Núu da fé pâi kɛ̂i naa é Yâwɛɛ maa mɛ̂ni lɛ́ m̀arâŋ nuu ma, kpɛ́ni fêi, díkelee da pâi kɛ̂i a ŋ́gɔlɔŋɔɔ, é síɣe ǹîa-pɛlɛɛi dîa é tóo ǹúu kpaya-kpayaii dîa. Ŋa pâi dísɔnyɔ̂ŋ su mɛ̂ni lɛɛ̂i. Ǹyaŋ, dímɛni nyɔ́mɔ-ŋai kíli fé pâi lɛɛ̂i ŋ́gili-ŋa. Ńyãa Yâwɛɛ ƃé mò tí.”
Óo Ǹuu-namui, íwoli tɔ́ɔ kûa í kúsu-mɛni lɛɛ. Kúwoo mɛni í mɛni da kɛ́ a maa félaa a gɛɛ nûa dí gɔ́lɔŋ a gɛɛ yá ƃa Ǹuu-namui. Ífe tãi támaa sìɣe, kpɛ́ni fêi ílaa káa daa-leei mâ da ínûai.”
Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”
Nya ƃe Pitɛ è mò, ǹyɛɛ, “Kákelee ka kálii pene dí kábatâi kɛ́ Zîsɛ Kôrai láai su kásu-mɛni é lɛ́ɛ kásɔnyɔ̂ŋ-ŋai mɛni ma. Gɛ̀ ní ka pâi M̀ɔlêŋ Maa Waai sɔlɔ ƃôi nyíi gáa a ƃɛlɛ-sêe.
M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.
Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su.
Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.
Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.
a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,
Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.
Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.
Ǹûai ŋí ƃe dífe niî díkpîŋ kàra ni a lɔ-pɔrɔŋ kɛɛ, kpɛ́ni fêi, dí maa waai. Dia ƃe da lɛ̀ɛ M̀ála-loŋ pôlu dí li ƃɛi kélee a lî naai. Dí dímaa têe núu-kpune yêei yɛ̂ɛ sí-sɛŋ ƃá maa-ŋuŋ Ɣâla mɛni ma da M̀ála-loŋ.
Ǹya ƃe dí kɛ̀ wule nina toôi, díyɛɛi, “Ímaa nɛ̃ɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.