Ifisiɛŋ 2:12 - Ŋ̀âla Kɔlɔ Maa Waai

¹² é lɛ́ɛ kákili ŋá a gɛ́ɛ ká kɛ̀ a kákulaa Kôrai m̀a a maa-tãi ti. Káfe kɛ́ ni a Eezuɛ-ŋai ta. Ká kɛ̀ a ŋɔ̃yâ-ŋa Ɣâla ŋɔkono-teei maa-mɛni kpɛtɛɛi mɛni ma. Kili-kɛ-zu fé kɛ́ ni káyêei, Ɣâla fé tela kɛ́ ni káyêei ŋ̀éniɛi su.

Ifisiɛŋ 2:12 ပူးပေါင်းရင်းမြစ်များ

Zɛnɛse 15:18

Maa ɣelei tí Yâwɛɛ è góno tèe Eberaŋ yêei ǹyɛɛ mai, “Ŋa ǹɔii ŋí tɛ́ɛ ísuui pɔ́ é kúla Ize lɔii kóyaŋ ma é seri Yufeletii Ya-leei mâ nyii gáa a

Kɔlɔnikɔ Veerɛi 15:3

Tãi su kôyaa yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Ɛzura 4:3

Nya ƃe Zɛrubabɛɛ, Zasua da ǹúu sûu-ŋai láa túɛ-ƃelai dí m̀o dîa dîyɛɛi, “Kúfe kpɔŋ-mâa da kélee wɛ̂lii káyêei Ŋ̀âla-pɛrɛ Kɛ́tɛi tɔɔ mɛni ma. Kúa kpîŋ ƃé pâi dɔɔ̂i yɛ̂ɛ berei Pɛsia kaloŋ Sarɔ è m̀o la kûai.”

Ɛsedɔ 12:45

Tɛɛ-a-pere nuu da ǹúui nyii gáa nɔ́ naa tíi kɛ mɛni mai dífe zu-mii-sɛŋ da mii.

Azaya 14:1

Yâwɛɛ a pâi ŋɔnûai Eezuɛ-ŋai ŋɛ́i-malôŋ kâai ŋɔ́nɔ é pá a dia pôlu díkpɔɔi lɔii su. Ǹɔii-ŋuŋ da kpɛ́ni-ŋa su-ƃelai da pâi pâi da dîa-ni dí ƃò naa.

Azaya 44:6

Ŋ̀wála-wâla kélee Yâwɛɛ, Eezuɛ kaloŋ, nyii gáa a ŋ̀uŋ ma ƃô Ɣalai, a m̀ôi ǹyɛɛi, “Ńyãa ƃa mɛni kélee kɔ́ɔ-pilanii da gbɛɛ ŋá Ɣala. Ɣâla da kpɛ́ni fé naa é kúla ḿbôlu.

Azaya 45:20

Yâwɛɛ è mò ǹyɛɛi, “Káai kélee ŋuŋ ma ƃô sɔlɔ ƃò ǹɔii ŋuŋ kɛ́tɛi toɔ́ɔ pôlu mai, ka lɛɣɛ a kákîe ni. Káai kélee pù ká kúla ǹɔii ŋuŋ-ŋai yêei, ka káŋa lɛ́ɣɛ gîe ma m̀ɛni-sâa ŋá tée ɣenei ŋá! Diai da ɣâla pɔkɔɔŋ-ŋa fɛli nyíi-ŋai díkpɛtɛɛ̂i a wúru-ŋai, táre fé díŋuŋ su. Da kɛ̂ nɔ́ ɣâla da kpɛ́ni-ŋa fɛlîi ǹyaŋ dífa ŋuŋ ma ƃô sɔlɔ ƃô da yêei.

Azaya 61:5

Ŋɔ̃́ya-ŋa da pâi kɛ̂i ká ƃála-ŋai ŋá kɔnîi. Da pâi kɛ̂i tíi kɛ̂i kákpâlaŋ-ŋai ŋá, díkɛ kákpɔmɔ-ƃa kpalaŋ-ŋai mɛi kâa.

Zɛlemaya 14:8

Yá nɔ́ ƃé íkaa a Eezuɛ ŋɔkili-tɔɔ maai. Yá ƃa ǹúui nyíi a kúkùla mɛni kpɔ̂lu su. Lé mɛni ƃé íkaa la yɛ̂ɛ ŋɔ̃ya ƃé gáa ǹɔii sui, yɛ̂ɛ tɛɛ-a-pere nɔ́ ƃé a nyii nɔ́ ǹɔii su a kpíni tɔnɔi?

Zɛlemaya 17:13

Yâwɛɛ, yá ƃa Eezuɛ ŋɔkili-kɛ-maai. Ǹúui nyíi a bôlu tɔ̀ɔ yâi, a pâi ŋumɛi. Da pâi lániî yɛ̂ɛ da núu láa pɔ̃yɛ muluŋ su, kpɛ́ni fêi, da dípôlu tɔɔ Yâwɛɛ ma, nyíi gáa yɛ̂ɛ ya-ɣɛli-loŋ nyii a fúlu-laa tɛ̀ɛ núu pɔi.

