Ifisiɛŋ 2:2 - Ŋ̀âla Kɔlɔ Maa Waai

² Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 2:2 ပူးပေါင်းရင်းမြစ်များ

Zôo 1:16

È lɛ̀ɛ nɔ́ pâi ŋ̀óo-ŋuŋ lâai gélai dɔnɔ kɛ́ ŋɔ́nɔ pà ǹyɛɛ mai, “Ŋ̀ele-gbana è tòo kpɔ́ kûa é m̀ála-ŋai da dímɛi káa-ƃelai kélee kpúŋ páa, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ!”

Zôo 1:19

Nya ƃe fãa kɛ́tɛ è kùla vɛ̃ɛ-kpâlaŋ su-pere é bɛ́rɛi wólo é pú dímɛi é díkelee kpúŋ páa. Ńyãa tɔnɔ nɔ́ ƃé kùla. Ŋá pà a gɛɛ ŋá mó yâ!”

Zôo 1:7

Nya ƃe Yâwɛɛ è Sêtɔŋ marê kɛ̀ ǹyɛɛ mai, “Mí ƃé ya kulâi naai?” Sêtɔŋ è Yâwɛɛ wóo su tòo ǹyɛɛ mai, “Ŋ́gaa nɔ́ sia-siai, ŋ́gɛ tɛ̀, ŋ́gɛ yèŋ ǹɔii gwaa kélee ma.”

Zôo 31:7

À kɛ̀ ŋaâ pɔara berei mâ è nɛ̀ ḿâi, ŋ́ɛi a zɛŋ káa nyii ḿve ŋ̀wɛ̂lii ŋá gáai, à kɛ̀ mɛni nyɔ́mɔ kɛ́ɛ a bɔ́ɔ lɛ́ɛ ḿâ,

Wule-woo-ŋa 17:14

Óo Yâwɛɛ, ŋ́gula ŋ̀éniɛi su-ƃela nyɔ́mɔɔ-ŋai yêei. Dínîa mɛni nɔ́ ƃa ŋ̀éniɛi su sãai maa mɛni. Mɛni kula maai yâ gbɛ̀tɛ dímɛni mai, gɛ́ a dia. Gɛ́ a dínîa-pɛlɛɛi, da díwɔ-ǹîa-pɛlɛɛi.

Azaya 30:1

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîe-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.

Azaya 57:4

Gbɛ̂ɛ ƃé ka ɣɛ́lɛ maa kulâi gbonôi? Gbɛ̂ɛ ƃé ka ká lá tâɣai kpɔ́ tí a zu kɛ́tɛ, kákɛ kánɛŋ kùla mai? Káfe a tɔɔ ma-ƃela da diai pɛlɛ káa díkponôi dílônii?

Zɛlemaya 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Osia 10:9

Yâwɛɛ è mò ǹyɛɛi, “Óo Eezuɛ-ŋa, ká sɔnyɔ̂ŋ kɛ̀ tãi ká kɛ̀ la Giƃia taa-leei sui. Kákaa nɔ́ niî gɛ̂i. M̀ɛni ma, da pâi kɔ́ pɛlɛ̂i kâa Giƃia.

Levetekɔ 11:16

soloŋ-kɔnɔŋ, lawɔ-kpɔ̂lui muu, ya kɔ̂rɔ-kɔrɔ, kpãaŋ da dísîi kélee.

Maafîu 11:19

Núu-kpune Ǹóŋ è pà gɛ ǹáa mii gɛ ŋwã̂ai kpèle, kɛ́lɛ, dí mò, dîyɛɛ, ‘Ka gáa, gáa a mii-sɛŋ wɛli-nuu gɛ ƃo a ŋwã̂ai-kpele-nuu, gɛ ƃo a ŋuŋ-fela-fei kula-ƃela da sɔnyɔ̂ŋ-ƃela díwɛli!’ Kú táre kɔ́lɔŋ táre ŋɔtíi-ŋai su.”

Maafîu 13:22

Nyii tòo ŋalêŋ-kpɔlɔi sui, ǹyaa ƃa ŋ̀óoi núu a m̀ɛni, kɛ́lɛ, ŋ̀éniɛi-su kpaaŋ da tɔɔ-laa ŋɔyee-laa-maai dí kpiniŋ là va ƃâi.

