Ifisiɛŋ 3:10 - Ŋ̀âla Kɔlɔ Maa Waai

¹⁰ a gɛ́ɛ Ɣâla è nâa ŋɔtáre sii támaai lɛ́ nuu-mɛi-ƃelai dîa da ŋwála-wala-ƃelai díkaa Ɣâla-taai Kôrai-toli-kpɔŋ sarâi.

Ifisiɛŋ 3:10 ပူးပေါင်းရင်းမြစ်များ

Wule-woo-ŋa 103:20

Káai kélee a ŋ̀âla-taa kela wála-walaa-ŋai, nyii-ŋai da Ɣâla ŋɔtɔ̂ŋ mɛi kâa díkɛ ŋ̀óo mɛnii, ka pá ká laa-maa tɛ̂ tɛɛ Yâwɛɛ pɔ́.

Wule-woo-ŋa 104:24

Óo Yâwɛɛ, í sãa támaa kpɛ̀tɛ. Í gélee kpɛ̀tɛ a táre-pere. Ǹɔii láa fɛ̂ɛi a íkpɛtɛ-sãai.

Izikiɛ 3:12

Nya ƃe mɔ̂leŋ è ńzîɣe é ńdɛ ŋ̀elei su. Yâwɛɛ ŋɔfólo-laai è nâa siɣe dɔɔ̂i. Ŋá tíŋ kɛ́tɛ da mɛ̀ni yɛɛ ǹɔii a kɛ̀ pûi zu.

Lomaŋ 11:33

Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Lomaŋ 8:38

Kpɛ́ni fêi, ńaâi la a gɛ́ɛ saa, kpaa máŋ fulu-laa, kpaa Ɣâla-taa-kela, kpaa nuu-mɛi-ƃela, kpaa máŋ zãâi kwa díkaâi da nyíi-ŋai pâi pâi, kpaa máŋ wála-wala-laa-ŋa,

Kɔleŋtiɛŋ Maa-ŋuŋ 1:24

Kɛ́lɛ, Zûu-ŋai da Gurii-ŋai nyíi-ŋai Ɣâla è dítòlii, Kôrai káa díŋɛi a Ɣâla ŋɔwála-walai da ŋɔtárei.

Kɔleŋtiɛŋ Maa-ŋuŋ 2:7

Kɛ́lɛ, kwa Ɣâla ŋɔtáre loo-mɛni-ŋai lɛ̀, nyíi Ɣâla è gbɛ̀tɛ nàa tuɛ ŋ̀éniɛi ŋí kɔ́ɔ é lɛ́ɛ pâi pîlanii kúfolo-laai mɛni mai.

Ifisiɛŋ 1:21

Nàa ƃe Kôrai káa naa ǹúu-mɛi-ƃelai kélee mɛi-pere póŋ-póŋ, ŋwála-wala-ƃelai, nuu-namela, da laa-see kélee nyíi zeɛɛ̂i. Ŋ̀éniɛi ŋí su nɔ́ fei, kɛ́lɛ, nyíi pâi pâi máŋ.

Ifisiɛŋ 1:23

nyíi gáa a ŋɔkponoi nyíi ǹáa fɛɛ̂i a ǹyaa kpîŋ, gɛ sɛŋ kélee láa fɛ̀ɛ a pere-sii kéleei.

Ifisiɛŋ 1:3

Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Ifisiɛŋ 1:8

nyíi è dɛ̀ɛ kúpɔ kpɔ́ a dámaa táre sii kélee su da mɛni ŋá káai.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Kolasiɛŋ 1:16

Kpɛ́ni fêi, sɛŋ kélee è kpɛ̀tɛ gbonôi, ŋ̀elei su-sãai kélee da ǹɔii ma-sãai kélee, nyíi-ŋai kwa díkâai da nyíi-ŋai kúfa díkaâi, é máŋ kɛ́ a kâloŋ-laa, kpaa nuu-namu-laa, kpaa nuu-mɛi-ƃela, kpaa máŋ wála-wala-ƃela-sɛŋ kélee è kpɛ̀tɛ zarâi, m̀aa-mɛni ma.

Kolasiɛŋ 2:10

Káfulu-laai láa a fɛ́ɛ Kôrai kponôi, nyíi gáa a nuu-mɛi-ƃelai kélee díŋuŋ-tuɛ-nuu da wála-wala kéleei.

Kolasiɛŋ 2:15

È nuu-mɛi-ƃelai da ŋwála-wala-ƃelai ŋáa yèŋ é díŋumɛ kpɔŋ su. Ɣâla è díyee mɛi ɣâle zaa-wurui sarâi.

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Pitɛ Maa-ŋuŋ 1:12

Ɣâla è ǹɛ dîa a gɛɛ dífe tíi kɛ́ ni díkpîŋ mì, kɛ́lɛ, dí tíi kɛ̀ kâa, mɛni-ŋai sarâi nyíi-ŋai diai Duŋ Lɛ́lɛɛi ƃo kâa M̀ɔlêŋ Maa Waai nyíi kula Ɣâla-taai zarâi. Dí mɛni-ŋai ƃò kâa, ŋ̀âla-taa kela-ŋai díkaa ŋ̀wɛ̂lii kpɔ́ a gbanaŋɔɔ a gɛɛ dí ŋ̀á káa.

Pitɛ Maa-ŋuŋ 3:22

nyíi a lí Ɣâla-taa gáa seêni Ɣâla láa-mii-yee mɛi da ŋ̀âla-taa kela-ŋai, núu-mɛi-ƃelai, é pɛ́lɛ ŋwála-wala-ƃelai dîa nyíi-ŋai díkaa mui.