Felepiɛŋ 4:8 - Ŋ̀âla Kɔlɔ Maa Waai

⁸ Gbɛɛ ŋái, ŋánûa, m̀ɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛ̃ɛ̂i dí ǹáa maa tɛ́i, ka kákili ŋá sia é pîlaŋ dîa.

Felepiɛŋ 4:8 ပူးပေါင်းရင်းမြစ်များ

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Samia Veerɛi 1:23

“Sɔ̂ɔ da Zonetaŋ dí kɛ̀ a díkîe-ni wɛ́liɛɛ, wɛli-kɛ́-maa kɛ́ ƃò díyêei. Dífe kɛ́ ní a díŋaa kɔlɛɛ dífulu-laai su da dísaa pôlu ma. Díkɔɔ ma è kɛ̀ a vélaa é tɛ́ɛ kuɛ ma, díwála-walaa é tɛ́ɛ yala-sulu ma.

Samia Veerɛi 23:3

Eezuɛ ŋɔwála-wala Ɣalai è mò ḿâ ǹyɛɛi, ‘Ǹúui a ŋɔnûai mɛi kâa a tɔ̃yâ-laa pere Ɣâla ŋɔyao maai sui,

Wule-woo-ŋa 82:2

“Ká kpera ǹûai dímɛnii ŋá têei a wôya-pere. Káfe tɔ̀ɔ ŋ̀wana-lɔ̂ɔ-ƃelai pôlu a wôya-pere.

Táre-woo-ŋa 11:1

Ɣâla Yâwɛɛ a ǹûai kpɔ̀ara diai da dí-sɛŋ kɔ̂ɔŋ-kɔli-ŋai ɣîrii, kɛ́lɛ ǹíi lâai dɔ̃yâ sɛŋ-kɔɔŋ-kɔli namelai yêei.

Táre-woo-ŋa 12:4

Nɛnî sɔŋ lɛ́lɛɛ a pâ a ƃaa-kɛ-maa ŋɔsurɔ̂ŋ pɔ́, kɛ́lɛ nɛnî nyii a ŋɔsurɔ̂ŋ ŋumɛi, gáa yɛ̂ɛ núu-kao-su kɔlɔ-fela.

Táre-woo-ŋa 16:11

Ɣâla Yâwɛɛ a ŋ̀wɛ̂lii a gɛɛ kúsɛŋ kɔ̂ɔŋɔɔi kélee é kɛ́ a zã́a kú tela gɔ̀lɛ a teniŋ ƃô-pere.

Táre-woo-ŋa 20:7

Núu sãa nyii a ŋɔkɛ-ɣeniɛi kɛ̀ a tɔ̃yâ-perei, lûwa káa ŋɔnîa-pɛlɛɛi dîa.

Táre-woo-ŋa 31:10

Gbɛ̂ɛ ƃa pɔ̂ri nɛnî sɔŋ lɛ́lɛɛi kâai? Ǹɛnîi tí sɔ̃ɔ kɛ̂tɛi é tɛ́ɛ kɔni sɔ̃ɔ kpanaŋɔɔ ma.

Táre-woo-ŋa 31:29

“Nɛnî sɔŋ lɛ́lɛɛ támaa káa naa, kɛ́lɛ ítɛɛ̂i díkelee dîa.”

Táre-woo-ŋa 31:31

Ǹɛ̂lɛɛi í ƃaa-kɛ-maa tɛ́ɛ bɔ́ ŋɔtíi lɛ́lɛɛi mɛni ma. Ǹɛ̂lɛɛi ǹúui kélee dí ǹáa maa tɛ́ panaŋ ma.

Wule-ŋa Kélee Mɛi Wûle 5:16

Ǹóno pêre lɛ̂lɛɛi. Gɛ́-pere kélee lɛ́lɛɛ a ńîa. Zerusâlɛŋ nɛyaa, ŋáwɛli kɛ́-maa nûui ká ŋí.

