Ibulu 7:3 - Ŋ̀âla Kɔlɔ Maa Waai

³ Ǹâŋ fé ma, kpaa máŋ ǹee, kpaa máŋ zûu-pîlanii. Ŋɔɣele-ŋai kɔ́ɔ pîlanii fé ma, kpaa máŋ ŋɔɣéniɛi kpɛɛ ŋá, kɛ́lɛ, berei moloŋɔɔ̂i la Ɣâla Ǹóŋ mai, gáa nɔ́ a sâla láa soŋ-nuu wɔlɔ-wɔlɔ da wɔlɔ-wɔlɔ.

Ibulu 7:3 ပူးပေါင်းရင်းမြစ်များ

Ɛsedɔ 6:18

Koa ǹônii-sinaai ká ŋí. Amaraŋ, Iza, Iburɔŋ da Uziɛ. Koa è kóraŋ ŋuŋ tɔnɔ pôlu buu saaƃa káo saaƃa (133) kɛ̀ ɣele ma.

Nɔŋba 1:18

dí ǹûai kélee ŋá tɛ̀ díkîe ma a maa ŋ̀elei tí. Dí ǹûai láa sìɣe dísuu mâ da dípɛrɛi-ŋai yɛ̂ɛ berei dílaa káa lai. Dí dílòno yɛ̂ɛ berei díkoraŋ káa la é síɣe kóraŋ buu feerɛ ma é tɛ́ tuɛ-pere,

Maafîu 4:3

Naa kɛ́ɛ tii, Dɛ̂ƃele è pà bɔ́ gɛ́ ǹyée lâa m̀a. È m̀o m̀a ma, ǹyɛɛi, “A kɛ̀ íkaa a Ɣâla Ǹóŋ, gɔni-ŋai ŋí kɛ́ dí pene a kpólo.”

Ibulu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Ibulu 7:1

Mɛkisɛdɛ ŋí è kɛ̀ a Salɛŋ-kaloŋ, gɛ ƃo ŋɔ́nɔ a Ŋ̀âlai Gɛ́tɛi ŋɔsâla láa soŋ-nuu, è Eberaɣɛ̃ɛ káa kulâi kɔ́ kɔ̂i nyíi è kâloŋ-ŋa da-ni paa zui, é lûwa láa ma.

Ibulu 7:17

Kpɛ́ni fêi, dí m̀aa-sere-faa kɛ̀, dîyɛɛi, “Íkaa a sâla láa soŋ-nuu wɔlɔ-wɔlɔ da wɔlɔ-wɔlɔ yɛ̂ɛ berei Mɛkisɛdɛ è kɛ̀ la a sâla láa soŋ-nuui.”

Ibulu 7:2

Nya ƃe Eberaɣɛ̃ɛ è gɔ̃liŋ kélee buu-ɣelei tɛ̀ɛ bɔ. Maa-ŋuŋ, yɛ̂ɛ berei ǹáa su-kulai káa lai, gáa a tɔ̃yâ-laa-kaloŋ, gɛ ƃò ŋɔ́nɔ a Salɛŋ-kaloŋ, nyíi su-kulai ƃa lii-sêe-kaloŋ.

Ibulu 7:6

Kɛ́lɛ, nalôŋ ŋí nyíi vé kúla ní dísuui sui, è Eberaɣɛ̃ɛ kɔ̃liŋ buu-ɣelei sɔlɔ ƃô é lûwa láa Eberaɣɛ̃ɛ ma nyíi gono-tee-ŋai díkaa ǹyêei.