Ifisiɛŋ 2:22 - Ŋ̀âla Kɔlɔ Maa Waai

²² Kápuɔ̂i kákîe-ni ma Kôrai kponôi kwaa ma mɛni ma ƃɛi Ɣâla Ŋɔmɔlêŋ a kɛ̂ naai.

Ifisiɛŋ 2:22 ပူးပေါင်းရင်းမြစ်များ

Kɔleŋtiɛŋ Maa-ŋuŋ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Kɔleŋtiɛŋ Maa-ŋuŋ 3:9

Kpɛ́ni fêi, kúkaa a Ɣâla ŋɔtii-kɛ-ƃela gîe ma. Kákaa a Ɣâla ŋɔkpâlaŋ, ká ƃò a ŋɔpɛ́rɛ.

Kɔleŋtiɛŋ Maa-ŋuŋ 6:19

Káfe gɔ́lɔŋ a gɛ́ɛ kákponôi káa a Ɣâla-pɛrɛ M̀ɔlêŋ Maa Waai mɛni ma kákponôi, nyíi ka zɔlɔ ƃô Ɣâla yêei? Kápɔɔ fa kákpîŋ.

Kɔleŋtiɛŋ Veerɛi 6:16

Lé mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔkɔɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi, yɛ̂ɛ berei Ɣâla è mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Ifisiɛŋ 3:17

a gɛ́ɛ Kôrai é kɛ́ kálii su laa-la sarâi. A gɛ́ɛ gbɛɛ ŋái tãi kásame à lɔ̀ lai, káseêi é kpanaŋ wɛli-kɛ-maa su,

Zɔ̂ŋ Maa-ŋuŋ 3:24

Diai kélee da ŋɔtɔ̂ŋ-ŋai mɛi kâai, díkaa gbonôi, ǹyaŋ gɛ̀ ƃò díkponôi. Berei ŋí ƃe kwa gɔ̀lɔŋ la a gɛɛ gáa kúkponôi, kpɛ́ni fêi a M̀ɔlêŋ Maa Waai tɛ́ɛ a gɛɛ é kɛ́ kúkponôi.

Zɔ̂ŋ Maa-ŋuŋ 4:13

Bere-sii ŋí ƃe kwa gɔ̀lɔŋ la a gɛɛ kúkaa Ɣâla kponôi, ǹyaŋ gɛ ƃo kúkponôi, kpɛ́ni fêi, a Ŋɔmɔ̂leŋ kpîŋ tɛɛ kúpɔ.

Zɔ̂ŋ Maa-ŋuŋ 4:16

Mɛni ma kú Ɣâla ŋɔwɛli-kɛ-maai kɔ́lɔŋ kúmɛni ma, kú láa la. Ɣâla káa a wɛli-kɛ-maa. Ǹúui a kɛ̂ wɛli-kɛ-maa sui, a kɛ̂ Ɣâla kponôi, Ɣâla ǹyaŋ kɛ́ ƃo gbonôi.