Ifisiɛŋ 1:4 - Ŋ̀âla Kɔlɔ Maa Waai

⁴ É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ifisiɛŋ 1:4 ပူးပေါင်းရင်းမြစ်များ

Samia Veerɛi 22:24

Sɔnyɔ̂ŋ fé ḿâ ŋ̀ɛ́i, ǹyaŋ ŋa ńyee kúla kula sɔnyɔ̂ŋ kɛ́ɛ su.

Wule-woo-ŋa 135:4

È Zeeka da Eezuɛ-ŋai sîɣe zu a ǹyaa kpîŋ ŋɔnûa.

Azaya 42:1

Yâwɛɛ a m̀ôi ǹyɛɛi, “Ŋátii kɛ́-nuui ká ŋí. Ǹyaa ƃé ŋá zìɣe zu. Ńii lâai ǹyêei. Ŋa pâi Ŋámɔlêŋ pûi gbonôi, ŋá wála-wala tɛɛ bɔ́. A pâi gɛ̂i nûa dí kɛ́ teniŋ ƃô mɛni-ŋa kɛ̀ ǹɔii ŋûŋ-ŋai su.

Levetekɔ 19:2

“M̀ó Eezuɛ-ŋai dîa a gɛɛ dí kɛ́ a dímaa waa yɛ̂ɛ berei ǹyãai a Díɣâlai Yâwɛɛ ḿaa waâi lai.

Levetekɔ 20:7

Ka kɛ́ a kámaa waa, kpɛ́ni fêi, Ńyãa ƃa Káɣâlai, Yâwɛɛ.

Maafîu 24:22

Eêi kɛ̀ ŋele-ŋai tí su eêi wàla kpua, núu-kpune fêi ƃalo. Kɛ́lɛ, zu-ɣɛɛ-ƃelai mɛni ƃe ŋele-ŋai tí su a pâi kpuâi la.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Maafîu 24:31

Gɛ̀ ní, a pâi Ŋɔɣâla-taa-kela-ŋai tɛɛ̂i dí tóli ƃó a túru-woo su kɛ́tɛ. Da pâi ŋɔsu-ɣɛɛ-ƃelai ŋá tɛ̂i gîe ma dí kúla ǹɔii-mela náaŋ su, é síɣe ŋele-kɔlɔŋ m̀éla tɔnɔ ma é tóo gbélii ma.

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Zɔ̂ŋ 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 17:24

Ńâŋ, ŋa ŋ̀wɛ̂lii a gɛɛ dia nyii-ŋai ya dítɛɛ ḿbɔi dí kɛ́ ŋ́gɔlɛ ƃɛ́i ŋa naai, a gɛɛ dí ŋáfolo-laai káa nyii ya dɛɛ ḿbɔi íwɛli-kɛ-maa laai su ḿaa-mɛni ma ŋ̀éniɛi e lɛɛ pâi kɛ̂i.

Zia-ƃelai Kɛ́-mɛni-ŋai 13:48

Zɛ̃tai-ŋai kɛ́ɛ da nyíŋi mɛ́nii, dílii è nɛ̃ɛ, dí Kúnuu-namui ŋɔwóoi ŋɔfólo-laai maa tɛ. Diai kélee è kɛ̀ a sɛŋ a gɛ́ɛ dí ŋ̀wɔ́lɔ-wɔlɔ fulu-laai sɔlɔ ƃoi, dí làa la.

Zia-ƃelai Kɛ́-mɛni-ŋai 15:18

Kúnuu-namui ƃé mò, nyíi a mɛni-ŋai ŋí kélee lɛ̀ é síɣe gɔ́ɔ pîlanii.’

Zia-ƃelai Kɛ́-mɛni-ŋai 18:10

kpɛ́ni fêi, ŋ́gaa íkɔlɛ. Nùu da fa pɔ̂ri ísonîi e mɛni ŋánaa kɛ́ a yá; kpɛ́ni fêi, núu támaa káa ńyêei daai ŋí su.”

Lomaŋ 8:33

Gbɛ̂ɛ ƃe pâi mɛni ƃôi a diai láa Ɣâla e dílɛ̀i? Ɣâla ƃa núu kɛ̀ a tɔ̃yâ-nuu;

Kɔleŋtiɛŋ Maa-ŋuŋ 1:8

nyíi pâi kásonîi é lɛ́ɛ la zu gbɛɛ ŋái é pá a gɛ́ɛ ka sɔŋ fé lɛ́ɛ kâa Kúnuu-namui Zîsɛ Kôrai ŋɔɣelei mai.

Galesiɛŋ 5:13

Kpɛ́ni fêi, ŋánûa, dí kátòli ŋuŋ-ma-ƃo ma. Káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sarâi, ká kɛ́ a kákîe-ni yée-mu-ƃela.

