Ibulu 11:4 - Ŋ̀âla Kɔlɔ Maa Waai

⁴ Laa-la sarâi ƃe Ebɛɛ è sâla kùla la Ɣâla ma, nyíi kɛ̀ a ǹɛ́lɛɛ é tɛ́ɛ Kîŋ ŋɔi mai. Zâlai ŋí sarâi Ɣâla è Ebɛɛ lɛ̀ a tɔ̃yâ-nuu. Ɣâla è nyíŋi maa-sere-faa kɛ̀ a ǹyée seɛɛ Ebɛɛ ŋɔsama-sɛŋ mu. Ebɛɛ è sàa, kɛ́lɛ, ŋɔlaa-lai sarâi gáa niî lônoi.

Ibulu 11:4 ပူးပေါင်းရင်းမြစ်များ

Zɛnɛse 4:10

Yâwɛɛ ǹyɛɛ mai, “Lé ƃé ŋí í gɛ̀i? Ílêɣe ŋãa wɔ́lɔ woo a serîi ḿâ gɛ́ kùla ǹɔii mu.

Zɛnɛse 4:15

Yâwɛɛ è mò ma ǹyɛɛi, “Vé tí. Ǹúui kélee pâi í paâi, núu lɔ́ɔlu mɛi feerɛ a pâi saâi ŋɔsuui su.” Nya ƃe Yâwɛɛ è pɔ́ɔ kɛ̀ Kîŋ ma a ŋɛi-kɛ-maa a gɛɛ núu kélee à gàa, vé bàa.

Zɛnɛse 4:25

Adaŋ è ŋɔ́nɔ ŋɔnɛnîi kɔ̀lɔŋ a nɛnî, é koo síɣe é lóŋ-surɔ̂ŋ maa sɔlɔ ƃó, é ǹáa sée a Sɛ̂, ǹyɛɛi, “Ɣâla a lóŋ da kpɛ́ni tɛ́ɛ ḿbɔ Ebɛɛ pɔɔ ŋá, nyii Kîŋ è bàai.”

Zɛnɛse 4:8

Nya ƃe Kîŋ è mò ǹêɣe Ebɛɛ ma ǹyɛɛi, “Kú lí gbâlaŋ ŋá.” Tãi dí kɛ̀ la gbâlaŋ ŋái, Kîŋ è pɛ̀lɛ ǹêɣe Ebɛɛ ma é bàa.

Kâloŋ Maa-ŋuŋ 18:38

Nya ƃe Yâwɛɛ ŋɔŋɔŋ è kùla ŋ̀elei su é tóo, é zâla-sɛŋ kéreŋ gɔi da gɔni-ŋai é tóo ǹɔii ma è ǹyái kpála nyíi kɛ̀ a dínaŋɔɔ ŋ̀âla-teƃelei mai.

Zôo 8:10

Kúnûa pɔlɔ-ŋai da pâi dítarei lɛ̂i yâ. Da nɛ̀ yâ fɛ̂ɛ í íyee sée mù.

Táre-woo-ŋa 15:8

Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Táre-woo-ŋa 21:27

Ŋwana-lɔ̂ɔ-nuu ŋɔsâla-sɛŋ ƃɛlɛ fé Ɣâla Yâwɛɛ koi, ŋuŋ kpîŋ-kpiŋ ƃa à kɛ a zâlai kpîŋ kùla a kíri-pere.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Maafîu 23:35

a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai.

Lûu 11:51

É kúla Ebɛɛ ŋãai ma e li Zɛkɛraya ŋãai ma nyii dí bàa zâla-sɛŋ kérenîi da Ŋ̀âla-pɛrɛ díloai. Tɔ̃yâ ma, ŋá m̀ó kâa, gélee a pâi lɛɛ̂i ŋ̀éniɛi ŋi su-ƃelai dîa.

Taitɔ 1:16

Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ sii kélee da kɛ̂i.

Ibulu 11:2

Kpɛ́ni fêi, laa-la sarâi ƃe Ɣâla è ǹyée sèe la ŋwɔlɔ-wɔlɔ-ƃelai mu.

Ibulu 12:1

Mɛni ma tãi nɔ́ sére támaa tínaŋɔɔ̂i la kûa yɛ̂ɛ ɣele-kɔlɔŋ kolei, fɛ̂ɛ nɔ́ kúa máŋ kú gbîri-wuyɛɛ-ŋai láa da zɔnyɔ̂ŋ ŋai nyíi-ŋai da kúkpàaŋ kú gba-kpa fúlɔi maa kîrɛ siɣe kpɔ́ a gbanaŋɔɔ nyíi gáa kútuɛi.

Ibulu 12:24

Ka pá Zîsɛ pɔ́ nyíi gáa a kúloa-nuu kwa Ɣâla-ni gbanaŋ-woo-kɛɛ ninai mɛni ma da ŋãa kpɛmɛŋɔɔi nyíi a lôno a ǹɛ́lɛɛ é tɛ́ɛ Ebɛɛ ŋãa mai.

Ibulu 5:1

Sâla láa soŋ-nuui kélee da nɛ̀ ǹûai samai, da nɛ̀ a gɛɛ é tɔ́ɔ dípɔɔ ŋá da Ɣâla-ni díloai a gɛɛ é sama-sɛŋ tɛ̀ɛ é sâla kúla sɔnyɔ̂ŋ mɛni ma.

Ibulu 9:22

Tɔ̃yâ ma, dɔ̂ŋ yée mu sɛŋ kélee maa waai a ŋãa, ǹyaŋ sɔnyɔ̂ŋ su-mɛni-lɛɛ fé naa ŋãa puɔɔ ŋ́ɛi pôlu.

Pitɛ Veerɛi 2:8

Kpɛ́ni fêi, mɛnii dɔ̃yâ-nuui ŋí è gàa, é mɛni tãi è kɛ̀ la dísamai, ǹíi è ŋwàna ŋɔtɔ̃yâ-mɔleŋ su a ɣele kélee díŋwana-lɔ̂ɔ-tuai maa-mɛni ma.

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Bâlaŋ. Dí tɔ̀ɔ mà yɛ̂ɛ berei Koa è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.