Maafîu 13:38

Ǹyaŋ gbâlaŋ ƃa ŋ̀éniɛi. Zí-sɛŋ lɛ́lɛɛ-ŋai ƃa Ɣâla ŋɔkâloŋ-laai su-lonii. Gala-ŋai ƃa ŋ̀wana-lɔ̂ɔ-nuui ǹônii.

Mâki 4:19

Kɛ́lɛ, lɔii su mɛni lii-sɛlɛŋ, tɔɔ-laa mɛni, lii-nɛ̃ɛ mɛni-ŋa, sɛŋ da kpɛ́ni-ŋa wɛ́li da lɔ̂ dí ŋ̀óoi kpáaŋ, va ƃɔ̀lɔ é ƃá.

Lûu 16:8

Nya ƃe ǹâmui e ǹyée-mu-nuu sɔŋ nyɔ́mɔɔi láa maa tɛ̂ berei a táre kɛ́ lai; kpɛ́ni fêi, ŋ̀éniɛi ŋi su-lonii-ŋai táreɛɛ̂i e pîlaŋ díkaa-ƃelai dîa é tɛ́ɛ víyeŋ ǹônii-ŋai dîa.

Lûu 22:31

“Samaŋ, Samaŋ, gáa, Sêtɔŋ a mare-kɛɛ kɛ́ a gɛɛ e kásoŋ, a gɛɛ e káfɛɛ yɛ̂ɛ mɔlɔŋ,

Zɔ̂ŋ 12:31

Ǹɔii ŋɔmɛni-ŋa-teɛɛi a nâa seri, ǹyaŋ da pâi ǹɔii mɛi-nuui kulâi ǹɔii su;

Zɔ̂ŋ 13:2

Ŋele-wulii mii-sɛŋ ŋɔtãi, tãi Dɛ̂ƃele e nâa pù la Zudasi Sekaria, Samaŋ ǹóŋ, líi su a gɛɛ e kula Zîsɛ pôlu,

Zɔ̂ŋ 13:27

Nya ƃe gbóloi pôlu ma, Sêtɔŋ e lɔ̀ gbonôi. Zîsɛ e mò ma, ǹyɛɛi, “Zɛŋ ya liî gɛ̂i, lí í gɛ́ a maa felaa.”

Zɔ̂ŋ 14:30

Fe pâi ŋɔ́nɔ lônoi kápɔ a zu kôyaa. Kpɛ́ni fêi, ǹɔii ŋi mɛi-nuui káa pâi. Wala-wala kélee fe ǹyêei ḿɛi;

Zɔ̂ŋ 15:19

Eêi kɛ̀ kâi kɛ̀ a ǹɔii su-ƃela, ǹɔii eêi gbɔɔ̂i-ƃelai wɛli; kɛ́lɛ, a gɛɛ káfe a ǹɔii su-ƃela, ǹyaŋ ŋá kásìɣe ǹɔii su, maa-mɛni ƃe ǹɔii a kákpɔ̀ara la.

Zɔ̂ŋ 16:11

a pâi ŋɔmɛni-ŋa-teɛɛi lɛ̂i, kpɛ́ni fêi, ǹɔii mɛi-nuui ŋɔmɛnii ŋa teɛɛi.

Zɔ̂ŋ 7:7

Ǹɔii fa pɔ̂ri kákpɔarâi. Kɛ́lɛ, a ŋ́gbɔ̀ara. Kpɛ́ni fêi, ŋa maa-sere-faa kɛ̀ a gɛɛ ŋɔtûa-ŋai nyɔ́mɔɔ̂i.

Zɔ̂ŋ 8:23

E mò dîa, ǹyɛɛi, “Kákaa kulâi mu-pere, ńyaŋ ŋ́gɛ kula mɛi-pere. Kákaa a ǹɔii ŋi su-ƃela, ńyaŋ fé a ǹɔii ŋi su-nuu.

