋáfii-kpɛɛ-ŋai su a gɛ́ɛ Kôrai ŋɔwála-walai é kɛ́ ḿɛi.

Kɔleŋtiɛŋ Veerɛi 4:16

Mɛni ma kúfii fé kpɛ̀ɛ. Berei máŋ kúkpono a pɔlɔ̂i la a tãi kéleei, kúmɔlêŋ káa kɛ̂i nɔ́ a nina a ɣele kélee.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sarâi, nyíi zu-kulâi ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sarâi.

Ifisiɛŋ 3:15

nyíi núu-suu kélee gáa Ɣâla-taa da ǹɔii ma dílaa-seei a kûla ǹyêei,

Ifisiɛŋ 3:8

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Felepiɛŋ 4:13

Ŋa pɔ̂ri mɛni kélee kɛ̂i gbonôi nyíi a ŋ́gbonoi kpanaŋ.

Felepiɛŋ 4:19

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Kolasiɛŋ 1:11

Kákponôi é kpánaŋ a wála-wala kélee ŋɔfólo-laai ŋɔwála-walai sarâi lii-kpele kélee mɛni ma da mɔ̃lɛ su-koyaa a lii-nɛ̃ɛ.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Temete Veerɛi 4:17

Kɛ́lɛ, Kúnuu-namui è tɔ̀ɔ ŋ́gɔlɛ é wála-wala tɛɛ ḿbɔ a gɛ́ɛ ŋá ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. M̀ɛni ma Kúnuu-namui è ŋ́gùla ǹyala-sului lá.

Ibulu 11:34

Dí ŋɔŋ-soŋ kɛ́tɛ liɣiiŋ, dí kúla ƃóa-sɔkpɔ ŋá, vii-kpɛɛ-ƃelai kponôi é kpanaŋ, dí kɛ́ a kɔ́-kɔ-ƃela lɛ́lɛɛ-ŋa, dí lɔii da kpɛni su kɔ-kɔ-ƃela kɛ́ dí pú.

Pitɛ Maa-ŋuŋ 3:4

Kɛ́lɛ, kálɛlɛ laai é kúla kákponôi é kɛ́ a kátûa-perei nyíi maa-yeŋɔɔ̂i mɛi saai, nyíi ǹɛ́lɛɛ̂i Ɣâla ŋɛ́i-tuɛ yɛ̂ɛ kɔni mɛni kpanaŋɔɔ̂i.