Felepiɛŋ 4:19 - Ŋ̀âla Kɔlɔ Maa Waai

¹⁹ Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Felepiɛŋ 4:19 ပူးပေါင်းရင်းမြစ်များ

Zɛnɛse 48:15

È lûwa làa Zosɛ ma ǹyɛɛi, “Ŋ̀âlai nyii ńâŋ Eberaɣɛ̃ɛ da Aise dí sìa dúɛi, Ŋ̀âlai nyii a ŋáfulu-laai téniŋ tɔ́ɔ a lɛɛ la zu tãi ŋí a serii,

Samia Veerɛi 22:7

Ŋà kɛ̀ mɛni kpɔ̂lu sui, ŋá Yâwɛɛ tòli. Ŋá Ŋáɣâlai tôli a gɛ́ɛ é kpɔ́ŋ ḿâ. È lɛ̀ɛ ŋɔpɛ́rɛi mu é ŋ́oo mɛni. È ŋ̀óli tɔ̀ɔ ŋ́wɔlɔ-woo mà é kpɔ́ŋ ma.

Kɔlɔnikɔ Veerɛi 18:13

Kɛ́lɛ Mikâya è ŋ̀oo su tòo ǹyɛɛ mai, “Tɔ̃yâ kpîŋ ma, ŋa ḿvôoi Yâwɛɛ ŋɛ́i, mɛnii nɔ́ Ɣâla a pâi môi, nya nɔ́ ƃé ŋa pâi môi mà.”

Kɔlɔnikɔ Veerɛi 31:8

Tãi Ɛsekaya da naa tii kɛ́ lɔii ƃelai dí pá la dí zãai ŋí kaai, dí Yâwɛɛ láa maa tɛ dí lûwa too ŋɔnûai Eezuɛ-ƃelai dîa.

Niɛmaya 5:19

Ŋá Ɣâla fɛ̀li a gɛɛ é lûwa láa ḿâ m̀ɛni-ŋai kélee mɛni ma nyii ŋá kɛ̀ gɛ̂i ǹûai mɛni mai.

Niɛmaya 9:15

“Tãi puru è kɛ̀ dí kɛ̂i lai, í mii-sãâ kùla ŋ̀elei su í dɛ̀ɛ dípɔ. Tãi kpele wɛ̂li è kɛ̀ dí kɛ̂i lai, í yá kùla kɔni su í dɛ̀ɛ dípɔ. Í mò dîa a gɛɛ dí lí dí ǹɔii síɣe nyii í wɔ́lɔ íkono tèe la dínuu pɔ̂lɔ-ŋai yêei, dí a gɛɛ sée naa.

Wule-woo-ŋa 104:24

Óo Yâwɛɛ, í sãa támaa kpɛ̀tɛ. Í gélee kpɛ̀tɛ a táre-pere. Ǹɔii láa fɛ̂ɛi a íkpɛtɛ-sãai.

Wule-woo-ŋa 130:7

Óo Eezuɛ, íkili tɔ́ɔ Yâwɛɛ ma, kpɛ́ni fêi, ŋɔwɔ́lɔ-wɔlɔ wɛli-kɛ-maai káa nɔ́ naa, ǹyaŋ, gbîŋ kpɛtɛ̂ɛi a gɛɛ é núu ŋuŋ maa ƃó.

Wule-woo-ŋa 36:8

Ya kúu kɛ̀ ímaa ŋɔ̃ya-ŋai dîa, mii-sɛŋ támaa a kɛ̂ naa. Gbele-sãai ya dɛ̀ɛ dípɔi, a kɛ́ a nɛ̃ɛ, zu kɛ́tɛ yɛ̂ɛ ya-lee.

Wule-woo-ŋa 84:11

Ɣâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

Danîa 6:22

Ŋáɣâlai è ŋɔkélai tɛ̀ɛ é pá é ǹyala-sulu-ŋai lá tɛ́. Díta tɔnɔ kpîŋ fé mɛni da kɛ́ ní a ńyãa. È gɛ̀ tí kpɛ́ni fêi, a tɔ̃yâ káa ŋ́gbonôi. Fé tá mɛni nyɔ́mɔɔ da kɛ́ ní ŋ̀ɛ́i túɛ, fé tá tela mɛni nyɔ́mɔɔ da kɛ́ a yá, óo gâloŋ.”

Maka 7:7

À kɛ̀ a ńyãa, ŋa pâi ŋɛ́i kɛ̂i Yâwɛɛ ma. Ŋa pâi Ɣâla maa kpɛ́nii a kili-kɛ-zu nyii gáa a ŋáƃalo-nuui. Ŋáɣâlai a pâi ŋ́oo mɛnîi.

Malakai 3:10

Ka pá a kákɔ̃liŋ buu-ɣêlei kélee Ŋ̀âla-pɛrɛi Kɛ́tɛi mu, gɛ̀ ní mii-sɛ̂ŋ támaa a pâi kɛ̂i naa. Ka ńzu kɔ̂ɔŋ, ǹyaŋ ka pâi gâai, ŋa pâi Ɣâla-taa wêna-ŋai láa ƃôi ŋá sɛŋ lɛ́lɛɛ sii támaa tɛ́ɛ kápɔ.

Maafîu 6:32

Zãâi ŋí ƃe Zɛ̃tai-ŋai da gɔ́rii. Káɣâla-taa Naŋ è gɔ́lɔŋ a gɛɛ ka zãâi ŋí kélee wɛ̂lii.

