Ifisiɛŋ 1:9 - Ŋ̀âla Kɔlɔ Maa Waai

⁹ A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Ifisiɛŋ 1:9 ပူးပေါင်းရင်းမြစ်များ

Wule-woo-ŋa 33:11

Yâwɛɛ kpɛtɛ mɛ̂ni da fa fɛ̂ɣɛ. Ŋɔmɛni kpɛtɛɛ-ŋai káa nɔ́ naa wɔ́lɔ-wɔlɔ da wɔlɔ-wɔlɔ.

Zɛlemaya 2:29

Lé mɛni ƃé ka lônoi la é pîlaŋ ḿâi? Lé mɛni ƃé kátɔɔ̂i la ḿâi?

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Lûu 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zia-ƃelai Kɛ́-mɛni-ŋai 13:48

Zɛ̃tai-ŋai kɛ́ɛ da nyíŋi mɛ́nii, dílii è nɛ̃ɛ, dí Kúnuu-namui ŋɔwóoi ŋɔfólo-laai maa tɛ. Diai kélee è kɛ̀ a sɛŋ a gɛ́ɛ dí ŋ̀wɔ́lɔ-wɔlɔ fulu-laai sɔlɔ ƃoi, dí làa la.

Zia-ƃelai Kɛ́-mɛni-ŋai 2:23

Dí gɔ̀lɛ yɛ̂ɛ berei Ɣâla è gbɛtɛ la gíli ŋái, ka gɛ ŋ̀wana-lɔɔ-ƃela dí gbamo wúru su-tíyeŋɔɔ ma dí bàa,

Zia-ƃelai Kɛ́-mɛni-ŋai 4:28

Dí díŋaa tɛ̀ ma a gɛ́ɛ dí m̀ɛnii kɛ́ í gbɛtɛ a íwala-walai nàa túɛ a gɛ́ɛ é kɛ́i.

Lomaŋ 11:25

Ŋánûa, ŋa ŋ̀wɛ̂lii a gɛ́ɛ ka noo-mɛnii ŋí ŋá káa a gɛ́ɛ káfe su-mɛni kɛtɛ kɛ̀ kákpîŋ mɛni ma. Lii-kpanaŋ a pá Eezuɛ-ŋai da-ni pɔ, e lɛɛ la zu Zɛ̃tai-ŋai kélee dí lɔ Ɣâla ŋɔkâloŋ-laai su,

Lomaŋ 8:28

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Kɔleŋtiɛŋ Maa-ŋuŋ 1:21

Kpɛ́ni fêi, berei Ɣâla ŋɔtárei káa lai, ŋ̀éniɛi su-ƃelai dífe Ɣâla kɔlɔŋ ni táre su, Ɣâla líi lâai a gɛ́ɛ diai laa-la káa díyêei, a díƃalo kúƃoo-Ɣâla-wooi sarâi.

Galesiɛŋ 1:12

Kpɛ́ni fêi, fé gula ni núu-kpune yêei, kpaa máŋ núu-kpune fé ǹɛ́ ní ḿâ, kɛ́lɛ, Zîsɛ Kôrai ƃe nɛ̀ ḿâ.

Galesiɛŋ 1:15

Kɛ́lɛ, tãi ǹúui ńzîɣe dí lɛ́ɛ pâi ḿaa sɔlɔ ƃôi, è ńdòli la ŋɔƃɛlɛ-sêei sarâi,

Galesiɛŋ 1:16

ǹíi è làa a gɛ́ɛ è Ǹóŋ lɛ̀ ḿâ a gɛ́ɛ ŋá maa-mɛni ƃó Zɛ̃tai-ŋai sáma, ǹyaŋ fé ŋuŋ pîlaŋ ní a núu-kpune da.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:8

nyíi è dɛ̀ɛ kúpɔ kpɔ́ a dámaa táre sii kélee su da mɛni ŋá káai.

Ifisiɛŋ 3:11

Nyíŋi è kɛ̀ yɛ̂ɛ berei Ɣâla ŋɔwɔlɔ-wɔlɔ mɛni-kpɛtɛɛi káa la nyíi è gɛ̀ Kúnuu-namui Zîsɛ Kôrai sarâi,

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.