Felepiɛŋ 4:14 - Ŋ̀âla Kɔlɔ Maa Waai

¹⁴ Kɛ́lɛ, ka sɔŋ-lɛlɛ kɛ̀ a gɛ́ɛ kwa kâa-ni kú ŋámɛni-kpɔ̂lui siɣe.

Felepiɛŋ 4:14 ပူးပေါင်းရင်းမြစ်များ

Kâloŋ Maa-ŋuŋ 8:18

Kɛ́lɛ Yâwɛɛ è mò ńâŋ Deeƃé ma ǹyɛɛi, ‘Í gbɛ̀tɛ ílii su a gɛ́ɛ í Ɣâla-pɛrɛ kɛ́tɛ tɔ́ɔ ńaa ma. Mɛni lɛ́lɛɛ ká tí í gbɛtɛi.

Kɔlɔnikɔ Veerɛi 6:8

Kɛ́lɛ Yâwɛɛ è mo ńâŋ Deeƃé ma ǹyɛɛi, ‘Í gɛ̀ a ǹɛ́lɛɛ a gɛ́ɛ í gbɛ̀tɛ íkili ŋá a gɛ́ɛ í pɛ́rɛ tɔ́ɔ mî.

Maafîu 25:21

Nya ƃe ŋɔnuu-namui è mò m̀a, ǹyɛɛi, ‘Í gɛ̀ a ǹɛ́lɛɛ, íkaa a yée-mu-nuu sãa lɛ́lɛɛ. Ya tûa sãa kɛ́ sɛŋ-loŋ mɛi. Ŋa pâi íseêi sãâ támaa mɛi. Lɔ́ ínuu-namui ŋɔlii-nɛ̃ɛ su.’

Lomaŋ 15:27

Dí gɛ̀ lii-laa su, ǹyaŋ Zerusâlɛŋ-ƃelai díkpa káa Zɛ̃tai-ŋai dîa a tɔ̃yâ. Kpɛ́ni fêi, à kɛ̀ Zɛ̃tai-ŋai da pá a gɛ́ɛ dí dílûwai da sɔlɔ ƃo nyíi kula M̀ɔlêŋ Maa Waai yêei, gɛ̀ ní dîa máŋ fɛ̂ɛ dí kpɔŋ dîa a ŋ̀éniɛi ŋí su-lûwai.

Galesiɛŋ 6:6

Kɛ́lɛ, tɔɔ ǹúui da ŋ̀óoi lɛ̀ mai, é mɛni lɛ́lɛɛ-ŋai kélee ƃó zɛŋ-lɛ-nuui ma.

Felepiɛŋ 1:7

Ǹɛ́lɛɛ̂i kámaa-mɛni kíli é tóo ŋá kákelee, kpɛ́ni fêi, kákaa ńii su, kwa kâa-ni kú ƃo a m̀ɛlɛ-seei sɔlɔ ƃo-ƃela, ŋ́gɛɛ máŋ kpini-pɛrɛ mui, da ńdɔɔ Duŋ Lɛ́lɛɛi mɛni ma é pɛ́lɛ ŋɔtɔ̃yâi mai.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Temete Maa-ŋuŋ 6:18

Fɛ̂ɛ dí mɛni lɛ́lɛɛ kɛ́, dí kɛ́ a tɔɔ-ƃela tua-pere lɛ́lɛɛ su, díyee é kɛ́ a voaŋɔɔ dîa sɛŋ kɔlɛɛ su.

Ibulu 10:33

Tãi da, da ká tɔɔi bànaŋ ma dí ŋumɛ-tua kɛ́ a káa dí mɛni-kpɔ̂lu láa kâa. Tãi da diai da dua-tarei tí kɛ̀ a diai, ka kpɔ̂ŋ dîa ká dímɛni-kpɔ̂lui da siɣe.

Ibulu 10:34

Kpɛ́ni fêi, maloŋ-kaa è kɛ̀ káyêei ǹuɛ-ŋai mɛni ma, ǹyaŋ ká káyee sèe mu a lii-nɛ̃ɛ a gɛɛ dí kákɔ̂liŋ kúla káyêei, kpɛ́ni fêi, ká kɛ̀ a gɔ́lɔŋɔɔ a gɛɛ kɔ̃liŋ lɛ́lɛɛ káa káyêei nyíi gáa nɔ́ naa wɔlɔ-wɔlɔ da wɔlɔ-wɔlɔi.

Ibulu 13:16

Káfii fé kpɛ̀ɛ a mɛni lɛ́lɛɛ kɛ́ɛ da zɛŋ gáa káyêei da tɛɛ nûa pɔ́ mɛni, kpɛ́ni fêi zâla sii-ŋai tí a Ɣâla líi làa.

M̀ɛni-lɛɛi 1:9

Ńyãa Zɔ̂ŋ, ńyãai ŋ́gaa a káƃarâŋ, ńyãai kwa kâa-ni kwa mɛni-kpɔlu kàa Zîsɛ kponôi, kwa kâa-ni kú Ŋ̀âla-taa kâloŋ laai sɔlɔ ƃo gîe-ma da nii-kpelei gáa kúyêei, dí ńdɛ̀ɛ tîŋ tɔnɔ su da dòli a Pamɔɔi, kpɛ́ni fêi, ŋá Ɣâla wóo ƃò ŋá Zîsɛ maa-sere-faa kɛ́.