Izikiɛ 13:9

Ŋa pâi ǹɛ́ɛ-ɣala-woo ƃó-ƃelai da ǹɛ́ɛ-zĩa káa-ƃelai kula maa kɛ̂i. Dífe pâi kɛ̂i ŋá mɛni-kpɛtɛ-ƃelai sáma, kpaa máŋ dílaa kɛ́ ƃò Eezuɛ-ŋai láa sáma, kpaa máŋ dí lí Eezuɛ lɔii su. À kɛ̀ tí, ká pâi gɔ́lɔnîi a gɛɛ ńyãa ƃa Ŋ̀wála-wâla kélee Yâwɛɛi.

Izikiɛ 37:26

Ŋa pâi lii sêe kpanaŋ-woo kɛ̂i díyêei. Ǹyaŋ, a pâi kɛ̂i a wɔ́lɔ-wɔlɔ da wɔlɔ-wɔlɔ kpanaŋ-woo. À kɛ̀ tí, ŋa pâi lûwa toôi dîa ŋá gɛ́ dítama. À kɛ̀ tí, ŋa pâi ŋápɛrɛi tɔɔ̂i dísama dílɔii su wɔ́lɔ-wɔlɔ da wɔlɔ-wɔlɔ.

Izikiɛ 47:22

Ǹɔii ŋí káa a kápɔɔ ka ŋɔ̃ya-ŋai díkaa kásamai da nîa-pɛlɛɛi dí dímaa-sɔlɔ ƃó naai. Dí káa a Eezuɛ lɔii su nia-pɛlɛɛ-ŋa nyii-ŋai dí dímaa sɔlɔ ƃô kásamai. M̀ɛni ma gáa a sɛŋ ká ǹɔii da tɛɛ dípɔ yɛ̂ɛ berei Eezuɛ-ŋai da pâi díwɔ̂i sɔlɔ ƃôi lai.

Osia 3:4

Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ núu-laa-tuɛ nûu da mu a tãi su kôyaa. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Nɔŋba 18:19

“Zama-sãa maa waai-ŋai kélee Eezuɛ-ŋai da dítɛ̀ɛ ḿbɔi, ŋa dítɛɛ ípɔ ka ílônii-sinaai da ílônii-nɛyãai wɔlɔ-wɔlɔ da wɔlɔ-wɔlɔ. Ŋákono-tee-wooi ŋí kpanaŋɔɔ̂i nyii ŋa gɛ̀ kayêei ka ísuui su-ƃelai kéleei.”

Lûu 1:72

a gɛɛ e maloŋ-kaa lɛ Kúnuu-pɔlɔ-ŋai dîa a gɛɛ ŋɔkono-tee kpanaŋɔɔ maa waai kíli e lɛɛ díŋa,

Zɔ̂ŋ 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Zɔ̂ŋ 15:5

“Ńyãa ƃa gbɔmɔi, káa ƃa ŋoŋo-ŋai. Ǹúui à kɛ́ ŋ́gbonôi, ǹyaŋ ŋ́gɛ ƃò gbonôi, ǹyaa ƃe a ƃâ a dámaa. Kpɛ́ni fêi, é kúla ḿbôlu, káfa pɔ̂ri mɛni da kélee kɛ̂i.

Zɔ̂ŋ 4:22

Ka zɛŋ fɛ̀li nyii káfe gɔ́lɔŋ, kɛ́lɛ, kwa zɛŋ fɛ̀li nyii ku gɔ́lɔŋ, kpɛ́ni fêi, ƃalo-laa a kùla Zûu-ŋai yêei.

Zia-ƃelai Kɛ́-mɛni-ŋai 2:39

Ɣâla ŋɔkono-teei káa kámɛni ma, kálônii da diai dîa kwaa kôyaa mai, nyíi-ŋai Kúnuu-namui Ɣâla a pâi dítôlii.”

Zia-ƃelai Kɛ́-mɛni-ŋai 28:20

Mɛni ma, sapoi ŋá kátòli lai, ǹyaa ƃa, ŋá kákaa kwa kâa-ni kú lóno, kpɛ́ni fêi, Eezuɛ-ŋai díkili-kɛ-zui mɛni ƃe ŋ́iriɛ̂i la a ǹyɔlɔi ŋí.”

Zia-ƃelai Kɛ́-mɛni-ŋai 3:25

Kákaa a ǹóno kɛ́-ƃelai dílônii da gbanaŋ-wooi, nyíi Ɣâla è gɛ̀ kánâŋ-ni yêei tãi è mò la Eberaɣɛ̃ɛ ma, ǹyɛɛ, ‘Ísuui su-nuu tɔnɔ sârai, lûwa a pâi kɛ̂i ǹɔii su nuu-suui kélee ma.’