Galesiɛŋ 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 3:17

a gɛ́ɛ Kôrai é kɛ́ kálii su laa-la sarâi. A gɛ́ɛ gbɛɛ ŋái tãi kásame à lɔ̀ lai, káseêi é kpanaŋ wɛli-kɛ-maa su,

Ifisiɛŋ 4:2

da maa-yeŋ-pere, ƃɛlɛ-laa, é pɛ́lɛ lii-kpele ma, a gɛ́ɛ ká kálii kpele kákîe-ni yêei wɛli-kɛ-maa su.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Ifisiɛŋ 5:27

a gɛ́ɛ é Kôrai-toli-kpɔŋ siɣe a ǹáa fɛɛ a fólo-laa, nyíi pɔ́ɔ fé mà, kpaa máŋ milîŋ, kpaa máŋ sɛŋ kélee yɛ̂ɛ nyiti-ŋai, a gɛ́ɛ é kɛ́ a maa waa, kpɔlɔ̂ŋ fé kɛ̀ ma.

Felepiɛŋ 2:15

a gɛ́ɛ kásɔŋ fè kɛ̀ kâa kámaa é waa, kákɛ a Ɣâla ǹônii nyíi-ŋai dísɔŋ fé diai, tãi kákaa la ŋulu-ƃelai da moo-ƃelai sama, nyíi-ŋai ka fôlo dísama yɛ̂ɛ kwaa-ponoɔɔ ŋ̀éniɛi sui.

Kolasiɛŋ 1:22

a nâa pá a káa pôlu gbono ŋɔsaai sarâi, a gɛ́ɛ é kálɛ a maa-waa ƃela da sɔŋ-kpɛɛ-maa-ƃela da ǹûai dímaa-kulâi fé diai.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolasiɛŋ 3:12

Káa ƃa ǹûai Ɣâla a kálɛ, a kámaa waa, a káwɛli. Mɛni ma, maloŋ-kâa é kɛ́ káyêei, sɔŋ-lɛlɛ, maa-yeŋ, lii-lɛlɛ, da lii-kpele.

Tɛsɛlôniɛŋ Maa-ŋuŋ 3:12

Kúnuu-namui é káwɛli-kɛ-maai ƃɔ̀lɔ a zu kɛ́tɛ kákîe-ni mɛni ma da ǹúu-kpeli-ŋai yɛ̂ɛ berei kú káwɛ̀li ní lai,

Tɛsɛlôniɛŋ Maa-ŋuŋ 4:7

Ɣâla fé kútoli ni a gɛ́ɛ kú kɛ́ a ǹûai dímaa fé waa ni, kɛ́lɛ, è kútòli a gɛ́ɛ kú kɛ́ a maa-waa-ƃela.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Temete Veerɛi 2:10

Mɛni ma ŋa mɛni-soli káâi diai mɛni ma Ɣâla è dílɛ̀i, a gɛ́ɛ dîa máŋ dí malo-laai sɔlɔ ƃo da ŋwɔlɔ-wɔlɔ folo-laai, nyíi-ŋai da pâ Zîsɛ Kôrai sarâi.

Temete Veerɛi 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Zĩi 2:5

Ka káwoli tɔ́ɔ, ŋáwɛli-kɛ-maa ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔ́ɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli níi?

Pitɛ Maa-ŋuŋ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔlêŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe díkɛ káyêei a damaa.

Pitɛ Maa-ŋuŋ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

Pitɛ Maa-ŋuŋ 2:9

Kɛ́lɛ, kákaa a lɛ́-nuu suu, ka ƃo a sâla láa soŋ-nuu suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Pitɛ Veerɛi 3:14

Mɛni ma ŋáwɛli-kɛ-maa ƃelai, tãi ka zãâi ŋí maa kpɛnîi lai, ka kɔ́ a gbanaŋɔɔ a gɛɛ é kákaa lii-sêe sú kásɔŋ fé kɛ̀ kâa ŋ̀ɛi-tuɛ da mɛni nyɔ́mɔɔ kélee.

Zɔ̂ŋ Maa-ŋuŋ 4:16

Mɛni ma kú Ɣâla ŋɔwɛli-kɛ-maai kɔ́lɔŋ kúmɛni ma, kú láa la. Ɣâla káa a wɛli-kɛ-maa. Ǹúui a kɛ̂ wɛli-kɛ-maa sui, a kɛ̂ Ɣâla kponôi, Ɣâla ǹyaŋ kɛ́ ƃo gbonôi.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 17:8

Zuai í gàai, è kɛ̀ naa, kɛ́lɛ, vé ŋɔ́nɔ naa, ǹyaŋ a pâi kulâi ǹóai sú nyíi gbóŋ kɔyaŋ fé mài, é lí su-kara su. Diai díkaa ǹɔii sui, nyíi-ŋai dílaa fé niî pɔ̃yɛ ni vúlu-laa-kɔlɔi sui é síɣe ǹɔii kɔ́ɔ pîlaŋ tãi mai, díla a pâi kpálâi dîa a gɛɛ dí zuai káa, kpɛ́ni fêi, è kɛ̀ naa, ǹyaŋ vé ŋɔ́nɔ naa, kɛ́lɛ, a pâi pâi.