Ifisiɛŋ 1:5 - Ŋ̀âla Kɔlɔ Maa Waai

⁵ A kúlɛ nàa tuɛ a gɛ́ɛ kúkɛ a ǹônii Zîsɛ Kôrai sarâi, yɛ̂ɛ berei ŋɔnîa-mɛni lɛ́lɛɛi káa lai,

Ifisiɛŋ 1:5 ပူးပေါင်းရင်းမြစ်များ

Zɛlemaya 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Zɛlemaya 3:4

“Íkaa ńdôlii a ínâŋ, íkɛ mò yɛ̂ɛ, ‘Ya wɔ́lɔ ŋ́wɛli é síɣe ǹoloŋ tãi ma é tóo sâa ma.

Danîa 4:35

Núu-kpune káa nɔ́ kpɛ́ni-kpɛni ŋ̀ɛ́i. M̀ɛnii kélee a ŋ̀wɛli é gɛ́ a dai, ŋ̀âla-taa kela-ŋai kpaa máŋ a núu-kpune ǹɔii mai, a pɔ̂ri gɛ̂i. Núu da fa pɔ̂ri gberâi kpaa máŋ ǹyɛɛ ma, ‘Í gɛ̀ tí lé mɛni ma?’

Osia 1:10

É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ́i dí mò naa dîa, “Káfe a ŋánûai,” da pâi dí tôlii naa a “Gɛɣele-ma Ɣalai ǹônii.”

Maafîu 1:25

kɛ́lɛ, vé kɛ́ ní a m̀aa-mɛni kɔ́lɔŋɔɔ é lɛ́ɛ la zu é ŋɔlóŋ-surɔŋ maa-ŋuŋ sɔlɔ ƃó. È ǹáa sèe a Zîsɛ.

Maafîu 11:26

Ooei, Ńâŋ, kpɛ́ni fêi, nyíti è kɛ̀ a ínîa-mɛni lɛ́lɛɛ.

Lûu 10:21

Maa aƃai tí su Zîsɛ líi è nɛ̃ɛ M̀ɔlêŋ Maa Waai sârai, ǹyɛɛi, “Ŋa ísɛɣɛ̂i fêi, Ńâŋ, Ɣâla-taa da ŋ̀éniɛi Su-nuu-namui, a gɛɛ ya mɛnii ŋi lóo dáre-ƃelai dîa da mɛni maa-kɔri-ƃelai, ya ǹɛ́ nîa-pɛlɛɛi dîa; é máŋ kɛ́ ti, Ńâŋ, nyíti máŋ e kɛ̀ a ínîa-mɛni lɛ́lɛɛ.

Lûu 11:32

Ninivɛ-ƃelai da pâi dímu siɣêi a m̀ɛni-ŋa-tee ɣelei, da ŋ̀éniɛi ŋí su-ƃelai, dí tɔ̂ŋ pú dîa, kpɛ́ni fêi, dí dílii pene Zôna ŋɔɣâla-woo ƃóɔi mɛni ma, ǹyaŋ ka gáa, núu tɔnɔ káa ƃɛ gɛ́tɛ̂i dɛɛ Zôna ma.

Lûu 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Zɔ̂ŋ 1:12

Ǹúui kélee ǹyée sèe mùi, é ǹáa síɣe a tɔ̃yâi, è wála-wâla tɛ̀ɛ dípɔ a gɛɛ dí kɛ́ a Ɣâla lônii,

Zɔ̂ŋ 11:52

ǹyaŋ ǹɔii mɛni ma tɔnɔ nɔ fêi. Kɛ́lɛ, é Ɣâla ŋɔnîa-pɛlɛɛi kélee ŋá-tɛ́ gîe-ma tɔnɔɔ, diai dí táa-taa.

Zɔ̂ŋ 20:17

Zîsɛ è mò ma, ǹyɛɛi, “Ífe ńzòŋ, kpɛ́ni fêi, fé niî tɛ́ ní Nàŋ-nuui pɔ́naa. Kɛ́lɛ, lí ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ́naa da Kánâŋ, Ŋáɣâlai pɔ́naa da Káɣâlai.”

