Ifisiɛŋ 2:17 - Ŋ̀âla Kɔlɔ Maa Waai

¹⁷ È pà é lii-sêe maa-mɛni ƃó kâa, káai kɛ̀ kwaa kôyaa mai da káai kɛ̀ naa kɔlɛi.

Ifisiɛŋ 2:17 ပူးပေါင်းရင်းမြစ်များ

Wule-woo-ŋa 148:14

A gɛ̀ ŋɔlɔii-ŋuŋ su é kpanáŋ a gɛɛ ŋɔnûai dí ǹáa maa tɛ́. Eezuɛ-ŋai maa mɛni kpanaŋɔɔ̂i mà. Ka Yâwɛɛ láa maa tɛ́.

Wule-woo-ŋa 75:1

Óo Ɣâla, kwa ísɛɣɛ̂i fêi. Kwa ísɛɣɛ̂i fêi, kú kɛ́ íkɛtɛ-laai, da íkɛ tîi kpaya-kpayai maa mɛ̂ni ƃò.

Wule-woo-ŋa 85:10

Wɛli kɛ́ maa da teniŋ ƃô-laa da pâi pûi díkîe ma yɛ̂ɛ núu-kpune, tɔ̃yâ-laa da lii-see dí kpulɔ̂ŋ díkîe ni dîa yɛ̂ɛ laoi-laa ƃela.

Azaya 27:5

À kɛ̀ gbɔara-ƃelai da kɛ̀ ŋ̀wɛ̂lii ŋá dímaa kɔ̃ɔ dí pá ḿbɔ lii-see pere su. Díkɛ a díkpîŋ kpɛtɛɛ lii-see mɛni ma. Dí pá ḿbɔ lii-see pere su.”

Azaya 52:7

Ka gáa, gáa a mɛni lɛ́lɛɛ a gɛɛ í lii-sêe tuŋ ƃó-nuu káa gɛ́ kùla ǹyée-ŋai su. A pâi a lii-see maa tûŋ lɛ́lɛɛ. A m̀ôi Zãiyɔŋ-ƃelai dîa ǹyɛɛi, “Káɣâlai ƃa gâloŋ.”

Zɛkɛrâya 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”

Maafîu 10:13

À kɛ̀ bɛ́rɛi mu-ƃelai sɔŋ lɛ́lɛɛ̂i, kálii-sêei é kɛ́ dîa. Kɛ́lɛ, à kɛ̀ dísɔŋ fé lɛlɛ ni, kálii-sêei é pá pôlu kápɔ.

Lûu 15:8

“Kpaa, à kɛ̀ káne kpua puu káa nɛnî yêei, dɔnɔ à làŋ zu, lé nɛnî ƃe tí va pɔ̂ri laŋpo tɔɔ̂i, é bɛ́rɛi mu kɔɔ é nàa kɔ̂ri é lɛ́ɛ la zu é gaai?

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Zia-ƃelai Kɛ́-mɛni-ŋai 2:39

Ɣâla ŋɔkono-teei káa kámɛni ma, kálônii da diai dîa kwaa kôyaa mai, nyíi-ŋai Kúnuu-namui Ɣâla a pâi dítôlii.”

Lomaŋ 10:14

Kɛ́lɛ, núu-kpune a pɔ̂ri Kúnuu-namui láa tólîi leŋ nyíi dífe niî láa ni lai? Ǹyaŋ da pɔ̂ri lâai leŋ a Kúnuu-namui nyíi dífe niî maa-mɛni mɛni níi? Da maa-mɛni mɛ̀ni leŋ Ɣâla-woo ƃo-nuu ŋɛi pôlu?

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Kɔleŋtiɛŋ Veerɛi 5:20

Mɛni ma kúkaa a Kôrai pɔ́ɔ-ŋa-ƃela, Ɣâla kɛ́ ǹûai tòli ku-sarâi. Kwa kákpera fei Kôrai mɛni ma a gɛ́ɛ ka Ɣâla-ni ká káloai kpɛtɛ.

Ifisiɛŋ 4:21

À kɛ̀ ká ŋ̀óo mɛ̀ni é sɛŋ lɛ kâa yɛ̂ɛ berei tɔ̃yâ káa la Zîsɛ kponôi,

Dutɛrɔnome 4:7

“Lé lɔii-ŋuŋ ƃé naa ŋɔɣâlai lɛɣɛɛ la a ŋánaa yɛ̂ɛ berei Kúɣâlai Yâwɛɛ lɛɣɛɛ̂i la a kúai? Tãi kélee kwa dòli lai, a kúwoo su tòo.