Felepiɛŋ 4:18 - Ŋ̀âla Kɔlɔ Maa Waai

¹⁸ Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Felepiɛŋ 4:18 ပူးပေါင်းရင်းမြစ်များ

Ɛsedɔ 29:18

Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Nɔŋba 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kákono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Zia-ƃelai Kɛ́-mɛni-ŋai 10:4

Kɔniliɔ kɛ́ɛ a Ŋ̀âla-taa kelai kaai, è yào, ǹyɛɛi, “Lé ƃe, Kúnuu-namui?” Ŋ̀âla-taa kelai ǹyɛɛ mài, “Íɣâlai a ífɛli-wooi mɛni da íkpɔŋ-maai kɛ́ pere maa mɛni. A gbɛtɛ a gɛ́ɛ é íwoo su too.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Kɔleŋtiɛŋ Veerɛi 11:8

Ŋa ŋuma kɛ̀ Kôrai-toli-kpɔŋ da kpɛni-ŋai dîa a díkɛ ḿve fé ŋ́gɛ tíi kɛ́ kâa.

Kɔleŋtiɛŋ Veerɛi 9:12

kpɛ́ni fêi, kátii ŋí kɛ́ɛ su, káfe sɛŋ tɛɛ̂i nɔ́ nyíi Ŋ̀âla-ƃelai da ŋ̀wɛlii, kɛ́lɛ, kákaa máŋ tíi támaa kɛ̂i a gɛ́ɛ dí sɛɣɛi-fei támaa tɛ́ɛ Ɣâla pɔ́.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Felepiɛŋ 4:12

Ŋa berei kɔlɔŋ ŋa pɔ̂ri ŋ́gbîŋ maa yenîi lai. Ŋa berei kɔlɔŋ ŋa pɔ̂ri sɛŋ támaa sɔlɔ ƃôi lai. Pere sii kélee su ŋa táre kɔlɔŋ berei ŋa pɔ̂ri pelâi la da berei ŋa puru siɣêi la, berei ŋa pɔ̂ri sɛŋ támaa sɔlɔ ƃo la da berei ŋa pɔ̂ri kɛ̂i la a kôlo-nuui.

Tɛsɛlôniɛŋ Veerɛi 1:3

Ŋánûa, fɛ̂ɛ nɔ́ kú sɛɣɛi-fei tɛɛ Ɣâla pɔ́ a ɣele kélee ká mɛni ma, yɛ̂ɛ berei maa nɛ̃ɛ̂i kú gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Ibulu 13:16

Káfii fé kpɛ̀ɛ a mɛni lɛ́lɛɛ kɛ́ɛ da zɛŋ gáa káyêei da tɛɛ nûa pɔ́ mɛni, kpɛ́ni fêi zâla sii-ŋai tí a Ɣâla líi làa.

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.