Zia-ƃelai Kɛ́-mɛni-ŋai 13:48

Zɛ̃tai-ŋai kɛ́ɛ da nyíŋi mɛ́nii, dílii è nɛ̃ɛ, dí Kúnuu-namui ŋɔwóoi ŋɔfólo-laai maa tɛ. Diai kélee è kɛ̀ a sɛŋ a gɛ́ɛ dí ŋ̀wɔ́lɔ-wɔlɔ fulu-laai sɔlɔ ƃoi, dí làa la.

Lomaŋ 8:23

ǹyaŋ ŋ̀éniɛi tɔnɔ nɔ́ fei, kɛ́lɛ, kua kpîŋ máŋ kwa wɔ́lɔ M̀ɔlêŋ ŋɔƃai maa-ŋuŋ sɔlɔ ƃoi. Kwa nyíɣɛ kúkoi-pere, ku kɛ́ maa-kpɛŋ kɛ̀ a gɛ́ɛ ku kɛ́ a lonii, kúkponôi e ŋuŋ-ma-ƃo sɔlɔ ƃo.

Kɔleŋtiɛŋ Maa-ŋuŋ 1:1

Ńyãa Pɔ̂ɔ, Ɣâla è ńdòli kwa ḿarâŋ nuui Soteni a ŋɔnîa mɛnii a gɛ́ɛ ŋá kɛ́ a Zîsɛ Kôrai ŋɔsia-nuu da kúƃarâŋ Soteni,

Kɔleŋtiɛŋ Maa-ŋuŋ 1:21

Kpɛ́ni fêi, berei Ɣâla ŋɔtárei káa lai, ŋ̀éniɛi su-ƃelai dífe Ɣâla kɔlɔŋ ni táre su, Ɣâla líi lâai a gɛ́ɛ diai laa-la káa díyêei, a díƃalo kúƃoo-Ɣâla-wooi sarâi.

Kɔleŋtiɛŋ Veerɛi 6:18

ŋa pâi kɛ̂i a kánâŋ, káaŋ ka pâi kɛ̂i a ńônii-sinaa da ńônii-nɛyaa, ŋwála-wala-kélee Nuu-namui ƃa nyíŋi ƃò.”

Galesiɛŋ 3:26

Kpɛ́ni fêi, kákelee kákaa a Ɣâla ŋɔnîa-pɛlɛɛ Zîsɛ Kôrai kponôi laa-la sarâi.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:9

A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Felepiɛŋ 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Kolasiɛŋ 1:19

Kpɛ́ni fêi, Ɣâla è ŋ̀wɛli a gɛ́ɛ Ŋɔɣâla-laai kélee é kɛ́ gbonôi.

Tɛsɛlôniɛŋ Veerɛi 1:11

Nyíŋi mɛni ma kwa Ɣâla fɛlîi a ɣele kélee kámɛni ma. Kwa Kúɣâlai fɛlîi a gɛ́ɛ kákɛ a ǹûai dímaa nɛ̃ɛ̂i dòli è m̀o a kaai m̀aa mɛni ma. Tɔɔ é kákili-ŋa sia mɛni lɛ́lɛɛ-ŋai kélee da ǹaa-lai ŋɔtíi ŋ̀aa-see kɛ́ a ŋɔwála-walai.

Ibulu 2:4

Ɣâla è maa sere-faa kɛ̀ máŋ a ŋɛ́i-kɛ-maa-ŋa, da mɛni kpaya-kpaya, da wála-wala sii tamaa-ŋa, é pɛ́lɛ M̀ɔlêŋ Maa Waai ŋɔsama-sãai dîa nyíi-ŋai Ɣâla è díŋaa kɔ̀lɛ yɛ̂ɛ berei gbîŋ nia-mɛnii káa lai.

Zɔ̂ŋ Maa-ŋuŋ 3:1

Ka ŋwɛli-kɛ-maa kɛ́tɛi káa Nàŋ-nuui a gɛ̀ a kûai, a gɛ́ɛ díkɛ kútoli a Ɣâla ńonîi, ǹyaŋ kúkaa la. Sapoi ŋ̀éniɛi fé kúkɔlɔŋ lai ƃa, ŋ̀éniɛi fé gɔ̀lɔŋ.

M̀ɛni-lɛɛi 21:7

Ǹúui a yee-tɛɛ-maa kɛ̂i, a pâi nyíŋi sɔlɔ ƃôi. Ŋa pâi kɛ̂i a Ŋɔɣâla, ǹyaŋ gɛ̀ ƃò a ńoŋ.