Ifisiɛŋ 2:10 - Ŋ̀âla Kɔlɔ Maa Waai

¹⁰ Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 2:10 ပူးပေါင်းရင်းမြစ်များ

Wule-woo-ŋa 100:3

Ka gɔ́lɔŋ a gɛɛ ǹyaa ƃa Ɣâla Yâwɛɛ. Ǹyaa ƃé kúkpɛ̀tɛ, ǹyaŋ kúkaa a bɔ́ɔ. Kúa ƃa ŋɔnûai, kúkɛ ƃò yɛ̂ɛ ŋɔƃála-ŋa.

Wule-woo-ŋa 119:3

Lûwa káa diai dîa dífa mɛni nyɔ́mɔɔ da kɛi, kɛ́lɛ da sîa Yâwɛɛ ŋɔtɔ̂ŋ lá-woo mai.

Wule-woo-ŋa 138:8

M̀ɛnii í mòi, ya pâi gélee ŋ̀aa see kɛ̂i. Óo Yâwɛɛ, íwɛli-kɛ-maai káa naa wɔ́lɔ-wɔlɔ. Díi yá gɔ́ɔ pîlaŋ, gbéli kpɛ́ɛ.

Wule-woo-ŋa 51:10

Óo Ɣâla, ŋá kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Wule-woo-ŋa 81:13

Ŋa ŋ̀wɛ̂lii ká káwoli tɔ́ɔ ḿâ. Ŋa ŋ̀wɛ̂lii ká sia ŋ́gɔɔ pɔ̂ɔi.

Azaya 19:25

Ŋ̀wála-wâla kélee Yâwɛɛ a pâi lûwa lâai dîa ǹyɛɛi, “Káai a ǹɔii-ŋuŋ saaƃai ŋí, lûwa káa kâa. Káai a Ize-ƃelai, káa ƃa ŋánûai. Káai a Asiria-ŋai, ńyãa ƃé gɛ̀ kákaa ɣele ma. Eezuɛ-ƃela, káa ƃé ŋá kásiɣe zu ŋ̀éniɛi su-ƃelai sáma.”

Azaya 29:23

Ka kákpɔɔi lonii kâa kásama, nyii ŋá dɛ̀ɛ kápɔi, ka pâi gɔ́lɔnîi a gɛ́ɛ ńyãa ƃa Eezuɛ Ŋɔɣâla Maa Waai. Gɛ̀ ní, ka pâi ŋ́gɔlɔnîi ká ńaa síɣe a m̀aa waa, ka ƃaa kɛ́-maa tɛ́ɛ ḿbɔ, ká ńyãai a Eezuɛ Ŋɔɣâlai láa maa tɛ́.

Azaya 43:21

Ńyãa ƃé ŋánûai kpɛ̂tɛ. Dia máŋ da pâi laa maa tɛ̂ wule-ŋa toôi ḿâ.”

Azaya 43:7

Díkaa a ŋánûa. Ŋá díkpɛ̀tɛ a gɛ́ɛ díkɛ laa maa tɛ̂ tɛ̀ɛ ḿbɔ.”

Azaya 44:21

Yâwɛɛ ǹyɛɛi, “Eezuɛ-ŋa, m̀ɛnii ŋí é lɛ́ɛ kákili ŋá. Ka gɔ́lɔŋ a gɛ́ɛ ńyãa ƃé kákpɛ̀tɛ. Ŋá ká kpɛ̀tɛ a gɛ́ɛ ká kɛ́ a ŋátii kɛ́-ƃela. Fé pâi wɔ́lɔ niâi kâa.

Azaya 60:21

Ínûai kɛ́ mɛni kélee a pâi kɛ̂i a zã́a. Ǹɔii a pâi kɛ̂i a dí pɔ́ɔ wɔ́lɔ-wɔlɔ. Ŋá díkpɛ̀tɛ, ŋá dísi, a gɛɛ dí ŋá kɛ́tɛ-laai lɛ́ núu kélee ma.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Zɛlemaya 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Maafîu 5:16

Tɔɔ kákwaa-ponoɔ̂i é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Zɔ̂ŋ 3:21

Kɛ́lɛ, ǹúui nyii a tɔ̃yâ kɛ̀i, a pà kwaa-ponoɔ ma, a gɛɛ dí gáa a maa ponoɔ a gɛɛ ŋɔtûai a kɛ́ Ɣâla sârai.