Azaya 26:7

Yâwɛɛ, ya lûwa làa ǹaa-laa-ƃelai kɛ́-mɛni kélee ma. Ya díteniŋ tɔ̀ɔ dísia-pêre kélee su.

Maafîu 22:16

Dí dípôlu-ƃelai tɛɛ bɔ naa é pɛ́lɛ Ɛɛlɔ-ƃelai dîa, dîyɛɛi, “Kaamɔ̂ɔ, ku gɔ́lɔŋ a gɛɛ íkaa a tɔ̃yâ-nuu, íkɛ Ɣâla ŋɔperei lɛ́ a tɔ̃yâ, ífa yao núu da kélee ma. Ífe kpaaŋ ni núu tɔɔ̂i mɛni ma.

Mâki 6:20

kpɛ́ni fêi, Ɛɛlɔ è yào Zɔ̂ŋ ma. E gɔ̀lɔŋ a gɛ́ɛ è kɛ̀ a núu sã́a, gɛ́ ƃo a núu maa waa. Vé mɛni da kɛ́ ní la. Ɛɛlɔ a kâa ŋ̀wɛli é ŋ̀óli tɔ́ɔ ma a tãi kélee a kɛ̀ ɣâla-woo ƃôi, berei máŋ ŋ̀óoi ŋí è kɛ̀ la ma a lii-sɛlɛŋ kpɛɛ́ pôlui.

Lûu 16:15

Kɛ́lɛ, e mò dîa, ǹyɛɛi, “Káa ƃa ǹûai ka kákpîŋ sãa núu ŋɛi, kɛ́lɛ, Ɣâla e kálii su kɔlɔŋ; kpɛ́ni fêi, sɛŋ nyii a ǹûai ŋɛi soŋ, mɛlɛ kpɛɛ̂i Ɣâla koi.

Lûu 2:25

Nalôŋ tɔnɔ ƃe kɛ̀ naa Zerusâlɛŋ, ǹáa ƃe kɛ̀ a Simiɔŋ, nyii kɛ̀ a sɔŋ-lɛlɛ-nuu, gɛ ƃo a Ɣâla mɛni wɛliɛ, nyii kɛ̀ Eezuɛ ŋá-nɛnɛ-ɣele maa kpɛ̂nii. M̀ɔlêŋ Maa Waai e kɛ̀ mɛ̀i.

Lûu 23:50

Nalôŋ tɔnɔ e kɛ̀ naa, ǹáa ƃe kɛ̀ a Zosɛ, nyii kûla Zûu-ŋai dítaai su da kɛ̂ ma Alimatîai. È kɛ̀ a gɔyâŋ su-nuu da. È kɛ̀ a nuu lɛ́lɛɛ, gɛ ƃo a tɔ̃yâ-nuu.

Zɔ̂ŋ 7:18

Ǹúui nyii a lòno a gbîŋ-wala-walai a gbɔɔ̂i-folo-laai kɔ̀ri; kɛ́lɛ, ǹúui a ǹúui ŋɔfólo-laai kɔri nyii dɛɛi, gáa a tɔ̃yâ-nuu, ǹyaŋ lɛ́ɛ da kélee fe gbonôi.

Zia-ƃelai Kɛ́-mɛni-ŋai 10:22

Dîyɛɛ mài, “Kɔniliɔ, nyíi gáa a ǹɔii ma kpɛ́-ƃelai mɛi-nuui, ƃé kútɛ̀ɛ. Gáa a núu lɛ́lɛɛ, gɛ́ yao Ɣâla ma. Ƃaa kɛ́-maa káa Zûu-ŋai yêei m̀ɛni ma. Ǹyaa ƃé Ɣâla-taa-kela maa waa è mò mà a gɛ́ɛ é ítoli ŋɔpɛ́rɛi lá é íwoo mɛni.”

