Ifisiɛŋ 1:6 - Ŋ̀âla Kɔlɔ Maa Waai

⁶ a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Ifisiɛŋ 1:6 ပူးပေါင်းရင်းမြစ်များ

Wule-woo-ŋa 22:20

Ŋ́gula yêei kɛ́ m̀óa-sɔkpɔ kɔ kɔ́-ƃelai yêei. Ŋáfulu-laai maa kɔ̃ɔ ŋ̀îla-ŋai ŋí yêei.

Wule-woo-ŋa 60:5

Kúŋuŋ maa ƃó a íwala-wala-laai, í kúfɛli-wooi mɛ́ni. Yà gɛ̀ tí, gɛ̀ ní diai í díwɛ̂linii, da pâi ŋuŋ maa ƃô sɔlɔ ƃôi.

Táre-woo-ŋa 16:4

Ɣâla Yâwɛɛ ŋɔmɛni-kpɛtɛɛi kélee ŋuŋ káa ma. Ŋwana-lɔ̂ɔ-nuu káa naa mɛni ŋá-tee mɛni ma.

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Azaya 43:21

Ńyãa ƃé ŋánûai kpɛ̂tɛ. Dia máŋ da pâi laa maa tɛ̂ wule-ŋa toôi ḿâ.”

Azaya 61:11

Berei kpɔ́ nɔ́ da sí-sɛŋ sì la, é sóo é ƃɔlɔi, Ŋ̀wála-wâla kélee Yâwɛɛi a pâi ŋɔnûai ƃâloi. À kɛ̀ tí, ǹɔii-ŋûŋ-ŋai su ƃelai kélee da pâi ǹaa maa tɛ̂i.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi laa maa tɛ̂ yokpo tôo dîa. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Zɛlemaya 33:9

Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Levetekɔ 15:15

Zâla láa soŋ nuui a pâi zãai ŋí kulâi a sâla. Dɔnɔ kɛ́ ƃò zɔnyɔ̂ŋ salai kula mɛni ma. Ǹyaŋ a pâi nuui ŋí ǹyái è kɛ̀ kulâi m̀ai ŋɔsɔnyɔ̂ŋ maa sâla kulâi Yâwɛɛ ŋɛ́i-tuɛ.

Zɛkɛrâya 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Maafîu 17:5

Gɛ́ɛ niî lônoi, ɣele-kɔlɔŋ kole è dímɛi pɛ̂lɛ. Nya ƃe wóo è kùla ŋele-kɔlɔŋ kolei su, ǹyɛɛi, “Ŋáwɛli-kɛ-maa-Loŋ ká ŋí, nyii m̀aa-mɛni a ńii láai. Ka ŋ̀óo mɛni.”

Maafîu 20:9

Tãi diai pà a ŋele-wulii-foloi, dí pà lai, díkelee dí sêleŋ-seleŋ sɔlɔ ƃô.

Maafîu 3:17

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 10:17

Mɛnii ŋi ƃe Nàŋ-nuui e ŋ́wɛli ni la. Kpɛ́ni fêi, ŋa ŋáfulu-laai tɛ̀ɛ, a gɛɛ ŋa ŋɔ́nɔ zɔlɔ ƃo.

Zɔ̂ŋ 3:35

Nàŋ-nuui è Ǹóŋ-nuui wɛ̂li ni, ǹyaŋ a sɛŋ kélee tɛ́ɛ bɔ.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Kɔleŋtiɛŋ Veerɛi 4:15

Gáa kákelee kámɛni ma a gɛ́ɛ berei ƃɛlɛ-sêe a lî la núu támaa pɔi, a sɛɣɛi-fei ƃɔlɔ Ɣâla ŋɔfólo-laai mɛni ma.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Ifisiɛŋ 1:12

A gbɛtɛ gíli ŋá a gɛ́ɛ kúai kili-kɛ-zu è kɛ̀ kúyêei Kôrai kponôi a maa-ŋuŋ kú pá a laa-maa-tɛ ŋɔfólo-laai pɔ.

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, kú lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sarâi.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 3:9

Ŋa ŋ̀wɛ̂lii ŋá kɛ́ gbonôi, a gɛ́ɛ ŋ́gbîŋ tɔ̃yâ laa-la fé kɛ̀ ńyêei nyíi kula dɔ̂ŋ sui. Kɛ́lɛ, fɛ̂ɛ dɔ̃yâ-laai nyíi gáa Kôrai kponôi laa-la sarâi. Gáa a dɔ̃yâ-laai kúla Ɣâla yêei nyíi kúla laa-la sui,

Felepiɛŋ 4:19

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Kolasiɛŋ 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.

Pitɛ Maa-ŋuŋ 2:9

Kɛ́lɛ, kákaa a lɛ́-nuu suu, ka ƃo a sâla láa soŋ-nuu suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Pitɛ Maa-ŋuŋ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-mâa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sarâi, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ tí.