Ibulu 4:3 - Ŋ̀âla Kɔlɔ Maa Waai

³ Kúai kú làa lai, kú lɔ̀ vii-tɔɔi tí su, yɛ̂ɛ berei è mò la é pîlaŋ vii-tɔɔi kpîŋ ma, ǹyɛɛi, “Yɛ̂ɛ berei ŋá ḿvòo la ŋálii-ŋwanai sui, ‘Dífe pâi wɔ́lɔ liî ŋáfii-tɔɔi su.’ ” È mò tí berei máŋ ŋɔtíi è kpɛ̀ɛ la é síɣe ŋ̀énia kɔɔ-pîlanii.

Ibulu 4:3 ပူးပေါင်းရင်းမြစ်များ

Zɛnɛse 1:31

Ɣâla è zãâi kélee kàa è gbɛ̀tɛi, ǹyaŋ dí kɛ̀ a dílɛlɛɛ. Ŋ̀ele-wûlii da Ŋ̀ele-wâlai dí nâa kɛ̀, a ŋ̀elei ǹɔ́ɔlu mɛi dai.

Wule-woo-ŋa 95:11

M̀ɛni ma, ŋá ńii ŋwàna dîa ŋá ŋ́gono tée ńyɛɛ dîai, ‘Káta fé pâi gɔ́ɔ pîlanii ǹɔii ma ŋá ŋ́gono tèe la kánaŋ pɔlɔ-ŋai yêei.’ ”

Ɛsedɔ 20:11

Kpɛ́ni fêi, fólo lɔ́ɔlu mɛi da yée mu ƃé Yâwɛɛ è ŋ̀elei kpɛ̀tɛ la da ǹɔii da ǹyái da zɛŋ kélee gáa dísui é víi tɔ́ɔ a mɛi feerɛ ɣelei. Mɛni ƃé Yâwɛɛ è lûwa làa la Vii-tɔɔ-ɣelei mâ é maa wáa.

Azaya 28:12

A kákɛ̂i kɛ́ ma, a gɛ́ lii-sêe kɛ́ ƃò káyêei, kɛ́lɛ káfe káwoli tɔɔ̂i m̀a.

Zɛlemaya 6:16

Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔlɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Izikiɛ 20:38

Ŋa pâi diai dítɔɔ̂i mai da zɔnyɔ̂ŋ kɛ ƃelai kulâi kásama. Ŋa pâi díkulâi ǹɔii ŋai su ƃɛɛi díkaa naai. Ḿve pâi ǹɛɛi naa dílene pôlu Eezuɛ lɔii su. A kɛ ti, da pâi gɔ́lɔnîi a gɛɛ Ńyãa ƃa Yâwɛɛ.

Maafîu 13:35

È gɛ̀ tí a gɛɛ m̀ɛnii Ɣâla ŋɔlóno-kɛ-nuui è m̀oi ŋa-see é kɛ́, ǹyɛɛi, “Ŋa pâi lônoi nɔ́ a sáŋ-woo-ŋa. Ŋa pâi mɛni-ŋa ƃôi nyii-ŋai díloɔɔ̂i é síɣe ǹɔii kɔ́ɔ pîlaŋ tãi mai.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Ibulu 3:11

Yɛ̂ɛ berei ŋá ḿvòo la ŋálii-ŋwanai sui, ‘Dífe pâi wɔ́lɔ liî ŋáfii-tɔɔi su.’ ”

Ibulu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sôŋ a gbanaŋɔɔ é seri gɔ̃yɛŋ ma.

Ibulu 9:26

Eêi kɛ̀ tí, gɛ̀ ní Kôrai eêi pɔ̂ri mɛni-soli kâai a tãi támaa é síɣe ŋ̀éniɛi kɔ́ɔ pîlaŋ tãi ma. Kɛ́lɛ, berei gáa lai, è pà nɔ́ zu tɔnɔ a gbanaŋ-woo-kɛɛ pɔlɔi maa-ɣeniɛi kpɛɛ ŋá a gɛɛ é sɔnyɔ̂ŋ kpera a gbîŋ kúlaa a sâla.

Pitɛ Maa-ŋuŋ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.