Zia-ƃelai Kɛ́-mɛni-ŋai 22:12

“Nalôŋ tɔnɔ è kɛ̀ naa, ǹáa ƃé kɛ̀ a Ananaya, nyíi kɛ̀ a Ɣâla mɛni kɛ-nuu yɛ̂ɛ berei dítɔ̂ŋ è kɛ̀ lai. Zûu-ŋai kélee kɛ̀ naai, dí lòno a ǹɛ́lɛɛ é pîlaŋ ma.

Zia-ƃelai Kɛ́-mɛni-ŋai 6:3

M̀ɛni ma, ŋánûa, ka núu sã́a lɛ́lɛɛ lɔ́ɔlu mɛi feerɛ kɔ́ri kásama nyíi-ŋai dílaa fɛ̂ɛi a M̀ɔlêŋ da tarei, a gɛ́ɛ ku dítɔɔ mɛnii ŋí láa tuɛ.

Lomaŋ 13:13

Kwaa sia a tenîŋ-ƃo yɛ̂ɛ núu à kɛ̀ siâi a ɣele-ƃɔ́ɔ. Ƃoo-pele kɛ́ɛ fei, da lɔɔ ŋɔnúu kɛ́ɛ, wulu-wulu kɛ́ɛ, wolii-kpɔlɔ, laa-sâa, é pɛlɛ tólo ma.

Lomaŋ 13:3

Kpɛ́ni fêi, mɛni lɛ́lɛɛ-kɛ-ƃela dífa yâo dítuɛ-ƃelai dîa, fɛ̂ɛ mɛni nyɔ́mɔ-kɛ-ƃela. Ífe ŋ̀wɛ̂lii í yao gɔmɛnɛ-nuu ma? À kɛ̀ ti gɛ̀ ní tûa lɛ́lɛɛ kɛ́, gɛ̀ ní a pâi ílaa maa tɛ̂i,

Lomaŋ 14:18

Ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Lomaŋ 2:29

Kɛ́lɛ Zûu-nuu kpîŋ ƃa ǹúui a dɔ̂ŋ mɛi kâai. Nûu kpɛtɛɛ a tɔ̃yâ káa kpɔ́ a núu líi su-pere mɛni vé a mɛnii a kɛ̀ núu kpono mai. Ɣâla ŋɔmɔ̂leŋ ƃa gɛ̀ nyiŋi é kɛ́. M̀ɛni ma, ka laa-maa-tɛ kɔ́ri Ɣâla yêei kɛ́lɛ núu-kpune fêi.

Kɔleŋtiɛŋ Maa-ŋuŋ 4:5

Mɛni ma káfe mɛni ŋá tèe tãi tuɛ, é lɛ́ɛ zu Kúnuu-namui é pá. A pâi pâi a gbínii ŋɔloo-sãai fíeŋ ŋá e núu-kpune líi su mɛni ƃó. À kɛ̀ tí, gɛ̀ ní, núu kélee a pâi Ɣâla ŋɔlaa-maa-tɛi sɔlɔ ƃôi.

Kɔleŋtiɛŋ Veerɛi 13:7

Kɛ́lɛ, kwa Ɣâla fɛlîi a gɛ́ɛ káfe mɛni nyɔ́mɔɔ kɛ̀ zu-kulâi fa kúa kpîŋ kwa pɔ̂ri tɛɛ̂i su-kɔɔŋ su, kɛ́lɛ, a gɛ́ɛ ka mɛni lɛ́lɛɛ kɛ́, berei máŋ gáa la yɛ̂ɛ nya ƃe kú fɛɣɛ̂i.

Kɔleŋtiɛŋ Veerɛi 6:8

a ƃaa kɛ́-maa da ƃaa-kula-maa, a mɛni lɛ́lɛɛ ƃóɔɔ é pîlaŋ kûa da mɛni nyɔ́mɔɔ ƃóɔɔ é pîlaŋ kûa; yɛ̂ɛ nuu-pɛlɛ-ƃela, berei máŋ kúkaa la a tɔ̃yâ-ƃelai;

Kɔleŋtiɛŋ Veerɛi 8:18

Kwa kúƃarâŋ tɛɛ̂i da ǹyaa dí pá, nyíi da ǹáa maa tɛ̀ Kôrai-toli-kpɔŋ kélee su ŋɔtuŋ lɛ́lɛɛi ƃó mɛni ma.