Zɔ̂ŋ 20:17

Zîsɛ è mò ma, ǹyɛɛi, “Ífe ńzòŋ, kpɛ́ni fêi, fé niî tɛ́ ní Nàŋ-nuui pɔ́naa. Kɛ́lɛ, lí ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ́naa da Kánâŋ, Ŋáɣâlai pɔ́naa da Káɣâlai.”

Zɔ̂ŋ 20:27

Nya ƃe è mò Tama ma, ǹyɛɛi, “Pá í íyee kpua pîlaŋ ƃɛ í ńyee ŋá káa. Í íyee síɣe í bîlaŋ ḿbɛ̂rɛi. Ífe kɛ́ a ǹúui laa-la fé ǹyêei. Kɛ́lɛ, laa-la é kɛ́ íyeêi.”

Lomaŋ 1:8

M̀aa-ŋuŋ, ŋa Ŋáɣâlai sɛɣɛ̂i fêi kákelee kámɛni ma Zîsɛ Kôrai sârai, kpɛ́ni fêi, kálaa-lai maa-mɛni káa nûa lá ǹɔii su gwaa kélee.

Lomaŋ 11:33

Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Lomaŋ 8:18

Ǹáâi la a gɛ́ɛ lonii-ma mɛni-solii fe máŋ a sɛŋ ku gɔ́ɔ̂ŋ volo-laai ma nyíi pâi lɛ̂i kûai.

Lomaŋ 9:23

E gɛ̀ a gɛ́ɛ e nɛ berei ŋɔfólo-laai kɛ́tɛ̂i la diai mɛni ma e dímalôŋ kàai. E díkpɛtɛ naa-tuɛ folo-laa mɛni ma.

Kɔleŋtiɛŋ Veerɛi 12:21

Ŋ́gaa yáôi a gɛ́ɛ ŋà pà ŋɔ́nɔ Ŋáɣâlai a pâi ḿaa yenîi káŋɛi. Ǹyaŋ tãi da fɛ̂ɛ ŋá wɔ́lɔ diai da sɔnyɔ̂ŋ kɛ́ a maa-ŋuŋ dámaa mɛni ma, nyíi-ŋai dífe niî dípôlu tɔɔ̂ni mɛni-maa-liƃiɛ-ŋa dia, wulu-wulu kɛ́ɛ, da wolii-kpɔlɔ, nyíi-ŋai da m̀aa kɔ́rii.

Kɔleŋtiɛŋ Veerɛi 4:17

Kpɛ́ni fêi, tãi kpuâi ŋí su m̀ɛni-kpɔ̂lu-loŋ a wɔlɔ-wɔlɔ folo-laa kɛ́tɛ kpɛtɛ̂i ká mɛni ma, nyíi gɔ̀ɔŋ-maa fé mai.

Ifisiɛŋ 1:18

a gɛ́ɛ é kákili ŋá pono a gɛ́ɛ ka gɔ́lɔŋ zɛŋ gáa a gíli-kɛ-zui nyíi a kátoli mai da ŋɔfólo-laa pɔɔ-sɛŋ kɛ́tɛi nyíi gáa Ŋ̀âla-ƃelai kponôi,

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sarâi, nyíi zu-kulâi ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Ifisiɛŋ 2:7

È nyíŋi kɛ̀ a gɛ́ɛ tãi pâi pâi é ŋɔƃɛlɛ-sêe su kɛ́tɛi lɛ́ sɔŋ-lɛlɛ-pere su Zîsɛ Kôrai sarâi.

Ifisiɛŋ 3:16

a gɛ́ɛ berei è ŋɔfólo-laai kɛ̂tɛi lai, é kákɛ kákponôi é kpanaŋ a wála-wala-laa núu-kpune kponôi Ŋɔmɔlêŋ sarâi,

Ifisiɛŋ 3:8

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Felepiɛŋ 4:7

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sarâi.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 3:16

Ka Kôrai ŋɔwóoi lɛ́ɛ naa é kɛ́ kálii su a dámaa táre kélee su. Ka sɛŋ lɛ́ kákîe-ni dîa, ka kákîe-ni lia-woo ƃo, wule-woo-ŋa su da Ɣâla-wule-ŋa, kákɛ sɛɣɛi-fei-wule too kálii su Ɣâla ma.

Tɛsɛlôniɛŋ Maa-ŋuŋ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Temete Maa-ŋuŋ 6:17

À kɛ̀ a ŋ̀éniɛi ŋí su tɔɔ-ƃelai, m̀ó dîa a gɛ́ɛ dífe yoŋka tèe, kpaa máŋ dífe díkili-kɛ-zui pu tɔɔ-sãa dîa, nyíi-ŋai núu fa gíli pu dîai, kɛ́lɛ, dí díkili-kɛ-zui pú Ɣâla ma nyíi a sɛŋ kélee tɛ̀ɛ kúpɔ a zu-kɛtɛ a gɛ́ɛ kú kúnîa kɛ́ a diai.

Falemɔŋ 1:4

Tãi ímaa-mɛ̂ni a tôo la ŋ́gili ŋá, Ŋáɣâla fɛliɛ sui, ŋa sɛɣɛ-fêi tɛ̀ɛ Ŋáɣâlai pɔ́ a tãi kélee,

Pitɛ Maa-ŋuŋ 5:1

Mɛni ma ŋa ǹúu-pɔlɔ-ŋai lia-woo ƃôi kásama, ńyãai ŋ́gaa a díƃarâŋ-nuu-pɔlɔ, ŋ́gɛ ƃo ŋɔ́nɔ a Kôrai ŋɔmɛni-soli-kaai maa-sere da vólo-laai pâi lɛ̂i da sɔlɔ ƃo-nuui.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.