Felepiɛŋ 4:17 - Ŋ̀âla Kɔlɔ Maa Waai

¹⁷ Zu-kulâi fa a gɛ́ɛ ŋa sama-sɛŋ kɔ́rîi. Kɛ́lɛ, ńii lâai zɛŋ mɛni ma Ɣâla a pâi dɛɛ̂i kápɔ zama-sɛŋ mɛni mai.

Felepiɛŋ 4:17 ပူးပေါင်းရင်းမြစ်များ

Táre-woo-ŋa 19:17

Ƃà kôlo-nuu malôŋ kàa, ƃa kpa pili Ɣâla Yâwɛɛ ma, ǹyaŋ Ɣâla Yâwɛɛ a pâi íkpai kulâi.

Maka 7:1

Ŋátii kɛ́ɛi kélee káa kpɛ́ni-kpɛni! Ŋ́gaa yɛ̂ɛ puru-nuu nyii va ŋɔsí-sɛŋ wuru-ŋai da ƃá ka ŋá, da ŋɔkpɔmɔ-kpalaŋ-ŋai. Gélee ƃá a kpɛ́ɛ ŋ̀á. Ŋa ŋ̀wɛ̂lii a gɛɛ ŋáfii-wurui ƃá da mii kɛlɛ m̀á fé ŋ̀á.

Malakai 1:10

Ŋ̀wála-wâla kélee Yâwɛɛ ǹyɛɛi, “Eî kɛ̀ núu da káa kásama a gɛɛ é Ŋ̀âla-pɛrɛ Kɛ́tɛi ŋɔkpôŋ-ŋai kélee láa tɛ́ a gɛɛ kafa lâa ŋɔŋ kpɛ́ni-kpɛni too la ŋáteƃelei ŋa. Ńii fé láa ní káyêei. Fé pâi ńyee seêi zama sã̂ai mu ka pâ la ḿbɔi.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Lomaŋ 15:28

Mɛni ma tãi ŋà nyíŋi kpɛ̀ɛ la, ŋá zɛŋ-kaoi tɛ́ɛ dípɔ Zɛ̃tai-ŋai dí bu gîe mai, ŋa pâi tɛɛ̂i a kápɔ naa-pere ŋá lí Sipîŋ;

Kɔleŋtiɛŋ Veerɛi 11:16

Ŋa nyíŋi ƃôi ŋɔ́nɔ, núu da fé ńziɣe a ƃoo-nuu. Kɛ́lɛ, à kɛ̀ kà ńziɣe máŋ a ƃoo-nuu, gɛ̀ ní ka ńziɣe la a gɛ́ɛ ńyãa máŋ ŋa yoŋka tée a guro.

Kɔleŋtiɛŋ Veerɛi 9:5

Mɛni ma ŋá ŋ́gili ŋá sîa a gɛ́ɛ gáa a mɛni lɛ́lɛɛ ŋá kúƃarâai lia-woo ƃo a gɛ́ɛ dí pa kápɔ naa ńduɛ a gɛ́ɛ zama-sɛŋ ka maa-kono-tèe kɛ̀i, ká maa-mɛni su kpɛtɛ nàa tuɛ a gɛ́ɛ maa-mɛni su fé kpɛ́tɛ a wála-wala-laa, kɛ́lɛ, é kɛ́ a sama-sɛŋ nyíi ká kùla kálii sui.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 4:11

Fé ŋ̀wɛ̂lii ŋa mɛni da kélee ƃo é pîlaŋ sɛŋ nyíi kélee ma ŋa ŋ̀wɛ̂lii. Kpɛ́ni fêi, ŋá nâa gɔ́lɔŋ a gɛ́ɛ à nɛ̀ɛ ma ŋ́gɛ-pere é kɛ́ leŋ, ńii lâai.

Tɛsɛlôniɛŋ Maa-ŋuŋ 2:5

Ka gɔ́lɔŋ a gɛ́ɛ kúfe niî la-nɛ̃ɛ maa-woo-ŋa ƃo ni, kpaa máŋ sɛŋ-maa-lii-teɛɛ mɛi-pɛlɛ woo-ŋa yɛ̂ɛ berei Ɣâla káa la a maa-serei.

Temete Maa-ŋuŋ 3:3

Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Temete Maa-ŋuŋ 6:10

Kpɛ́ni fêi, sɛŋ-kao wɛ́liɛɛ káa a sɔnyɔ̂ŋ sii kélee same. Zɛŋ wɛli sii ŋí ƃa gɛ́ núu da-ni da kúla naa-lai ma, maloŋ-mɛni támaa a dílii láa fɛ́ɛ.

Taitɔ 1:7

Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii fãa goi nûu, kpaa máŋ lɔ̂ɔ-kpele-nuu, kpaa máŋ namu-kɔ́-nuu, kpaa máŋ sɛŋ kao wɛ̂li-nuu.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Ibulu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naɣînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Pitɛ Maa-ŋuŋ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Pitɛ Veerɛi 2:15

Da díyee kúla dɔ̃yâ-perei mu da láŋ. Da pîlaŋ Beɔ ǹóŋ Bâlaŋ ŋɔperei pôlu, nyíi a ŋ̀wɛ̂lii é mɛni nyɔ́mɔɔ-kɛɛ zɔ̃ɔ sɔlɔ ƃói.

Pitɛ Veerɛi 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Bâlaŋ. Dí tɔ̀ɔ mà yɛ̂ɛ berei Koa è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.