Ifisiɛŋ 2:18 - Ŋ̀âla Kɔlɔ Maa Waai

¹⁸ Kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Ifisiɛŋ 2:18 ပူးပေါင်းရင်းမြစ်များ

Zɛkɛrâya 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Maafîu 28:19

Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú.

Zɔ̂ŋ 10:7

Nya ƃe Zîsɛ e ŋɔ́nɔ mò dîa, ǹyɛɛi, “Tɔ̃yâ kpîŋ, ŋá m̀ó kâa, ńyãa ƃe ŋ́gaa m̀ála-ŋai díkóraŋ lá.

Zɔ̂ŋ 10:9

Ńyãa ƃe ŋ́gaa a góraŋ lá. À kɛ̀ núu da à tɛ̀ɛ ŋ́gbonôi é lɔ́, a pâi ƃálôi, gɛ̀ ní, a pâi lɔ̂i é kúla é gɔnɔŋ sɔlɔ ƃo.

Zɔ̂ŋ 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Lomaŋ 5:2

Zarâi ƃé kú m̀ɛlɛ-seei ŋí maa perei sɔlɔ ƃo naa (laa-la sârai), nyíi kúkaa tɔ̂ɔni zui, ǹyaŋ kwa lii-nɛ̃ɛ kula kúkili-kɛ-zui su a Ɣâla ŋɔfólo-laai sɔlɔ ƃóɔɔ.

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Kɔleŋtiɛŋ Maa-ŋuŋ 12:13

Kpɛ́ni fêi, M̀ɔlêŋ tɔnɔi sarâi dí kúkelee kúbatâi kɛ̀ kpono tɔnɔ su Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Galesiɛŋ 4:6

A gɛɛ ŋɔ́nɔ kákaa a lônii, Ɣâla a Ǹóŋ Ŋɔmɔlêŋ tɛ́ɛ kúlii su, gɛ laɣi, ǹyɛɛi, “Aƃa! Ńâŋ!”

Ifisiɛŋ 3:12

nyíi lii-kpele káa kúyêei gbonôi, da tɔ̃yâ-pere nyíi a lî a kúa Ɣâla pɔ kúlaa-lai sarâi Kôrai kponôi.

Ifisiɛŋ 3:14

Nyíŋi mɛni ma ŋá pɛ́lɛ ŋ́ume ŋá Nàŋ-nuui kɔ́ɔ mu,

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Ifisiɛŋ 6:18

Ka Ɣâla fɛli M̀ɔlêŋ su a tãi kélee a Ɣâla-fɛli pere sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Kolasiɛŋ 1:12

Ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ kú kɛ́ a Ŋ̀âla-ƃelai tûa-perei da kɛ-ƃela gwaa-ponoɔi sui.

Ibulu 7:19

Kpɛ́ni fêi, dɔ̂ŋ fé sɛŋ da kélee kɛ́ ni a maa waa. Mɛni ma, kili-kɛ-zu lɛ́lɛɛ kɔ́ɔ a pîlaŋ, nyíi kwa lɛ̂ɣɛ Ɣâla kɔlɛ zarâi.

Zĩi 3:9

Kúnɛŋ nɔ́ ƃe kwa lûwa làa la Kúnuu-namui ma da Kúnâŋ Ɣâla, ǹyaa nɔ́ ƃe kwa núu-kpune naɣâŋ làa la, nyíi-ŋai díkpɛtɛɛ̂i a Ɣâla pɔkɔɔŋ.

Pitɛ Maa-ŋuŋ 1:17

À kɛ̀ ǹúui à núu kélee ŋɔmɛnii ŋá tèe yɛ̂ɛ berei dítûa-perei káa la, kɛ́lɛ, va núu su ɣɛɛ ŋɔmɛni-ŋa teɛɛi sui, ka zìɣe a Kánâŋ, gɛ̀ ní ka kákpîŋ mɛi káa ká ƃaa-kɛ-maa tɛ́ɛ bɔ̀ a tãi kákaa la ŋɔ̃yâ lɔii-ŋa sui.

Pitɛ Maa-ŋuŋ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sarâi a gɛɛ kálaa-lai da kákili-kɛ-zui káa Ɣâla kponôi.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.

Zûu 1:20

Kɛ́lɛ káa, ŋáwɛli-kɛ-maa-ƃelai, ka kákpîŋ tɔ̀ɔ kálaa-la kɛ́tɛ maa waai sarâi. Ka Ɣâla fɛli M̀ɔlêŋ Maa Waai ŋɔwala-wala-laai su.