Ifisiɛŋ 2:14 - Ŋ̀âla Kɔlɔ Maa Waai

¹⁴ Kpɛ́ni fêi, ǹyaa ƃe gáa a kúlii-sêei. A Zûu-ŋai da Zɛ̃tai-ŋai kɛ́ zu tɔnɔ. È gbɔara-siɣãŋ wôlo díloai.

Ifisiɛŋ 2:14 ပူးပေါင်းရင်းမြစ်များ

Ɛtɛ 3:8

Gɛ́ɛ tíi, Emaŋ è mò Gâloŋ Atasɛra ma ǹyɛɛi, “Núu sîi da-ŋa díkaa ílɔii kpîniŋ-ŋai su nyii-ŋai díwɔ̂ tua-perei káa a da kpɛ́ni ǹúu kpéli-ŋai díwɔ̂i ma. Dífe siâi a ǹɔii ŋɔtɔ̂ŋ wóo. M̀ɛni ma, ya íyee sèe dímu, vé pâi kɛ̂i a ǹɛ́lɛɛ ímɛni ma.

Maka 5:5

ǹyaŋ a pâi pâi a lii-sêe. Tãi Asiria-ŋai da pâi pâi la a gɛɛ dí kúlɔii síɣe, dí kú maa kɔ̃ɔ kwaa-ŋai ma siɣei, kwa pâi núu láa túɛ-ƃela lɔ́ɔlu mɛi feerɛ siɣêi da kɔ́-kaloŋ lɔ́ɔlu mɛi saaƃa dí tɔɔ kútuɛ kú kɔ́ dípɔ.

Zɛkɛrâya 6:13

Ǹyaa ƃa ǹúui pâi ŋápɛrɛi tɔɔ̂i é ƃaa-kɛ́-maa sɔlɔ ƃó nyii gáa gâloŋ mɛ̂ni mai, ǹyaŋ a pâi kɛ̂i ŋɔnûai mɛi. Ǹyaŋ sâla-láa-soŋ-nuu a pâi kɛ̂i tɔɔ̂ni ŋɔkâloŋ-see-sɛŋ kɔlɛ, da ǹyaa da pâi tíi kɛ̂i gîe ma woo-lâa-maa su da lii-sêe.’

Lûu 1:79

a gɛɛ e kwaa-ponoɔ tɛɛ dípɔ diai díkaa seêni kpini da saa-ninîŋ sui, e kúsia-pere lɛ kûa lii-sêe-pere su.”

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Zɔ̂ŋ 11:52

ǹyaŋ ǹɔii mɛni ma tɔnɔ nɔ fêi. Kɛ́lɛ, é Ɣâla ŋɔnîa-pɛlɛɛi kélee ŋá-tɛ́ gîe-ma tɔnɔɔ, diai dí táa-taa.

Zɔ̂ŋ 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Zia-ƃelai Kɛ́-mɛni-ŋai 10:28

Pitɛ è mò dîa, ǹyɛɛi, “Káa kpîŋ ka gɔ́lɔŋ berei vé la dɔ̂ŋ lá-wooi ma a gɛ́ɛ Zûu-nuu da lɔii da kpɛni su-ƃela dí nɛ̃ɛ, kpaa máŋ é dínaa káai. Kɛ́lɛ, Ɣâla a ǹɛ ḿâ a gɛ́ɛ fé núu kélee sìɣe a ǹúui ƃâa fé mai, kpaa máŋ a ǹúui maa fé waa níi.

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Galesiɛŋ 3:28

Zûu-nuu fé ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî. Kpɛ́ni fêi, kákelee kákaa tɔnɔ Zîsɛ Kôrai kponôi.

Ifisiɛŋ 2:15

È Zûu-ŋai dítɔ̂ŋ-ŋai kpera da dísu-woo-ŋai kélee a ŋɔfúlu-laai tɛ̂ɛi, a gɛ́ɛ ǹyaa kpîŋ zarâi é núu nina tɔnɔ kpɛtɛ núu feerɛ pɔ́ɔ ŋá. Berei tí ƃe a lii-sêe kɛ̀ la.

Ifisiɛŋ 2:17

È pà é lii-sêe maa-mɛni ƃó kâa, káai kɛ̀ kwaa kôyaa mai da káai kɛ̀ naa kɔlɛi.

Ifisiɛŋ 3:15

nyíi núu-suu kélee gáa Ɣâla-taa da ǹɔii ma dílaa-seei a kûla ǹyêei,

Ifisiɛŋ 4:16

Kúkponôi kélee puɔɔ̂i gîe ma, ŋoŋo-ŋai kélee díkaa mɛni mai díɣiriɛ ma, Kôrai sarâi. Tãi kúkponôi ŋɔwoŋo-ŋai kélee da tíi kɛ̀ la gîe ma a ǹɛ́lɛɛi, gɛ̀ ní kúkponôi a ƃɔ̂lɔ, é gbîŋ tɔɔ wɛli-kɛ-maa su.

Kolasiɛŋ 1:20

Ɣâla a pá pôlu a sɛŋ kélee gbîŋ pɔ Kôrai kponôi, à nɛ̃ɛ ma kpîŋ é kɛ́ ǹɔii ma ƃɛ kpaa máŋ ɣelei-pere. È lii-sêe kɛ̀ a ŋɔŋãai puɔɔ ŋɔsaa-wurui ma.

Kolasiɛŋ 2:20

À kɛ̀ ka Kôrai-ni ká sàa, ǹyaŋ káŋuŋ mâ a nâa ƃó ŋ̀éniɛi su tua-perei yêei, lé mɛni ƃe ŋaŋ kákaa tuâi la yɛ̂ɛ kà kɛ̀ a ŋ̀éniɛi pɔ́ɔi? Lé mɛni ƃe ka kákpîŋ kɛ̀ ŋ̀éniɛi su-tɔŋ-ŋai mu,

Kolasiɛŋ 3:11

Zɛŋ kpɛtɛɛ ninai ŋí su ŋa-kɔlɛ-mɛni fé núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu seɛɛ kpono mâ kpaa ǹúui ve see-ní kpono mai, ŋɔ̃yâ, Satiaŋ-nuu, luɛ, da núu ŋuŋ ma ƃoɔɔ. Kɛ́lɛ, Kôrai ƃa gélee, gɛ ƃo gélee su.

Kolasiɛŋ 3:15

Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.

Ibulu 13:20

Ǹii-see Ɣalai nyíi Zîsɛ Kôrai kùla saa yêei é pá la pôlu a ŋwɔlɔ-wɔlɔ kpanaŋ-woo-kɛɛi maa-ŋãai, nyíi gáa a m̀ála-ŋai mɛi-kaa-nuu kɛ́tɛi,

Ibulu 7:2

Nya ƃe Eberaɣɛ̃ɛ è gɔ̃liŋ kélee buu-ɣelei tɛ̀ɛ bɔ. Maa-ŋuŋ, yɛ̂ɛ berei ǹáa su-kulai káa lai, gáa a tɔ̃yâ-laa-kaloŋ, gɛ ƃò ŋɔ́nɔ a Salɛŋ-kaloŋ, nyíi su-kulai ƃa lii-sêe-kaloŋ.