Ifisiɛŋ 2:16 - Ŋ̀âla Kɔlɔ Maa Waai

¹⁶ È nyíŋi kɛ̀ a gɛ́ɛ é pá a Zûu-ŋai da Zɛ̃tai-ŋai pôlu Ɣâla pɔ́ kpono tɔnɔ su zaa-wurui sarâi, a gɛ́ɛ é kpɔara-mɛni kélee kpera.

Ifisiɛŋ 2:16 ပူးပေါင်းရင်းမြစ်များ

Lomaŋ 5:10

À kɛ̀ tãi kú kɛ̀ la a Ɣâla kpɔara-ƃelai, Ǹóŋ ŋɔsaai è pà a kúa pôlu Ɣâla pɔ́, gɛ̀ ní gáa a tɔ̃yâ a gɛ́ɛ Ǹóŋ ŋɔfúlu-laai a pâi kúƃalôi, kpɛ́ni fêi, a nâa pá a kúa pôlu Ɣâla pɔ́.

Lomaŋ 6:6

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurui ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ,

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Lomaŋ 8:7

Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i;

Kɔleŋtiɛŋ Maa-ŋuŋ 10:17

Gbóloi káa tɔnɔɔ berei máŋ Kútamaâi lai, kúkelee kúkaa a kpono tɔnɔ, kpɛ́ni fêi, ku gbólo tɔnɔi tí mii.

Galesiɛŋ 2:20

Kwa Kôrai dí kúkpàmo wúru su-tíyeŋɔɔ ma. Ǹyaŋ fé ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi. Vulu-laai ŋa nâa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Ifisiɛŋ 2:15

È Zûu-ŋai dítɔ̂ŋ-ŋai kpera da dísu-woo-ŋai kélee a ŋɔfúlu-laai tɛ̂ɛi, a gɛ́ɛ ǹyaa kpîŋ zarâi é núu nina tɔnɔ kpɛtɛ núu feerɛ pɔ́ɔ ŋá. Berei tí ƃe a lii-sêe kɛ̀ la.

Ifisiɛŋ 3:6

Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sarâi.

Ifisiɛŋ 4:4

Kpono tɔnɔ nɔ́ ƃe naa da M̀ɔlêŋ tɔnɔ, yɛ̂ɛ berei máŋ dí kátòli la kili-kɛ-zu tɔnɔ su kátoli-wooi sui.

Kolasiɛŋ 2:14

È kútɔ̂ŋ karaa-ŋai maa-kpa-kɔlɔi su kara da dɔ̂ŋ-ŋai fɛ̂ɛ kɛ̀ kúmɛi káai, nyíi-ŋai kɛ̀ a bɔ̃̀yɛ ŋɔkpa-kɔlɔi sui. È dɔ̂ŋ-ŋai ŋí kpera a díkpamoɔɔ zaa-wurui ma.

Kolasiɛŋ 3:15

Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.