Felepiɛŋ 4:6 - Ŋ̀âla Kɔlɔ Maa Waai

⁶ Káfe kpaaŋ mɛni kélee ma, kɛ́lɛ, Ɣâla fɛliɛ su da mare-kɛɛ é pɛ́lɛ sɛɣɛi-fei ma, mɛni kélee ka ŋ̀wɛ̂lii ka ǹɛɛ naa Ɣâla é gɔ́lɔŋ.

Felepiɛŋ 4:6 ပူးပေါင်းရင်းမြစ်များ

Kâloŋ Maa-ŋuŋ 8:28

Kɛ́lɛ íwoli tɔ́ɔ íyee mu-nuui ŋɔɣâla fɛli-wooi ma da ŋɔkpera-fêi-wooi ma, óo Yâwɛɛ, Ŋáɣâlai. Íwoli tɔ́ɔ ńyãa a íyee mu-nuui ŋáfɛli-wooi ma í ŋ̀aa-see kɛ́ ḿî sâa ɣele-kuui ŋí ma.

Kɔlɔnikɔ Veerɛi 32:20

Gâloŋ Ɛsekaya da Ɣâla ŋɔlóno kɛ́-nuui Azaya nyíi kɛ̀ a Emɔzi ǹóŋ díwɔ̀lɔ Ɣâla ma nyíi gáa Ɣâla-taai a m̀ɛnii ŋí.

Wule-woo-ŋa 51:15

Ǹuu-namui, kpɔŋ-maa tɛɛ ḿbɔ ŋá lóno. Gɛ̀ ní ŋa pâi ílaa maa tɛ̂i.

Wule-woo-ŋa 55:17

Ŋa wɔ̂lɔ m̀a a ɣele-wala, fólo-peneɛɛ da kpíni, ŋ́gɛ mɛni lâa ŋ̀ɛ́i, ǹyaŋ a pâi ŋ́oo su toôi.

Wule-woo-ŋa 55:22

Í mɛni kpɔ̂lu-ŋai tɛ́ɛ Yâwɛɛ pɔ́, gɛ̀ ní a pâi ímaa kɔ̃ɔ̂i. Vá ǹɛɛ naa dí diai dí deniŋ ƃoɔɔ̂i yée mɛi ɣále.

Wule-woo-ŋa 62:8

Ŋánûa, ka láa a Ɣâla a ɣele kélee. Ka kámɛni kpɔ̂lui kélee maa mɛ̂ni ƃó ma, kpɛ́ni fêi, ǹyaa ƃa kúŋuŋ maa ƃó-nuui.

Táre-woo-ŋa 15:8

Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Táre-woo-ŋa 16:3

Ítii-ŋai kélee tɛ́ɛ Ɣâla Yâwɛɛ pɔ́, gɛ̀ ní ǹáa a pâi kulâi.

Wule-ŋa Kélee Mɛi Wûle 2:14

Ŋá wɛli kɛ́-maa nuui, íkaa yɛ̂ɛ tòloŋ nyii a ǹoo gɔni wôloi su ǹyéei pɛ̂rɛ mai. Tɔɔ ŋá íŋɛi káa. Wule tóo, ŋá íwoo mɛ́ni, kpɛ́ni fêi, íwoo nɛ̃ɛ̂i, íŋɛi lâai lɛ́lɛɛ.

Zɛlemaya 32:16

Gɛ́ɛ ŋa ǹɔii-kɔlɔi tɛ́ɛ Baru pɔ́i, ŋá Ɣâla fɛ̀li, ńyɛ̃ɛi,

Zɛlemaya 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Danîa 3:16

Nya ƃe Sadura, Misãŋ da Abɛnigo dí gâloŋ wóo su tòo dîyɛɛ m̀ai, “Óo Gâloŋ Nɛbukinaza, kúfa pɔ̂ri kúkpîŋ ŋuŋ ma ƃôi íyêei m̀ɛnii ŋí su.

