Ifisiɛŋ 2:6 - Ŋ̀âla Kɔlɔ Maa Waai

⁶ è kúmu siɣe saa yêei gîe ma kwa Kôrai-ni. È kúkɛ̀ kwa dîa-ni kú see kwaa tɔnɔ ma Ɣâla-taa Zîsɛ Kôrai sarâi.

Ifisiɛŋ 2:6 ပူးပေါင်းရင်းမြစ်များ

Maafîu 26:29

Kɛ́lɛ, ŋá m̀ó kâa, é síɣe tãi ŋí ma fé pâi gbɔmɔ-ƃa-yai ŋí da kpelêi é lɛ́ɛ la zu ŋ̀elei tí é seri kwaa kâa-ni kwa pâi kúkpelêi la gîe ma a nina Ńâŋ ŋɔkâloŋ-laai sui.”

Lûu 12:37

Lûwa káa ǹyée-mu-ƃelai ti dîa diai dínâmu à pà pôlu, a pâi díkaâi a díŋɛi. Tɔ̃yâ ma, ŋá m̀ó kâa, a pâi ŋɔseɣe kôyaai kpíninîi ǹeŋêi, e gɛ dísee teƃele ma, e pa e mii-sɛŋ tɛɛ dípɔ.

Zɔ̂ŋ 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Zɔ̂ŋ 14:3

Ǹyaŋ ŋà lì ŋà kwaa ma kpɛ̀tɛ kámaa mɛni ma, ŋa pâi pâi pôlu ŋɔ́nɔ ŋa kásiɣe ká kɛ́ mâ a gɛɛ ƃɛi ŋa naai káa máŋ ká kɛ́ naa.

Ifisiɛŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, Ŋ̀âla-ƃelai, (nyíi-ŋai díkaa Ɛfesɛi), nyíi-ŋai díkaa a laa-la-ƃela máŋ Zîsɛ Kôrai kponôi:

Ifisiɛŋ 1:3

Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 2:13

Ká kɛ̀ a kámaa kôyaa Ɣâla ma, kɛ́lɛ, ka nâa lɛɣɛ la Kôrai ŋɔŋãai sarâi.

Kolasiɛŋ 1:18

Gáa a gbonoi ŋuŋ nyíi gáa a Kôrai-toli-kpɔŋ. Gáa a gɔɔ-pîlanii, gɛ ƃo a ǹúui maa-ŋuŋ kùla saa yêei, a gɛ́ɛ dɔɔ̂i é kɛ́ a gɛ́tɛ mɛni kélee su.