Ifisiɛŋ 1:12 - Ŋ̀âla Kɔlɔ Maa Waai

¹² A gbɛtɛ gíli ŋá a gɛ́ɛ kúai kili-kɛ-zu è kɛ̀ kúyêei Kôrai kponôi a maa-ŋuŋ kú pá a laa-maa-tɛ ŋɔfólo-laai pɔ.

Ifisiɛŋ 1:12 ပူးပေါင်းရင်းမြစ်များ

Wule-woo-ŋa 2:12

ká tóo gɔ́ɔ mu ká gɔ́ɔ sóŋ. A wàla kɛ́ tí, a pâi ǹíi ŋwânai kâa é káŋuŋ lá píli, kpɛ́ni fêi, mɛni lôŋ nɔ́ ƃa ŋɔlii ŋwânai su kɛ̀tɛ. Lûwa káa diai kélee dîa díkili tɔɔ̂i mà dí mɛi káa mɛni mai.

Azaya 11:10

Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́.

Azaya 12:2

Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma. Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma. Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ. Yá nɔ́ ƃa ŋ́uŋ ma ƃó-nuu.

Azaya 45:23

M̀ɛnii ŋa mòi, ǹyaa nɔ́ ƃa kɛ̂. M̀aa fa fâleŋ. Ŋ́oo da fa tòo kpɛ́ni-kpɛni. Fúlu-sãa kélee da pâi pîlanii díŋume ŋá ŋ́ɛi túɛ, dí díkono tée a gɛɛ da pâi ƃaa kɛ́-maa tɛɛ̂i ḿbɔ.

Azaya 45:25

Ńyãa Yâwɛɛ, ŋa pâi gɛ̂i Eezuɛ é ǹɔii-ŋûŋ-ŋai kélee pú gɔ́ɔ mu, a gɛ́ɛ Eezuɛ é ńaa maa tɛ́.”

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Zɔ̂ŋ 14:1

“Kálii fe kɔ-kɔ; ka láa a Ɣâla, ka láa máŋ a ńyãa.

Ifisiɛŋ 1:6

a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sarâi.

Ifisiɛŋ 3:21

maa-nûui tí ƃé vólo-laai é tɛ́ɛ bɔ́ Kôrai tóli-kpɔŋ su da Zîsɛ Kôrai núu kélee mɛni ma wɔ́lɔ-wɔlɔ da wɔlɔ-wɔlɔ. É kɛ́ tí.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Temete Veerɛi 1:12

Mɛni ma ŋa mɛni-soli kaai yɛ̂ɛ berei ŋá gâai lai. Ínɛlɛ, ŋumɛ fé mâ, kpɛ́ni fêi, ŋa ǹúui kɔ́lɔŋ ńaâi lai. Náâi la a gɛ́ɛ pɔ̂ri káa mì a gɛ́ɛ zɛŋ è nɛ̀ɛ ńyêei é mɛi káa é lɛ́ɛ la zu Ŋelei ti é seri.

Zĩi 1:18

È kúmaa sɔlɔ ƃô é kúla ŋɔlii-laai su a dɔ̃yâ-wooi a gɛɛ kú kɛ́ a núu maa-ŋuŋ ŋɔkpɛtɛ-sãai sama yɛ̂ɛ sí-sɛŋ-ƃa maa-ŋuŋ.

Pitɛ Maa-ŋuŋ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sarâi a gɛɛ kálaa-lai da kákili-kɛ-zui káa Ɣâla kponôi.