Felepiɛŋ 4:5 - Ŋ̀âla Kɔlɔ Maa Waai

⁵ Tɔɔ núu kélee é kálii-lɛ̂lɛi kɔlɔŋ. Kúnuu-namui a nâa lɛɣɛ.

Felepiɛŋ 4:5 ပူးပေါင်းရင်းမြစ်များ

Maafîu 6:25

“Mɛni ma, ŋá m̀ôi kâa, kálii fé sɛlɛŋ káfulu-laai mɛ̂ni ma, zɛŋ ka pâi miî, kpaa máŋ zɛŋ ka pâi gbelêi, kpaa máŋ zɛŋ ka pâi doôi kâai. Ǹyaŋ vulu-laai fé tɛɛ ni mii-sɛŋ ḿâ, gbonoi tɛ̂ɛi seɣe ma?

Maafîu 6:34

“Mɛni ma kálii fé sɛlɛŋ tínaa mɛni ma, kpɛ́ni fêi, tínaa líi a pâi sɛ́lɛnîi gbîŋ mɛni ma. Tɔɔ fólo tɔnɔi ŋɔmɛni nyɔ́mɔɔi é kɛ́ nɔ́ a gula-kɛ̂ɛ-ƃoɔɔ vólo tɔnɔi kpîŋ mɛni ma.

Lûu 21:34

“Ka kámɛi káa a gɛɛ kálii fé kɛ̀ nɔ́ a wuyɛɛ a mii-sɛŋ miɛɛ da lɔɔ-kpeleɛ é pɛlɛ vúlu-laai ŋí ŋɔlii-sɛlɛŋ-ŋai dîa a gɛɛ maa-ɣelei tí fé lâa pá la kâa a maa félaa yɛ̂ɛ ƃáre a bɔara.

Kɔleŋtiɛŋ Maa-ŋuŋ 16:22

Náɣâŋ é kɛ́ ǹúui ma wɛli-kɛ-maa fé ńyêei Kúnuu-namui mɛni mai. Kúnuu-namui, pá!

Kɔleŋtiɛŋ Maa-ŋuŋ 6:7

Kákîe-ni kɔlɔ siɣeɛ káa nɔ́ a kalaŋɔɔ. Núu à lɛ́ɛ-mɛni ƃò a kálaa káfa káyee sèe mu lé mɛni ma? Lé ƃe káfa ǹɛɛ naa dí káwôyai?

Kɔleŋtiɛŋ Maa-ŋuŋ 8:13

Mɛni ma à kɛ̀ mii-sɛŋ à gɛ̀ ḿarâŋ-nuui e tóo, gɛ̀ ní fé pâi sua miî, tãi da fa la ḿarâŋ-nuui kɛ́ la é tóo.

Kɔleŋtiɛŋ Maa-ŋuŋ 9:25

Ǹúui kélee a kɔ̂ a gbanaŋɔɔ gbakpa-fulɔi sui, a gbîŋ mɛi kâa pere sîi kélee su. Da gɛ̀ a gɛ́ɛ dí m̀aa pui sɔlɔ ƃó nyíi pâi karâi, kɛ́lɛ, kúwɔ̂i fé pâi karâi.

Kɔleŋtiɛŋ Veerɛi 10:1

Ńyãa Pɔ̂ɔ, ńyãa kpîŋ ŋa môi kâa Kôrai ŋɔmaa-yêŋ da ŋɔsɔŋ-lɛ̂lɛi sarâi, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Tɛsɛlôniɛŋ Veerɛi 2:2

a gɛ́ɛ kálii fé kpɛ̃liŋ, kpaa máŋ káfe yao à kɛ̀ kà mɛ̀ni a gɛ́ɛ Kúnuu-namui pá tãi aâ seri, a tãi kúkɛ lonoi lai, kpaa máŋ kú kúwoo tɛ̀ɛ, kpaa máŋ kú kɔlɔ tɛ̂ɛ a gɛ́ɛ é ŋ̀elei lɛ́ Kúnuu-namui è pà lai.

Taitɔ 3:2

Dífe mɛni nyɔ́mɔɔ ƃò é pîlaŋ núu da kélee ma. Dífe díyee pìli laa-saa-mɛni su. Dí kɛ́ a núu sɔŋ lɛ́lɛɛ-ŋa. Dí ƃaa-kɛ-maa lɛ́lɛɛ lɛ́ núu kélee ma.

Ibulu 10:25

Kúfe tãi siɣe kúkîe-ni kɔɣɛŋ mɛni ma, yɛ̂ɛ berei núu da-ni da tãi siɣe lai, kɛ́lɛ, kwaa kúkîe-ni fɔlɔ, kpɛ́ni fêi, ka Ŋelei tí kâai gɛ̀ lɛɣɛ.

Ibulu 10:37

“Nàa guro à gɛ̀ tí, ǹúui nyíi gáa pâi, a pâi pâi a maa félaa, vé pâi tãi siɣêi.

Pitɛ Maa-ŋuŋ 1:11

Dí mare-kɛɛ kɛ̀, a gɛɛ dí gɔlɔŋ lé nuu ƃe, kpaa máŋ mi-tãi ƃe Kôrai Ŋɔmɔlêŋ è ǹɛ díkponôi tãi dí kɛ̀ Kôrai ŋɔmɛni-soli-kaai maa-mɛni ƃôi la nàa tuɛ da volo-laai pâi lɛ̂i naa pôlui.

Pitɛ Maa-ŋuŋ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

M̀ɛni-lɛɛi 22:20

Ǹúui a m̀ɛni-ŋai ŋí maa-sere-faa kɛ̀i, a mò, nyɛɛi, “Tɔ̃yâ ma ŋa pâi a maa félaa.” É kɛ́ tí. Pá, Kúnuu-namui Zîsɛ!

M̀ɛni-lɛɛi 22:7

Zîsɛ è mò ǹyɛɛi, “Gáa, ŋa pâi a maa félaa.” Lûwa káa ǹúui ḿâ a ŋ̀óo-ŋai díkaa gɔlɔi ŋí sui dímɛni-lɛɛi lâai kɛ̀i.