Ibulu 7:2 - Ŋ̀âla Kɔlɔ Maa Waai

² Nya ƃe Eberaɣɛ̃ɛ è gɔ̃liŋ kélee buu-ɣelei tɛ̀ɛ bɔ. Maa-ŋuŋ, yɛ̂ɛ berei ǹáa su-kulai káa lai, gáa a tɔ̃yâ-laa-kaloŋ, gɛ ƃò ŋɔ́nɔ a Salɛŋ-kaloŋ, nyíi su-kulai ƃa lii-sêe-kaloŋ.

Ibulu 7:2 ပူးပေါင်းရင်းမြစ်များ

Zɛnɛse 28:22

Gɛ̀ ní gɔnii ŋí ŋá dɔ̀ɔ a Ɣâla teƃelei, a pâi kɛ̂i a Ɣâla ŋɔpɛ́rɛ. Zɛŋ kélee Ɣâla a dɛ̀ɛ ḿbɔi, ŋa pâi buu-ɣelei tɛɛ̂i bɔ́.”

Samia Veerɛi 23:3

Eezuɛ ŋɔwála-wala Ɣalai è mò ḿâ ǹyɛɛi, ‘Ǹúui a ŋɔnûai mɛi kâa a tɔ̃yâ-laa pere Ɣâla ŋɔyao maai sui,

Samia Veerɛi 8:15

Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere.

Kɔlɔnikɔ Maa-ŋuŋ 22:9

Kɛ́lɛ ya pâi lóŋ-surɔŋ maa sɔlɔ ƃôi nyíi lii-see a pâi kɛ̂i ǹyêei, kpɛ́ni fêi, ŋa pâi dɛɛ̂i bɔ́. Ŋa pâi gɛ̂i é víi tɔ́ɔ ŋɔkpɔara-ƃelai kélee yêei. Ǹáa ƃé pâi kɛ̂i a Saloma. À gâloŋ-laai sɔlɔ ƃô, ŋa lii-see tɛɛ̂i Eezuɛ-ŋai pɔ́ ŋá dímɛi káa.

Wule-woo-ŋa 72:7

Tɔɔ teniŋ ƃô-laa mɛni da lii-see mɛni dí kɛ́ ŋɔfúlu-laai su. Tɔɔ m̀ɛnii kélee a ǹyée pìli zui, é ƃûu ƃó tãi nɔ́ ŋ̀áloŋ káa niî fôloi lai.

Levetekɔ 27:32

Taa-tulɛ kélee buu ɣelei káa a Yâwɛɛ pɔ́ɔ. Yà kɛ̀ ítaa-tulɛ-ŋai lônoi, buu ɣelei káa a Yâwɛɛ pɔ́ɔ.

Maka 5:5

ǹyaŋ a pâi pâi a lii-sêe. Tãi Asiria-ŋai da pâi pâi la a gɛɛ dí kúlɔii síɣe, dí kú maa kɔ̃ɔ kwaa-ŋai ma siɣei, kwa pâi núu láa túɛ-ƃela lɔ́ɔlu mɛi feerɛ siɣêi da kɔ́-kaloŋ lɔ́ɔlu mɛi saaƃa dí tɔɔ kútuɛ kú kɔ́ dípɔ.

Nɔŋba 18:21

“Zama-sãai kélee Eezuɛ-ŋai dí dɛ̀ɛ ḿbɔi, ŋa buu-ɣelei tɛ̀ɛ Liiva-ŋai pɔ́ a díkɔ̃liŋ dii-ŋai mɛni ma da gɛ̀ mî Zua kɔlɔ seɣe pɛrɛ maa waai mui.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Lomaŋ 3:26

È gɛ̀ a tãi ŋí a gɛ́ɛ é ǹɛ́ a gɛ́ɛ ǹyaa kpîŋ gáa a tɔ̃yâ Ɣala a gɛ́ɛ ŋɔ́nɔ a diai tòli a tɔ̃yâ-ƃela nyíi-ŋai da lâa a Zîsɛ.

Ibulu 7:1

Mɛkisɛdɛ ŋí è kɛ̀ a Salɛŋ-kaloŋ, gɛ ƃo ŋɔ́nɔ a Ŋ̀âlai Gɛ́tɛi ŋɔsâla láa soŋ-nuu, è Eberaɣɛ̃ɛ káa kulâi kɔ́ kɔ̂i nyíi è kâloŋ-ŋa da-ni paa zui, é lûwa láa ma.

Ibulu 7:3

Ǹâŋ fé ma, kpaa máŋ ǹee, kpaa máŋ zûu-pîlanii. Ŋɔɣele-ŋai kɔ́ɔ pîlanii fé ma, kpaa máŋ ŋɔɣéniɛi kpɛɛ ŋá, kɛ́lɛ, berei moloŋɔɔ̂i la Ɣâla Ǹóŋ mai, gáa nɔ́ a sâla láa soŋ-nuu wɔlɔ-wɔlɔ da wɔlɔ-wɔlɔ.

Samia Maa-ŋuŋ 8:15

A pâi kámii-sãai buu ɣelei siɣei da kákpɔmɔ ƃai é dɛ́ɛ ŋɔtíi kɛ́-ƃelai da dímɛi-ƃela pɔ́.

Samia Maa-ŋuŋ 8:17

A pâi máŋ káƃala-ŋai da káƃoli-ŋai buu ɣelei siɣei mì. Ka pâi kɛ̂i a ŋɔluɛ-ŋa.