Zia-ƃelai Kɛ́-mɛni-ŋai 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.

Zia-ƃelai Kɛ́-mɛni-ŋai 9:36

Zîsɛ ŋɔpôlu-nuu tɔnɔ è kɛ̀ Zapa nyíi da kâa dòli a Tabitai. Tabita laai ŋí su-kulai ƃa Dɔɔkɔ. Ǹɛnîi ŋí tíi lɛ́lɛ támaa è kɛ̀ gbonôi. È kpɔŋ mâa tɛ̀ɛ núu támaa pɔ́ tíi kɛ́ɛ su a ǹyée.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Lomaŋ 8:29

Kpɛ́ni fêi, diai è díkɔ̀lɔŋ a maa-ŋuŋ è dísèe díŋuŋ ŋá máŋ a maa-ŋuŋ a gɛ́ɛ dí ƃóloŋ Ǹóŋ ma a gɛ́ɛ Ǹóŋ é kɛ́ a ǹóŋ maa-ŋuŋ ǹeɣe-ni sama.

Kɔleŋtiɛŋ Maa-ŋuŋ 3:9

Kpɛ́ni fêi, kúkaa a Ɣâla ŋɔtii-kɛ-ƃela gîe ma. Kákaa a Ɣâla ŋɔkpâlaŋ, ká ƃò a ŋɔpɛ́rɛ.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Kɔleŋtiɛŋ Veerɛi 5:5

Ǹúui a kúkpɛtɛ m̀ɛnii ŋí mɛni mai, ǹyaa ƃa Ɣâla, nyíi a M̀ɔlêŋ tɛ́ɛ kúpɔ a kono-tee-wooi.

Kɔleŋtiɛŋ Veerɛi 9:8

Pɔri káa Ɣâla mì é lûwa-sii kélee tɛɛ kápɔ a zu kɛ́tɛ a gɛ́ɛ sɛŋ kélee é kɛ́ káyêei a dámaa a tãi kélee a gɛ́ɛ ká kpɔŋ-mâa kɛ́ a zu kɛ́tɛ tíi lɛ́lɛɛ kélee mɛni ma.

Galesiɛŋ 6:15

Kpɛ́ni fêi, diai díseɛɛi kpono mâ da diai dífe see-ní kpono mai, dífe a sɛŋ da, kɛ́lɛ, fɛ̂ɛ núu maa sɔlɔ ƃóɔɔ a nina.

Ifisiɛŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, Ŋ̀âla-ƃelai, (nyíi-ŋai díkaa Ɛfesɛi), nyíi-ŋai díkaa a laa-la-ƃela máŋ Zîsɛ Kôrai kponôi:

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 2:13

Ká kɛ̀ a kámaa kôyaa Ɣâla ma, kɛ́lɛ, ka nâa lɛɣɛ la Kôrai ŋɔŋãai sarâi.

Ifisiɛŋ 2:15

È Zûu-ŋai dítɔ̂ŋ-ŋai kpera da dísu-woo-ŋai kélee a ŋɔfúlu-laai tɛ̂ɛi, a gɛ́ɛ ǹyaa kpîŋ zarâi é núu nina tɔnɔ kpɛtɛ núu feerɛ pɔ́ɔ ŋá. Berei tí ƃe a lii-sêe kɛ̀ la.

Ifisiɛŋ 2:2

Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 2:6

è kúmu siɣe saa yêei gîe ma kwa Kôrai-ni. È kúkɛ̀ kwa dîa-ni kú see kwaa tɔnɔ ma Ɣâla-taa Zîsɛ Kôrai sarâi.

Ifisiɛŋ 4:1

Mɛni ma ńyãai ŋ́gaa a kpini-pɛrɛ mu Kúnuu-namui mɛni mai, ŋá m̀ó kâa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Ifisiɛŋ 4:24

Ka dua-pere ninâi siɣe, nyíi Ɣâla è gbɛ̀tɛ a molôŋ maa tɔ̃yâ laa-la sãa su da maa-waa-laai.