Zɔ̂ŋ 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Zia-ƃelai Kɛ́-mɛni-ŋai 19:35

Gbɛɛ ŋái daa kaloŋ è gbɔŋ ŋáa yèŋ, ǹyɛɛ dîai, “Ɛfesɛ sinaa, gbɛ̂ɛ ƃé gɔ́lɔŋ a gɛ́ɛ Ɛfesɛ taai káa a Atemi kɛ́tɛi ŋɔpɛ́rɛi kɛ̂i da bɔkɔɔŋ nyíi kùla ŋ̀elei su é tooi?

Zia-ƃelai Kɛ́-mɛni-ŋai 5:3

Nya ƃe Pitɛ è mò ma ǹyɛɛi, “Ananaya, lé mɛni ƃé í ǹɛɛ la naa Sêtɔŋ ŋɔwála-walai é tɛ́ɛ yâ í lɛ́ɛ kɛ́ M̀ɔlêŋ Maa Waai mai. Í ǹɔii sɔ̃ɔi da lɛ̀ɛ pôlui lé mɛni ma?

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Kɔleŋtiɛŋ Maa-ŋuŋ 5:10

zu-kulai fa a gɛ́ɛ ka ŋ̀éniɛi ŋí su-wulu-wulu kɛ-ƃelai káfe mɛni da kélee kɛ̀ gîe-ni dîa, kpaa máŋ sɛŋ wɛli-ƃela, kpaa máŋ ŋúma-ƃela, kpaa máŋ ɣâla-pɔkɔɔŋ fɛli-ƃela. À kɛ̀ kà ǹûai ŋí ka wàla mɛni da kélee kɛ́ gîe ma, gɛ̀ ní fɛ̂ɛ nɔ́ ká kúla ǹɔii ma.

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Galesiɛŋ 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Ifisiɛŋ 1:21

Nàa ƃe Kôrai káa naa ǹúu-mɛi-ƃelai kélee mɛi-pere póŋ-póŋ, ŋwála-wala-ƃelai, nuu-namela, da laa-see kélee nyíi zeɛɛ̂i. Ŋ̀éniɛi ŋí su nɔ́ fei, kɛ́lɛ, nyíi pâi pâi máŋ.

Ifisiɛŋ 2:11

Mɛni ma é lɛ́ɛ kákili ŋá a gɛ́ɛ kákaa perei su, ká kɛ̂ a Zɛ̃tai-ŋa a maa-ŋuŋ, Zûu-ŋai nyíi-ŋai kɛ̀ a díseɛɛ kpono mâ a núu yeei, dí kátòli a ǹûai dífe see-ní kpono mâ,

Ifisiɛŋ 2:13

Ká kɛ̀ a kámaa kôyaa Ɣâla ma, kɛ́lɛ, ka nâa lɛɣɛ la Kôrai ŋɔŋãai sarâi.

Ifisiɛŋ 2:3

Kú kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Kú kɛ́ kúkili-ŋa-siai da kúkponôi dísɛŋ wɛliɛɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Ifisiɛŋ 4:22

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 5:6

Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Kolasiɛŋ 1:21

Káai ká kɛ̀ a ŋɔ̃yâ-ŋa a tãi tɔnɔ, kálii su nyɔ́mɔɔ Ɣâla ma, ká kɛ́ mɛni nyɔ́mɔɔ-ŋa kɛ̀i,

Temete Veerɛi 4:10

Kpɛ́ni fêi Diima, nyíi ŋ̀éniɛi ŋí wɛ́li niî, a ńɛɛ a lí Tɛsɛlonaika. Kulɛsɛŋ a lí Galesia. Taitɔ a lí Daamatia.

Zĩi 1:27

Ɣâla mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔɔ-nɛyaa a tãi da kɛ̂ la mɛni-kpɔ̂lu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.

Zĩi 1:7

M̀ɛni ma, vé kɛ̀ maa-nuui tí kíli ŋá a gɛɛ ǹúui gíli káa feerɛ va kânaŋ mɛni tɔnɔ mai, a pâi sɛŋ da kélee sɔlɔ ƃôi Kúnuu-namui yêei.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa sɛŋ, gáa a Ɣâla kpɔara mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa nuui, a gbîŋ kɛ̀ a Ɣâla kpɔara nuu.