Danîa 6:10

Tãi Danîa è gɔ̀lɔŋ la a gɛɛ da m̀ɛnii ŋí maa tɔ̂ŋ pɔ̃yɛ kɔlɔ mai, è tɛ̀ ŋɔpɛ́rɛi ŋ̀elêi-pere ƃɛ́i ǹaa wêna-ŋai lá è kɛ̀ a m̀óɔɔ Zerusâlɛŋ perei. È pìlaŋ ŋ̀úgbe ŋá é Ɣâla fɛli. A kâa gɛ̀ tí gîei saaƃa fólo ma gɛ́ sɛɣɛi-fei tɛ̀ɛ Ɣâla pɔ́ yɛ̂ɛ berei a kâa gɛ̀ la a bɔlɔi.

Maafîu 10:19

Kɛ́lɛ, da lì a kâa, kálii fé sɛlɛŋ m̀ɛnii ḿâ ka pâi m̀ôi da berei ka pâi m̀ôi lai. Kpɛ́ni fêi, m̀ɛnii ka pâi m̀ôi, da pâi doôi kákili ŋá a maa aƃai tí.

Maafîu 13:22

Nyii tòo ŋalêŋ-kpɔlɔi sui, ǹyaa ƃa ŋ̀óoi núu a m̀ɛni, kɛ́lɛ, ŋ̀éniɛi-su kpaaŋ da tɔɔ-laa ŋɔyee-laa-maai dí kpiniŋ là va ƃâi.

Maafîu 6:34

“Mɛni ma kálii fé sɛlɛŋ tínaa mɛni ma, kpɛ́ni fêi, tínaa líi a pâi sɛ́lɛnîi gbîŋ mɛni ma. Tɔɔ fólo tɔnɔi ŋɔmɛni nyɔ́mɔɔi é kɛ́ nɔ́ a gula-kɛ̂ɛ-ƃoɔɔ vólo tɔnɔi kpîŋ mɛni ma.

Maafîu 6:8

Mɛni ma, káfe kɛ̀ yɛ̂ɛ dia, kpɛ́ni fêi, Kánâŋ è zɛŋ kɔ́lɔŋ ka ŋ̀wɛ̂lii, ká lɛ́ɛ pâi m̀arê kɛ̂i.

Lûu 10:41

Kɛ́lɛ, Kúnuu-namui e ŋ̀óo su tòo, ǹyɛɛi, “Maatɛ, Maatɛ, íkpaaŋɔ̂ɔi, ílii kɛ́ kɔ mɛni támaa mɛni ma;

Lûu 12:22

Nya ƃe e mò ŋɔpôlu-ƃelai dîa, ǹyɛɛi, “Maa-mɛni ma ŋá m̀ó kâa, káfe kpâaŋ ŋɔ́nɔ káfulu-laai mɛni ma, da zɛŋ ka pâi miî, kpaa máŋ kákponôi mɛni ma nyii kákaa pâi dóôi kâai.

Lûu 12:29

Káfe mii-sɛŋ kɔ̀rii ka pâi miî, da zɛŋ ka pâi gbelêi. Kálii fé sɛlɛŋ.

Lûu 18:1

Nya ƃe e sáŋ sɔ̀ɔ dîa, e ǹɛ dîa a gɛɛ fɛ̂ɛ nûa dí kɛ̀ Ɣâla fɛlîi a tãi kélee, dífii fé kpɛɛ.

Lûu 18:7

Ɣâla fé pâi ŋɔsu-ɣɛɛ-ƃelai kulâi mɛni su diai da wɔ̂lɔ ma ɣele-ƃɔ́ɔ da kpini yée mui? A pâi díkɛ̂i dí maa kpɛŋ a zu kôyaa?