Kɔleŋtiɛŋ Veerɛi 8:21

Kpɛ́ni fêi, kwa ŋ̀wɛ̂lii kú mɛni lɛ́lɛɛ kɛ́, kúfe gɛ̂i nɔ́ Kúnuu-namui ŋɛi mɛni ma, kɛ́lɛ, kwa gɛ̂i máŋ núu-kpune ŋɛ́i.

Galesiɛŋ 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Ifisiɛŋ 5:9

Kpɛ́ni fêi, kwaa-ponoɔɔ ŋɔƃa káa mɛni lɛ́lɛɛ kélee su, da mɛni sã́a, é pɛ́lɛɛ tɔ̃yâ ma.

Ifisiɛŋ 6:14

Mɛni ma kà kpɛ̀ɛ a dɔ̃yâ-bɛ̂tii toɔɔ káleŋei, ká dɔ̃yâ-laa kɔli-kalaŋ pɛ́lɛ kákeŋe lá, ka Duŋ Lɛ́lɛɛi ŋɔlii-sêe kɔɔ-ŋa-kɔlɔi lɔ́ kákɔɔ ŋá kákpîŋ kpɛtɛ mɛ̂ni ma, ká tɔ́ɔ.

Dutɛrɔnome 16:20

Ka tɔ̃yâ-laa mɛni kɛ́ a gɛɛ káfulu-laai su é kôyaa ǹɔii ma Káɣâlai Yâwɛɛ è dɛ̀ɛ kápɔi.

Felepiɛŋ 3:1

Gbɛɛ ŋái, ŋánûa, ka lii-nɛ̃ɛ kula Kúnuu-namui kponôi. Vé ḿâ a mɛni kpanaŋ a gɛ́ɛ ŋa m̀ɛni tɔnɔi pɔ̃yɛ kâa, ǹyaŋ ǹɛ́lɛɛ̂i kámɛni ma.

Kolasiɛŋ 4:5

Ka kámɛi káa a táre diai dífe nîi láa a Ɣâlai dísama. Tãi nyíi gáa káyêei, ka tíi kɛ́ la a ǹɛ́lɛɛ.

Tɛsɛlôniɛŋ Maa-ŋuŋ 4:12

a gɛ́ɛ diai dífe a Ɣâla-ƃelai ƃaa kɛ́-maa é kɛ́ kâa díŋɛi. Káfe kákili kɛ̀ núu da kélee ma.

Temete Maa-ŋuŋ 2:2

É kɛ́ kâloŋ ŋa mɛni ma da ǹúu-mɛi-ƃelai kélee a gɛ́ɛ kú kúfulu-laai kɛ́ maa-yeŋ pere su da lii-sêe, kú Ɣâla líi láa, ƃaa kɛ́-maa é kɛ́ kúyêei pere sii kélee su.

Temete Maa-ŋuŋ 3:11

Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-kara-ƃela, kɛ́lɛ, dí kɛ́ a nuu sãa-ŋa mɛni kélee su.

Temete Maa-ŋuŋ 3:4

Fɛ̂ɛ maa-nuui é gbîŋ pɛrɛi mu-ƃelai mɛi káa a ǹɛ́lɛɛ é ŋɔnîa-pɛlɛɛi tɔ́ɔ a woo-mɛni da ƃaa kɛ́-maa pere sii kélee su.

Temete Maa-ŋuŋ 4:12

Ífe ǹɛɛ naa núu da fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Temete Maa-ŋuŋ 5:2

Ǹɛyâai nyíi-ŋai dípɔlɔ-pɔlɔ-laa tɛɛ̂i yâi, tûa a dia yɛ̂ɛ ílee-ni. Ǹɛyâai nyíi-ŋai ípɔlɔ-pɔlɔ-laa tɛɛ̂i dîai, í tûa a dia yɛ̂ɛ ísaaƃɔlɔ-ni maa-waa-laa kélee su.

