Felepiɛŋ 4:20 - Ŋ̀âla Kɔlɔ Maa Waai

²⁰ Fólo-laa é kɛ́ Káɣâlai ma, nyíi gáa a Kúnâŋ wɔlɔ-wɔlɔ da wɔlɔ-wɔlɔ. É kɛ́ tí.

Felepiɛŋ 4:20 ပူးပေါင်းရင်းမြစ်များ

Wule-woo-ŋa 115:1

Yâwɛɛ, laa maa tɛ̂ fé kúmɛni ma, fɛ̂ɛ nɔ́ yá tɔnɔ kpéŋ. M̀ɛni ma, fɛ̂ɛ kú ífolo-laai mɛni ƃó, íwɔlɔ-wɔlɔ wɛli kɛ-maai, da íteniŋ ƃô-laai.

Wule-woo-ŋa 72:19

Lûwa é kɛ́ ŋɔláa kɛ́tɛi ma wɔ́lɔ-wɔlɔ da wɔlɔ-wɔlɔ. Tɔɔ ŋɔfólo-laai é ǹɔii láa fɛ́ɛ. É kɛ́ tí. É kɛ́ tí.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Maafîu 6:9

Mɛni ma, ka Ɣâla fɛli a bere sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Lomaŋ 11:36

Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Lomaŋ 16:27

Laa-maa-tɛ̂ é tɛ́ɛ dáre Ɣala tɔnɔi pɔ́ wɔ́lɔ-wɔlɔ da wɔ́lɔ-wɔlɔ Zîsɛ Kôrai sârai! É kɛ́ tí.

Ifisiɛŋ 3:21

maa-nûui tí ƃé vólo-laai é tɛ́ɛ bɔ́ Kôrai tóli-kpɔŋ su da Zîsɛ Kôrai núu kélee mɛni ma wɔ́lɔ-wɔlɔ da wɔlɔ-wɔlɔ. É kɛ́ tí.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 4:23

Kúnuu-namui Zîsɛ Kôrai ŋɔƃɛlɛ-sêei é kɛ́ kámɔlêŋ kɔlɛ.

Temete Maa-ŋuŋ 1:17

Ŋwɔlɔ-wɔlɔ Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Zûu 1:25

fólo-laa, kɛ́tɛ-laa, da kpanaŋ-laa, é pɛ́lɛ wala-wala-laa ma dí kɛ́ Ŋ̀âla tɔnɔi ma tãi kélee tuɛ da tãi ŋí su, é pɛ́lɛ wɔlɔ-wɔlɔ ma, Ŋ̀âla tɔnɔi nyíi gáa a Kúƃalo-nuui Kúnuu-namui Zîsɛ Kôrai sarâi. É kɛ́ ti.

M̀ɛni-lɛɛi 1:6

nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, fólo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

M̀ɛni-lɛɛi 11:13

Maa aƃai tí, ǹɔii è kpɛ̃liŋ kpɔ́ a gɛ́tɛ, daa-leei kwaa kuro ma é pú zu. Núu wála lɔ́ɔlu mɛi feerɛ (7,000) dí sàa ǹɔii kpɛ̃liŋɔɔi ŋí su. Ǹúu gbeli-ŋai dí yao kpɔ́ a ŋ̀ánaa dí Ŋ̀âla-taa-Ɣalai ŋɔfólo-laai maa tɛ́.

M̀ɛni-lɛɛi 14:7

È mò a ŋ̀óo su kɛ́tɛ, nyɛɛi, “Ka yao Ɣâla ma ka fólo-laa tɛɛ bɔ̀, kpɛ́ni fêi, ŋɔmɛni-ŋa tée-tãi a pá. Ka ǹúui fɛ́li nyíi Ɣâla-taa kpɛ̂tɛ da ǹɔii, da ǹyúoi, é pɛ́lɛ ǹyá-pɛlɛ ŋai diai.”

M̀ɛni-lɛɛi 5:12

Dí kɛ̀ m̀ôi a díwoo su kɛ́tɛ, díyɛɛi, “M̀ála-loŋ dí bàai, maa nɛ̃ɛ̂i a gɛɛ é wala-wala sɔlɔ ƃó, tɔɔ-laa, táre, ƃaa-kɛ-maa, fólo-laa, é pɛlɛ lûwa ma!”

M̀ɛni-lɛɛi 7:12

díyɛɛi, “É kɛ́ tí! Lûwa, fólo-laa, táre, sɛɣɛ-féi, ƃaa-kɛ-maa, wala-wala-laa da kpanaŋ-laa dí kɛ̀ Kúɣâlai ma wɔ́lɔ-wɔlɔ da wɔlɔ-wɔlɔ! É kɛ́ tí.”