Ifisiɛŋ 2:11 - Ŋ̀âla Kɔlɔ Maa Waai

¹¹ Mɛni ma é lɛ́ɛ kákili ŋá a gɛ́ɛ kákaa perei su, ká kɛ̂ a Zɛ̃tai-ŋa a maa-ŋuŋ, Zûu-ŋai nyíi-ŋai kɛ̀ a díseɛɛ kpono mâ a núu yeei, dí kátòli a ǹûai dífe see-ní kpono mâ,

Ifisiɛŋ 2:11 ပူးပေါင်းရင်းမြစ်များ

Izikiɛ 20:43

Ǹaa ƃe ka pâi lɛɛi naa kásɔnyɔ̂ŋ-ŋai da m̀ɛni ŋai ka gɛi kili é too kákili- ŋa, da m̀ɛni ŋai ká gɛ nyii ŋai ka kákpîŋ maa-tĩa kara lai. Ka kpîŋ ƃɛlɛ a pâi kpɛɛ̂i ká koi.

Izikiɛ 36:31

À kɛ̀ tí, ká mɛni nyɔ́mɔ-ŋai da kátua-pere nyɔ̂ŋ-ŋai kíli a pâi toôi kákili-ŋá. Ǹyaŋ, kákpîŋ ƃɛlɛ a pâi kpɛɛ̂i kákoi kásɔnyɔ̂ŋ-ŋai da kátùa-pere nyɔ̂ŋ-ŋai mɛ́ni ma.

Maafîu 20:7

Dí mò ma, dîyɛɛi, ‘Kpɛ́ni fêi, núu da fé niî kúsiɣe ni.’ Nya ƃe è mò dîa, ǹyɛɛi, ‘Káa máŋ ka lí gbâlaŋ ŋá.’

Lomaŋ 11:17

A kɛ̀ ŋulɔ-wurui nyii dí zìi ŋoŋo da a ɣàle m̀a, gɛ̀ ní ya pɔ̂ri ŋulɔ-wurui nyii dífe zì nîi ŋoŋo da siɣêi í ŋulɔ-wuru lɛ́lɛɛi ŋoŋo pɔ́ɔ tɔ́ɔ la, a gɛ́ɛ í ŋuru lɛ́lɛɛi ŋɔlɛ́lɛ-laai da sɔlɔ ƃo.

Lomaŋ 2:26

M̀ɛni ma, à kɛ̀ ǹúui dífe gbɛtɛ níi, à dɔ̂ŋ ŋɔtɔ̃yâi mɛi kâa, gɛ̀ ní vé yɛ̂ɛ ǹúui dí gbɛ̀tɛi?

Lomaŋ 2:27

M̀ɛni ma, diai dífe kpɛtɛ ní kɛ́lɛ, díkɛ dɔ̂ŋ mɛi kaai, da pâi kámɛnii ŋá-têei, káai dɔ̂ŋ kɔ́lɔŋ da núu kpɛtɛ mɛni, kɛ́lɛ, káfa m̀ɛi kâai.

Kɔleŋtiɛŋ Maa-ŋuŋ 12:2

Ka gɔ́lɔŋ a gɛ́ɛ ká kɛ́ɛ a Zɛ̃tai-ŋai ká làŋ kálɛɛ ɣâla-pɔkɔɔŋ-ŋa pôlu nyíi-ŋai dífa lônoi. Ƃɛ́i kélee dí pɔ̂ri liî naa a káai, ká lì naa.

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Galesiɛŋ 2:15

Kúa kpîŋ dí kúmaa sɔlɔ ƃô a Zûu-ŋa, ǹyaŋ kúfe a Zɛ̃tai sɔnyɔ̂ŋ-ƃela,

Galesiɛŋ 6:12

Diai ŋ̀wɛ̂lii a gɛ́ɛ dí mɛni lɛ́lɛɛ lɛ́ díkpîŋ-tua-perei sui, dia ƃa ká kɛ̀ a wála-wala a gɛ́ɛ dí kásee kpono mâ, ǹyaŋ da gɛ̀ nɔ́ tí a gɛ́ɛ núu fé díkpɔ̀ara Kôrai ŋɔsaa-wurui mɛni ma.

