Ifisiɛŋ 1:3 - Ŋ̀âla Kɔlɔ Maa Waai

³ Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Ifisiɛŋ 1:3 ပူးပေါင်းရင်းမြစ်များ

Zɛnɛse 14:20

Lûwa é kɛ́ Ɣâla ma nyii màa tɛɛ̂i a gɛ́tɛi, nyii íkpɔara-ƃelai tôo íyêei!” Nya ƃe Eberaŋ è zãâi kélee buu-ɣelei tɛ̀ɛ Mɛkisɛdɛ pɔ́ nyii è gùla yêei kɛ̂i.

Zɛnɛse 22:18

Ǹɔii-ŋuŋ-ŋai kélee da pâi ḿarê kɛ̂i a gɛɛ ŋá kpɔ́ŋ dîa ísuui sârai. Kpɛ́ni fêi, í ŋ́oo mɛ̀ni.”

Kɔlɔnikɔ Maa-ŋuŋ 29:20

Nya ƃe Deeƃé è mò ǹûai kélee dîa ǹyɛɛi, “Ká lûwa too dínâŋ ni Díɣâlai Yâwɛɛ ma.” Ǹyaŋ díkelee dí gɛ̀ tí. Dí díŋuŋ ma pîlaŋ dí Yâwɛɛ fɛli dí ƃaa kɛ́-maa tɛɛ gâloŋ pɔ́ máŋ.

Kɔlɔnikɔ Maa-ŋuŋ 4:10

Zabɛsi ŋí è wɔ̀lɔ Eezuɛ Ɣalai ma a ɣele tɔnɔ da ǹyɛɛi, “Óo ye lûwa láa ḿâ í ŋálɔii-kpiniŋ su kɛ́tɛ. Ǹɛɛ naa íyee é kɛ́ ḿɛi í ŋ́gula mɛni kpɔ̂lu su a gɛ́ɛ ḿve sɛŋ sôli maa sɔlɔ ƃô.” Nya ƃe Ɣâla è ǹyée sèe ŋɔfɛli-wooi mu.

Kɔlɔnikɔ Veerɛi 31:8

Tãi Ɛsekaya da naa tii kɛ́ lɔii ƃelai dí pá la dí zãai ŋí kaai, dí Yâwɛɛ láa maa tɛ dí lûwa too ŋɔnûai Eezuɛ-ƃelai dîa.

Niɛmaya 9:5

È kɛ̀ tí, Liiva-ŋai ŋí, Zasua, Kamiɛɛ, Bani, Asania, Seribaya, Odaya, Sibania da Pitaiya ni dí mò ǹûai dîa dîyɛɛi, “Ka kámu siɣe ká tɔ́ɔ, ká laa maa tɛ̂ tɛɛ Káɣâlai Yâwɛɛ pɔ́ nyii gáa naa wɔ́lɔ-wɔlɔ da wɔlɔ-wɔlɔi. Tɔɔ núu kélee é laa maa tɛ̂ tɛɛ bɔ́ ŋɔláa maa waai mɛni ma. Núu-kpune fa pɔ̂ri gɛ́ mɛni kélee ƃôi.”

Wule-woo-ŋa 134:3

Tɔɔ Yâwɛɛ nyii ŋ̀elei da ǹɔii kpɛ̂tɛi, é lɛ́ɛ Zãiyɔŋ é lûwa láa kâa!

Wule-woo-ŋa 72:17

Tɔɔ núu da fé wɔ́lɔ ǹia gâloŋ láa ma. Tɔɔ ŋɔkɛ́tɛ-laai maa tûŋ é kɛ́ ɣele ma tãi nɔ́ vóloi káa la ɣele mai. Tɔɔ ǹɔii-ŋuŋ-ŋai su-ƃelai kélee dí Ɣâla marê kɛ́ a gɛɛ é lûwa láa dîa, yɛ̂ɛ berei a lûwa láa la gâloŋ mai.

Wule-woo-ŋa 72:19

Lûwa é kɛ́ ŋɔláa kɛ́tɛi ma wɔ́lɔ-wɔlɔ da wɔlɔ-wɔlɔ. Tɔɔ ŋɔfólo-laai é ǹɔii láa fɛ́ɛ. É kɛ́ tí. É kɛ́ tí.

Azaya 61:9

Ǹɔii-ŋûŋ-ŋai kélee da pâi díkɔlɔnîi. Diai nyii pâi ŋánûai kâai, da pâi ŋánûai kɔ́lɔnîi a gɛ́ɛ díkaa a ŋánûa nyii-ŋai ŋá lûwa tòo dîai.”