Dutɛrɔnome 32:6

Vela-fei ka pâi dɛɛ̂i Yâwɛɛ pɔ́i, ǹyaa ƃei ƃoo-ƃela? Vé a kánâŋ nyii kákpɛtɛɛ̂i? Nya ƃe kákpɛ̀tɛ é ká seêi kɛ́ ma.

Dutɛrɔnome 5:33

Ka sia a m̀ɛnii kélee Káɣâlai Yâwɛɛ a mò kaai, a gɛɛ ká lɛ́ɛ ǹɔii su a pâi dɛɛ̂i kápɔ fúlu-laa su kôyaa sui.

Felepiɛŋ 1:6

Ńaâi kpɔ́ la a gɛ́ɛ ǹúui tíi lɛ́lɛɛ kɔ́ɔ pîlaŋ kákponôi a pâi ǹáa kulâi a Zîsɛ Kôrai pa-tãi.

Felepiɛŋ 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 3:10

Ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ berei zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Tɛsɛlôniɛŋ Veerɛi 2:17

É kálii ŋá nɛnɛ é dísu kpanaŋ tíi lɛ́lɛɛ kélee da wóo lɛ́lɛɛ kélee su.

Temete Maa-ŋuŋ 2:10

Kɛ́lɛ, fɛ̂ɛ dí mɛni lɛ́lɛɛ kɛ́ nyíi ǹɛ́lɛɛ̂i nɛyâa mɛni ma nyíi-ŋai da díkpîŋ tòli a Ɣâla-ƃelai.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Temete Maa-ŋuŋ 5:25

Mɛni ma mɛni lɛ́lɛɛ-kɛɛ su ponoɔ̂i nûa ŋɛi. A kɛ̀ à wàla kɛ́ máŋ a zu ponoɔɔ vé pâi lɛɛ̂i loo-pere su.

Temete Maa-ŋuŋ 6:18

Fɛ̂ɛ dí mɛni lɛ́lɛɛ kɛ́, dí kɛ́ a tɔɔ-ƃela tua-pere lɛ́lɛɛ su, díyee é kɛ́ a voaŋɔɔ dîa sɛŋ kɔlɛɛ su.

Temete Veerɛi 2:21

À kɛ̀ núu a gbîŋ maa waa e gbîŋ kula mɛni fii-kpɛɛ-ŋai ŋí dîa, gɛ̀ ní maa-nuui a pâi kɛ̂i yɛ̂ɛ zɛŋ-foloi gáa mɛni kpanaŋ mɛni mai. Maa-nuui a pâi kɛ̂i a maa waa, gɛ ƃo a tii-kɛ-nuu lɛ́lɛɛ bɛ́rɛ-mɛi-nuui mɛni ma, gbîŋ kpɛtɛɛ tíi lɛ́lɛɛ kélee kɛ-mɛni ma.

Temete Veerɛi 3:17

a gɛ́ɛ ǹúui gáa a Ɣâla-nuui é kɛ́ a gbɛ́tɛɛ kpɔ́ a ǹɛ́lɛɛ tíi lɛ́lɛɛ kélee mɛni ma.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Taitɔ 2:7

Íkpîŋ lɛ́ pere sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 3:1

Doo díkili ŋá a gɛɛ dí kɛ́ dímɛi-ƃelai mû da ŋwála-wala ƃelai, dí kɛ́ a wóo-mɛni ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋ̀ánaa, dí ƃo a kpɔŋ-mâa núu-kpune mɛni ma.

Ibulu 10:24

É lɛ́ɛ kúkili ŋá berei kwa pɔ̂ri wɛli-kɛ-maa pui la kúkîe-ni kponôi da tíi lɛ́lɛɛ kɛɛi.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Maa-ŋuŋ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi ta da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 2:6

Ǹúui a mò a gɛɛ gáa gbonôi, fɛ̂ɛ é sía yɛ̂ɛ berei è sía lai.