Ifisiɛŋ 2:2

Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Dutɛrɔnome 15:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su Yâwɛɛ Káɣâlai é káŋuŋ maa ƃó. Mɛni ƃé ŋa dɔ̂ŋ ŋí tɛɛ̂i la kápɔ sâa.

Dutɛrɔnome 16:12

Ka dɔ̂ŋ-ŋai ŋí mɛi káa a ǹɛ́lɛɛ. Ka gɔ́lɔŋ a gɛɛ ká kɛ̀ a luɛ-ŋa Ize lɔii su.

Dutɛrɔnome 5:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su. Káɣâlai Yâwɛɛ ƃé kákùla naa é pá a káa a ŋɔwála-walai. Mɛni ƃé a m̀ôi la kâa a gɛɛ ká ŋ̀elei kûui ŋí mɛi káa a maa waa.

Dutɛrɔnome 8:2

Berei Káɣâlai Yâwɛɛ è káteniŋ tɔ̀ɔ la vɛ̃ɛ-kpâlaŋ su a góraŋ buu náaŋ maa mɛni kíli é lɛ́ɛ káŋa. È gɛ̀ ká kɛ́ a maa yeŋ-ƃela é su-kɔɔŋ tɛɛ kápɔ a gɛɛ é kálii su kɔ́lɔŋ à kɛ̀ ka pâi ŋɔtɔ̂ŋ-ŋai mɛi kâai.

Dutɛrɔnome 9:7

“Ka gɔ́lɔŋ berei ka Káɣâlai Yâwɛɛ líi ŋwàna la vɛ̃ɛ-kpâlaŋ sui. É síɣe tãi ma ká kùla la Ize é lɛ́ɛ la zu ká seri ƃɛ́i ka tɔɔ̂i naai.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Kolasiɛŋ 1:21

Káai ká kɛ̀ a ŋɔ̃yâ-ŋa a tãi tɔnɔ, kálii su nyɔ́mɔɔ Ɣâla ma, ká kɛ́ mɛni nyɔ́mɔɔ-ŋa kɛ̀i,

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.

Kolasiɛŋ 2:13

Ká kɛ̀ a kásâa tɔ̂ŋ karaa su. Dífe kásee-ní kpono mâ. Kɛ́lɛ, Ɣâla è ká kɛ̀ a káfulu ka Kôrai-ni, é kútɔ̂ŋ karaa-ŋai kélee su-mɛni lɛɛ.

Kolasiɛŋ 3:11

Zɛŋ kpɛtɛɛ ninai ŋí su ŋa-kɔlɛ-mɛni fé núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu seɛɛ kpono mâ kpaa ǹúui ve see-ní kpono mai, ŋɔ̃yâ, Satiaŋ-nuu, luɛ, da núu ŋuŋ ma ƃoɔɔ. Kɛ́lɛ, Kôrai ƃa gélee, gɛ ƃo gélee su.

Samia Maa-ŋuŋ 17:26

Deeƃé è gɔ-kuluƃa-ŋai kɛ̀ tɔɔni gɔlɛi m̀arê kɛ̀ ǹyɛɛi, “Lé ƃé núu a pâi zɔlɔ ƃôi a kɛ̀ a Felesia nuui ŋí pàa é kpéra kúnûai larânii? Felesia naloŋ kpɛ́ni-kpɛnii tí. Vé fúlɔi máŋ kpɛtɛ ní. A gbîŋ kâai yɛ̂ɛ gbɛ̂ɛ a pɔri kɛ̂i Ɣâla ŋɔkɔ́ kɔ́-ƃelai maa fooi!”

Samia Maa-ŋuŋ 17:36

Galoŋ, ŋa yala-sulu da ditala támaa páa a bere sîi ŋí. Ǹyaŋ ŋa pɔri Felesia naloŋ kpɛ́ni-kpɛnii ŋí vé kpɛtɛ níi paâi a bere sîi tɔnɔi ŋí, nyíi a gɛ-ɣele ma Ɣalai ŋɔkɔ́ kɔ́-ƃela maa fôoi!