Pitɛ Maa-ŋuŋ 1:14

Kákaa a woo-mɛni ƃela. Káfe kɛ̀ a tua-pere-nyɔŋ maa-sɛŋ wɛli-ƃela yɛ̂ɛ berei ká wɔ́lɔ kɛ̀ la tãi káfe kɛ́ ni a bere sã́ai kɔlɔŋɔɔ lai.

Pitɛ Maa-ŋuŋ 4:3

Kpɛ́ni fêi, ka wɔ́lɔ tãi támaa siɣe kákɛ m̀ɛnii kɛ̂ Zɛ̃tai-ŋai da ŋ̀wɛ̂lii dí gɛ́i. Ǹyaa ƃa núu kɛ́ɛ wolii-kpɔ̂lɔ su, núu ŋɔkɛ-pere nyɔŋ maa-sɛŋ wɛliɛi, lɔɔ-kpeleɛ, ƃoo-pele, lɔɔ-kpele kûu, da ɣâla-pɔkɔɔŋ fɛliɛ nyíi vé Kôrai-ƃelai dítɔ̂ŋ sui.

Pitɛ Veerɛi 2:14

Wulu-wulu kɛ́-nɛyaa maa-mɛni káa díkili ŋá a ŋ̀ánaa, sɔnyɔ̂ŋ-kɛɛ fa dílii làa. Diai dílii-pene la nɛɛ̂i, da dílii pène. Sɛŋ-maa lii-teɛɛ maa-tare káa dîɛ a ǹɛ́lɛɛ. Náɣâŋ káa dîa!

Zɔ̂ŋ Maa-ŋuŋ 3:10

Nyíŋi su ƃe kwa pɔ̂ri Ɣâla ǹônii kɔ́lɔnîi naa da Dɛ̂ƃele ǹônii. Ǹúui kélee va mɛni-sãa kɛ̀i, vé a Ɣâla pɔ́ɔ, kpaa máŋ ǹúui vé m̀arâŋ-nuu wɛ́li níi.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sapoi Ɣâla Ǹóŋ è pà lai ƃa, a gɛɛ é Dɛ̂ƃele ŋɔtíi su kara.

Zɔ̂ŋ Maa-ŋuŋ 4:4

Nîa-pɛlɛɛ, kákaa a Ɣâla pɔ́ɔ. Ka díyee mɛi ɣále. Kpɛ́ni fêi, ǹúui gáa kákponôi, gɛ́tɛ̂i é tɛɛ ǹúui mâ gáa ǹɔii sui.

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

Zɔ̂ŋ Maa-ŋuŋ 5:4

Kpɛ́ni fêi, ǹúui kélee gáa a Ɣâla ǹóŋ, ǹyée tɛɛ̂i ǹɔii ma. Ǹyaŋ kúlaa-lai ƃa ǹyee-tɛɛ-maai nyíi ǹɔii yée mɛi ɣálêi.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 13:14

A diai pɛ̂lɛ díkaa ǹɔii sui a ŋɛi-kɛ-maa ŋai nyíi-ŋai dí nɛ̀ɛ naa a gɛɛ é tíi kɛ́ a dia zuai ŋ́ɛi-tuɛi, a dímarê kɛ̀ a gɛɛ dí pɔkɔɔŋ saa zuai mɛni ma nyíi dí ŋwàna a m̀óa-sɔkpɔi, kɛ́lɛ, gáa niî ɣele mai.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 16:17

Ŋ̀âla-taa kelai mɛi feerɛ ɣelei è ŋɔsɛŋ-foloi su-sɛŋ pû vãa laɣii sú, ǹyaŋ wóo kɛ́tɛ é kúla gâloŋ-see-sɛŋ ma Gwaa Maa Waai ma Ŋ̀âla-pɛrɛ Kɛ́tɛi mû, nyɛɛi, “Aâ kpɛɛ!”

M̀ɛni-lɛɛi 20:2

È ǹyao maa suai sôŋ, nyíi kɛ̀ a ŋwɔlɔ-wɔlɔ kálii. Ŋwɔlɔ-wɔlɔ-kálii ŋí ƃe kɛ̀ a Dɛ̂ƃele, nyíi ǹáa è kɛ̀ a Sêtɔŋ, é ŋ̀iri kóraŋ wála tɔnɔ (1,000) mɛni ma,