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Lûu 2:28

è ǹôloŋ lâa ǹyée-tɔ̃ɔi, é lûwa tôo Ɣâla ma, ǹyɛɛi,

Zɔ̂ŋ 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Zɔ̂ŋ 17:21

Ŋa ífɛlîi a gɛɛ díkelee dí kɛ́ zu tɔnɔ, yɛ̂ɛ berei la yá Ńâŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Zɔ̂ŋ 20:17

Zîsɛ è mò ma, ǹyɛɛi, “Ífe ńzòŋ, kpɛ́ni fêi, fé niî tɛ́ ní Nàŋ-nuui pɔ́naa. Kɛ́lɛ, lí ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ́naa da Kánâŋ, Ŋáɣâlai pɔ́naa da Káɣâlai.”

Lomaŋ 12:5

mɛni ma, berei máŋ kútamaâi lai, kúkaa a kpono tɔnɔ Kôrai sarâi, ku ƃo ŋɔ́nɔ a kúkîe-ni woŋo.

Lomaŋ 15:6

a gɛ́ɛ ka Kúnuu-namui Zîsɛ Kôrai Ǹâŋ Ɣala ŋɔfólo-laai maa é tɛ́ a woo-kɛ-zu tɔnɔɔ.

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Maa-ŋuŋ 12:12

Berei nɔ́ gbonôi káa la tɔnɔ ŋoŋo támaa mai, berei máŋ ŋoŋo-ŋai támaâi lai, díkaa a kpono tɔnɔ, bere nɔ́ ƃe ǹyaŋ gáa la a Kôrai.

Kɔleŋtiɛŋ Veerɛi 1:3

Lûwa é kɛ́ Kúnuu-namui Zîsɛ Kôrai Ǹâŋ Ɣâla ma nyíi gáa a maloŋ-kaa-Naŋ da ŋa-nɛnɛ-Ɣalai

Kɔleŋtiɛŋ Veerɛi 11:31

Ŋ̀âlai gáa a Kúnuu-namuí Zîsɛ Ǹâŋ, nyíi lûwa káa mà wɔlɔ-wɔlɔ da wɔlɔ-wɔlɔi, è gɔ́lɔŋ fé lɛ́ɛ kɛ̂i.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galesiɛŋ 3:9

Mɛni ma diai kélee laa-la káa díyêei, lûwa káa dîa da Eberaɣɛ̃ɛ-ni, nyíi laa-la è kɛ̀ ǹyêei.

Ifisiɛŋ 1:10

Ɣâla a gbɛtɛ gíli ŋá a gɛ́ɛ tãi à sèri, é ŋ̀elei-su sãai da ǹɔii-ma sãai kélee pú gîei Kôrai kponôi.

Ifisiɛŋ 1:17

a gɛ́ɛ Kúnuu-namui Zîsɛ Kôrai Ŋɔɣâlai nyíi gáa a fólo-laa-Naŋ é táre tɛ́ɛ kámɔlêŋ pɔ́ da mɛni-ŋa-kaa m̀aa-mɛni kɔlɔŋ mɛni ma,

Ifisiɛŋ 1:20

È ŋɔtíi kɛ̀ Kôrai kponôi tãi è m̀u siɣe la saa yêei é zee ǹáa-mii-yee mɛi Ɣâla-taa.

Ifisiɛŋ 2:6

è kúmu siɣe saa yêei gîe ma kwa Kôrai-ni. È kúkɛ̀ kwa dîa-ni kú see kwaa tɔnɔ ma Ɣâla-taa Zîsɛ Kôrai sarâi.

Ifisiɛŋ 3:10

a gɛ́ɛ Ɣâla è nâa ŋɔtáre sii támaai lɛ́ nuu-mɛi-ƃelai dîa da ŋwála-wala-ƃelai díkaa Ɣâla-taai Kôrai-toli-kpɔŋ sarâi.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Felepiɛŋ 2:11

a gɛ́ɛ ŋɔ́nɔ la-gbɔ kélee é m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Ibulu 8:5

Díi díkaa gɛ̂i gáa nɔ a gwaa maa waai gáa Ɣâla-taai ŋɔninîŋ da ŋɔpɔkɔɔŋ. Kpɛ́ni fêi, tãi Mose è kɛ̀ pâi bɛ́rɛi kɔ́ɔ pîlanii lai, Ɣâla è mò ma, nyɛɛi, “Gáa a gɛɛ mɛnii kélee ya pâi gɛ̂i é kɛ́ yɛ̂ɛ bɔkɔɔŋ ŋá ǹɛ yâ ǹyéei mai.”

Ibulu 9:23

Maa nɛɛ̂i kɛ̀, fɛ̂ɛ ŋ̀âla-taa mɛni-ŋai dípɔkɔɔŋ-ŋai dí kɛ́ a dímaa waa a zâla-kula tii-ŋai ŋí, kɛ́lɛ, ŋ̀âla-taa mɛni-ŋai dia kpîŋ, fɛ̂ɛ dí kɛ́ a dímaa waa a sâla lɛ́lɛɛ-ŋa é tɛ́ɛ nyíi-ŋai día.

Pitɛ Maa-ŋuŋ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sarâi,