Lomaŋ 9:8

Nyíŋi su-kulai fa a gɛ́ɛ à kɛ̀ da núu maa sɔlɔ ƃo a núu-kpune maa sɔlɔ ƃo-pere, gáa a Ɣâla ǹóŋ, kɛ́lɛ, fɛ̂ɛ da núu maa sɔlɔ ƃo gono-tee wooi mu, gɛ̀ ní gáa a Eberaɣɛ̃ɛ ŋɔsuui su-nuu kpîŋ.

Galesiɛŋ 4:8

Tãi maa-ŋuŋ, tãi káfe kɛ́ ni a Ɣâla kɔ́lɔŋɔɔ lai, ká kɛ̀ a luɛ-ŋa ɣâla-ŋa yée mu nyíi-ŋai dífe kɛ́ ni ɣele mai.

Ifisiɛŋ 2:19

Mɛni ma ŋɔ̃yâ fa ŋɔ́nɔ a káa lɔii da kpɛni su, kɛ́lɛ, ka Ɣâla ŋɔnûai kákaa a lɔii tɔnɔ su-ƃela, ká ƃo a Ɣâla ŋɔnuu-suui su-ƃelai da.

Ifisiɛŋ 4:18

Díkaa kpinîi dímɛni ŋa-kaai su, dí kúlaa Ɣâla ŋɔfúlu-laai ma, kpɛ́ni fêi, maa-tare fé diɛ, kpɛ́ni fêi ŋɔ́nɔ dílii kpanaŋɔɔ̂i.

Kolasiɛŋ 1:21

Káai ká kɛ̀ a ŋɔ̃yâ-ŋa a tãi tɔnɔ, kálii su nyɔ́mɔɔ Ɣâla ma, ká kɛ́ mɛni nyɔ́mɔɔ-ŋa kɛ̀i,

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 1:5

Kálaa-lai da káwɛli-kɛ-mâai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Tɛsɛlôniɛŋ Maa-ŋuŋ 4:13

Kɛ́lɛ, ŋánûa, kúfa pɔ̂ri kálɛɛ̂i a káƃoɔɔ diai mɛni ma da wɔ́lɔ saai, a gɛ́ɛ káfe wɔlɔ yɛ̂ɛ berei ǹúu kpeli-ŋai da gɛ̀ lai, diai kili-kɛ-zu fé díyêei.

Tɛsɛlôniɛŋ Maa-ŋuŋ 4:5

ve gula pere sii nyɔ́mɔɔ su yɛ̂ɛ diai dífe nîi láa ní a Ɣâlai,

Tɛsɛlôniɛŋ Veerɛi 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋanɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sarâi.

Temete Maa-ŋuŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Kúƃalo-nuui Ɣâla è m̀o la Zîsɛ Kôrai sarâi nyíi gáa a kili-kɛ-zui.

Ibulu 11:34

Dí ŋɔŋ-soŋ kɛ́tɛ liɣiiŋ, dí kúla ƃóa-sɔkpɔ ŋá, vii-kpɛɛ-ƃelai kponôi é kpanaŋ, dí kɛ́ a kɔ́-kɔ-ƃela lɛ́lɛɛ-ŋa, dí lɔii da kpɛni su kɔ-kɔ-ƃela kɛ́ dí pú.

Ibulu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísarâi nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Ibulu 8:6

Kɛ́lɛ, yɛ̂ɛ berei gáa lai, Kôrai a tíi sɔlɔ ƃó nyíi ǹɛ́lɛɛi kpɔ́ a ŋánaa é tɛ́ɛ bɔlɔi ma, yɛ̂ɛ berei gbanaŋ-woo-kɛɛi a pâ lai ǹɛ́lɛɛ̂i lai. Kpɛ́ni fêi, gbanaŋ-woo-kɛɛi ŋí è kɛ̀ kono-tee lɛ́lɛɛ mɛi.

Pitɛ Maa-ŋuŋ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sarâi a gɛɛ kálaa-lai da kákili-kɛ-zui káa Ɣâla kponôi.

Pitɛ Maa-ŋuŋ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sarâi,

Pitɛ Maa-ŋuŋ 3:15

Kɛ́lɛ, ka Kôrai siɣe kálii su a maa-waa yɛ̂ɛ Nuu-namui. Ka kɛ́ a kákpɛtɛɛ a tãi kélee a gɛɛ ká kákpîŋ maa kɔ̃ɔ núu kélee yêei nyíi a kátoli a gɛɛ ká kákili-kɛ-zui maa-sapoi lɛ̂i, é máŋ kɛ́ tí ka gɛ́ a maa-yeŋ-pere yao-mâa-pere su.

Zɔ̂ŋ Maa-ŋuŋ 3:3

Ǹúui kélee gili-kɛ-zui ŋí káa ǹyêei, a gbîŋ maa waa yɛ̂ɛ berei ǹyaa Kôrai m̀aa waai lai.