Felepiɛŋ 4:9 - Ŋ̀âla Kɔlɔ Maa Waai

⁹ Mɛni-ŋai kélee ká maa kɔ́ri ńyêei, ká zɔlɔ ƃó ńyêei, ká mɛni ǹái, ká ŋ́gaa gɛ̂i, ka díkɛ. Nii-see-Ɣalai a pâi kɛ̂i kákɔlɛ.

Felepiɛŋ 4:9 ပူးပေါင်းရင်းမြစ်များ

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Azaya 8:10

Ka mɛni kpɛtɛɛ-ŋa kɛ́ kɛ́lɛ díŋaa-see fé pâi kɛ̂i. Ka m̀ɛni-ŋai ƃó díkaa kálii sui, kɛ́lɛ gélee a pâi kɛ̂i nɔ́ kpɛ́ni-kpɛni, kpɛ́ni fêi, Ɣâla káa kúkɔlɛ.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Maafîu 7:21

“Diai kélee da kɛ́ mâ, ‘Kúnuu-namui, Kúnuu-namui,’ díkelee dífe pâi liî Ŋ̀âla-taa kâloŋ-laai su, fɛ̂ɛ ǹúui a Ńâŋ nîa-mɛni kɛ̀ nyii gáa Ɣâla-taai.

Lûu 6:46

“Le ƃe kɛ̀ ka ńdòli a Kúnuu-namui, Kúnuu-namui? Kɛ́lɛ, káfa mɛni-ŋai kɛ̂ ŋa mòi.

Lûu 8:21

Nya ƃe e díwoo su tòo, ǹyɛɛ dîa, “Nee da ńêɣe-ni ƃa diai da Ŋ̀âla-wooi mɛ̀ni dí gɛ́i.”

Zɔ̂ŋ 13:17

À kɛ̀ ka mɛni-ŋai ŋi kɔ̀lɔŋ, lûwa káa kâa, à kɛ̀ kà gɛ̀.

Zɔ̂ŋ 15:14

Kákaa a ŋáwɛli-kɛ-maa ƃela, à kɛ̀ kà mɛnii kɛ̀ ŋa mò kâai.

Zɔ̂ŋ 2:5

Ǹya ƃe ǹee è mò ǹyée-mu-ƃelai dîa, ǹyɛɛi, “Ka mɛni nyíi kélee kɛ́ a mò kâai.”

Zia-ƃelai Kɛ́-mɛni-ŋai 9:6

Kɛ́lɛ, ímu siɣe í li daai su. Da pâi m̀ɛnii ƃôi yâ ya pâi gɛ̂i.”

Lomaŋ 15:33

Nii-see Ɣalai é kɛ́ kákelee kákɔlɛ. É kɛ́ ti.

Lomaŋ 16:20

gɛ̀ ní, nii-see Ɣalai a pâi Sêtɔŋ lɔ̂i kákɔɔ mu a maa félaa. Kúnuu-namui Zîsɛ Kôrai ŋɔƃɛlɛ-sêei é kɛ́ kâa.

Kɔleŋtiɛŋ Maa-ŋuŋ 10:31

Mɛni ma, kà mii-sɛŋ mìi, kpaa máŋ kà kákpèle, kpaa máŋ mɛni kélee ka gɛ̀i, ka gélee kɛ́ Ɣâla ŋɔfólo-laai mɛni ma.

Kɔleŋtiɛŋ Maa-ŋuŋ 14:33

Kpɛ́ni fêi, Ɣâla fé a yóo-yoo Ɣâla, kɛ́lɛ, gáa a lii-sêe Ɣala. Ŋ̀âla-ƃelai Díɣâla-pɛrɛ-ŋai kélee mu,

Kɔleŋtiɛŋ Maa-ŋuŋ 4:16

Gɛ̀ ní, ŋa kalia-woo ƃôi, ká kɛ́ a ḿbɔkɔɔŋ-ƃela.

Kɔleŋtiɛŋ Veerɛi 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ m̀ɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Dutɛrɔnome 5:1

Mose è Eezuɛ-ŋai kélee ŋáa tɛ̀ ma ǹyɛɛ diai, “Ka káwoli tɔ́ɔ dɔ̂ŋ-ŋai dîa ŋa pâi ŋ̀á lɛ̂i kâai. Ka dímaa kɔ́ri ká sía a wóo.

Felepiɛŋ 3:17

Ŋánûa, ka kɛ́ a ḿbɔkɔɔŋ-ƃela gîe ma ka diai maa kpɛ́ɛ da sîa yɛ̂ɛ berei kwa sîa lai.

Felepiɛŋ 4:7

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sarâi.

Tɛsɛlôniɛŋ Maa-ŋuŋ 1:6

Ǹyaŋ ká kɛ̀ a kúpɔkɔɔŋ-ƃela da Kúnuu-namui, kpɛ́ni fêi, ká ŋ̀óoi sɔlɔ ƃo mɛni-kpɔ̂lu támaa su a lii-nɛ̃ɛ nyíi M̀ɔlêŋ Maa Waai è bù kákponôi.

Tɛsɛlôniɛŋ Maa-ŋuŋ 2:14

Ŋánûa, ka kɛ́ a Ŋ̀âla-toli-kpɔŋ-ŋai díkaa Zudai dípɔkɔɔŋ-ƃela Zîsɛ Kôrai kponôi. Kpɛ́ni fêi, ká m̀ɛni-soli tɔnɔi ti kàa kákpɔɔi-ƃela yêei yɛ̂ɛ berei dí gàa la Zûu-ŋai yêei.

Tɛsɛlôniɛŋ Maa-ŋuŋ 5:23

Nii-see-Ɣalai ǹyaa kpîŋ é kámaa wáa pere sii kélee su. Sɔnyɔ̂ŋ fé kɛ́ kámɔlêŋ mâ da kákponôi a Kúnuu-namui Zîsɛ Kôrai pá tãi.

Tɛsɛlôniɛŋ Veerɛi 3:4

Laa-la káa kúyêei Kúnuu-namui kponôi kámaa mɛni ma a gɛ́ɛ m̀ɛnii kú nɛ̀ kâa a gɛ́ɛ ká gɛ́i, kákaa gɛ̂i, ǹyaŋ ka pâi kɛ̂i nɔ́ gɛ̂i.

Temete Veerɛi 4:22

Kúnuu-namui é kɛ́ ímɔlêŋ kɔlɛ. Ƃɛlɛ-sêe é kɛ́ kâa.

Zĩi 1:22

Kɛ́lɛ, ka kɛ́ a ŋ̀óoi ŋɔtíi-kɛ-ƃela. Káfe kɛ̀ nɔ́ a mɛ̀ni-ƃêla, kákɛ kákpîŋ pɛ̀lɛ.

Pitɛ Veerɛi 1:10

Mɛni ma ŋánûa, ká kɔ́ kpɔ́ a gbanaŋɔɔ a gɛɛ ká kátolii da kálɛi maa-mɛni é kɛ́ a tɔ̃yâ, kpɛ́ni fêi, à kɛ̀ kà nyíŋi kɛ̀, gɛ̀ ní káfe pâi wɔ́lɔ toôi.

Zɔ̂ŋ Maa-ŋuŋ 3:22

Ǹyaŋ zɛŋ kélee kwa vɛli mài, kwa zɔlɔ ƃô ǹyêei, kpɛ́ni fêi, kwa ŋɔtɔ̂ŋ-ŋai mɛi kâa, kúkɛ ǹíi-láa-mɛni kɛ̀.