Taitɔ 1:8

Kɛ́lɛ, fɛ̂ɛ é kɛ́ a ǹúui a nûa sòŋ a ǹɛ́lɛɛi, mɛni lɛ́lɛɛ-kɛɛ wɛ̂li-nuu, ǹúui gíli káa ǹyêei, tɔ̃yâ-nuu, núu maa wâa, da ǹúui a gbîŋ mɛi kâai.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Taitɔ 2:2

Núu pɔlɔ-ŋai dí díkpîŋ su soŋ, dí kɛ́ a mɛni-soŋ-ƃela a gbanaŋɔɔ, díkili é kɛ́ díyêei. Dí kɛ́ a tɔ̃yâ-ƃela laa-la su, wɛli-kɛ-maa su, da fɔlɔ-fɔlɔ su.

Taitɔ 2:7

Íkpîŋ lɛ́ pere sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Ibulu 11:2

Kpɛ́ni fêi, laa-la sarâi ƃe Ɣâla è ǹyée sèe la ŋwɔlɔ-wɔlɔ-ƃelai mu.

Ibulu 13:18

Ka Ɣâla fɛ́li kúmɛni ma, kpɛ́ni fêi, kúlaai kpɔ́ la a ǹɛ́lɛɛ a gɛɛ kúkili-ŋa-siai maa waâi, kúkɛ ŋ̀wɛli a gɛɛ kúmɛni kélee kɛ́ ƃaa-kɛ-maa pere su.

Zĩi 1:27

Ɣâla mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔɔ-nɛyaa a tãi da kɛ̂ la mɛni-kpɔ̂lu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.

Zĩi 3:17

Kɛ́lɛ, dárei nyíi a kûla ŋ̀elei sui, m̀ɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tíi-lɛlɛ, woo-kɛ-ńâ-feerɛ fé zu, kiri-mɛni fé zu.

Pitɛ Maa-ŋuŋ 1:22

Kámɔlêŋ maa waâi a dɔ̃yâi maa woo mɛniɛi gáa káyêei a gɛɛ tɔ̃yâ wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Pitɛ Maa-ŋuŋ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi ta da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Pitɛ Maa-ŋuŋ 4:8

Nyii gáa m̀ɛnii kélee mɛi, ǹyaa ƃa káwɛli-kɛ maai sú é kpanaŋ kákîe-ni sáma, kpɛ́ni fêi wɛli-kɛ maai a sɔnyɔ̂ŋ támaa mɛi pɛlɛ.

Pitɛ Veerɛi 3:1

Ŋánûa, gɔlɔi veerɛi ká ŋí ŋa bɔ̃̀yɛ kápɔ naa. Gɔlɔi veerɛi ŋí sú, ŋa kátɔ̃yâ-kili mu siɣe nâa a mɛni-toɔɔ kákili ŋá.

Zɔ̂ŋ Maa-ŋuŋ 3:18

Nîa-pɛlɛɛ, kúfe wɛli-kɛ-maa kɛ̀ nɔ́ a wóo-folo da kúlono-pere. Kɛ́lɛ, fɛ̂ɛ kú gɛ́ kútûa-pere su da tɔ̃yâ-laa.

Zɔ̂ŋ Maa-ŋuŋ 3:3

Ǹúui kélee gili-kɛ-zui ŋí káa ǹyêei, a gbîŋ maa waa yɛ̂ɛ berei ǹyaa Kôrai m̀aa waai lai.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Lûfi 3:11

Mɛni ma, ńoŋ-nɛnii, ífe yào. M̀ɛnii kélee ƃa ḿarê kɛ̀ m̀ɛni mai, ŋa pâi gɛ̂i yɛ̂, kpɛ́ni fêi, ḿarâa taa-ƃelai kélee dí gɔ́lɔŋ a gɛ́ɛ íkaa a nɛní lɛ́lɛɛ.