Kɔleŋtiɛŋ Maa-ŋuŋ 7:21

Í kɛ̀ a luɛ dílɛɛ pâi ítolîi? Ílii fe sɛ̀lɛŋ. Kɛ́lɛ, à kɛ̀ pere káa íyeêi a gɛ́ɛ íŋuŋ ma-ƃoi sɔlɔ ƃó, gɛ̀ ní, kɔ a maa-perei ti.

Kɔleŋtiɛŋ Maa-ŋuŋ 7:32

Ŋa ŋ̀wɛ̂lii lii-sɛlɛŋ kélee da fé kɛ́ kâa. Goyaŋ-surɔŋ, é kɛ́ a gbáaŋɔɔ a Kúnuu-namui ŋɔmɛni-ŋai kélee, da berei a pɔ̂ri Kúnuu-namui líi lâai lai.

Kɔleŋtiɛŋ Veerɛi 1:11

Fɛ́ɛ ka kpɔŋ kûa máŋ a Ɣâla fɛliɛ a gɛ́ɛ núu támaa dí sɛɣɛi-fei tɛɛ kúmɛni ma m̀ɛlɛ-seei Ɣâla è dɛ̀ɛ kúpɔ Kúɣâla fɛliɛ támaai mɛni mai, mɛni ma.

Ifisiɛŋ 5:20

Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Ifisiɛŋ 6:18

Ka Ɣâla fɛli M̀ɔlêŋ su a tãi kélee a Ɣâla-fɛli pere sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Kolasiɛŋ 3:15

Tɔɔ Kôrai ŋɔlii-sêei é tíi kɛ́ kálii su. Sâpoi ká ti Ɣâla a kátoli la a gɛ́ɛ ká kɛ́ kpono tɔnɔ su. Sɛɣɛi-fei é kɛ́ káyêei.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Kolasiɛŋ 4:2

Ka kɛ́ nɔ́ Ɣâla fɛlîi a ɣele kélee. Ka kámɛi káa zu a sɛɣɛi-fei.

Temete Maa-ŋuŋ 2:1

Maa-ŋuŋ ŋa m̀ôi a gɛ́ɛ sɛŋ maa-mare-kɛɛ kɛ́ɛ, Ɣâla-fɛliɛ, da sɛɣɛi-féi é kɛ́ núu kélee mɛni ma.

Temete Maa-ŋuŋ 5:5

Ǹɛnîi nyíi gáa a pɔɔ-nɛnî kpîŋ, nyíi a lɛɛ ǹyaa tɔnɔi, a ŋɔkili-kɛ-zui kélee pu Ɣâla ma mare-kɛɛ su da Ɣala-fɛliɛ a kpini da folo;

Pitɛ Maa-ŋuŋ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

Pitɛ Maa-ŋuŋ 5:7

M̀ɛnii kélee a kálii sɛ̀lɛŋ ka bu ŋ̀ɛ́i. Kpɛ́ni fêi, gbáaŋɔɔ̂i kámɛni ma.

Samia Maa-ŋuŋ 1:15

Kɛ́lɛ Aana è ŋ̀óo su tòo ǹyaa m̀ai, “Kpao, ŋánuu-namui, fa lɔɔ sîi da kélee kpèle, ńii nɔ́ ƃé doɔɔ̂i pôlu, ǹyaŋ ŋa ŋ́gbîŋ tɛɛ̂i Yâwɛɛ pɔ́.

Samia Maa-ŋuŋ 30:6

Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.

Samia Maa-ŋuŋ 7:12

Nya ƃe Samia è kɔni sîɣe é dɔ̀ɔ Mizipa da Sĩiŋ díloai a kili-too-ŋa, ǹyɛɛi, “Yâwɛɛ a kpɔ̀ŋ kûa a pere sîi kélee.” È ǹaa láa sèe a “Gbɔŋ-ḿâa Kɔnii.” Nyíŋi è kɛ̀ a kili too-ŋa é ǹɛ́ Eezuɛ-ŋai dîa berei Yâwɛɛ è kpɔŋ ḿâa tɛ̀ɛ la dípɔi.