Felepiɛŋ 4:11 - Ŋ̀âla Kɔlɔ Maa Waai

¹¹ Fé ŋ̀wɛ̂lii ŋa mɛni da kélee ƃo é pîlaŋ sɛŋ nyíi kélee ma ŋa ŋ̀wɛ̂lii. Kpɛ́ni fêi, ŋá nâa gɔ́lɔŋ a gɛ́ɛ à nɛ̀ɛ ma ŋ́gɛ-pere é kɛ́ leŋ, ńii lâai.

Felepiɛŋ 4:11 ပူးပေါင်းရင်းမြစ်များ

Zɛnɛse 28:20

Nya ƃe Zeeka è góno tèe ǹyɛɛi, “À kɛ̀ Ɣâla a pâi kɛ̂i ŋ́gɔlɛ é mɛi káa ŋásiai su é mii-sɛŋ tɛ̀ɛ ḿbɔ ŋá mii é seɣe tɛ́ɛ ḿbɔ ŋá doo ḿâ,

Ɛsedɔ 2:21

Mose è nâa pá é gbɛ̀tɛ gíli ŋá a gɛɛ é kɛ́ naa. Nya ƃe Zɛtulo è ǹóŋ-nɛnii Zipola tɛ̀ɛ ƃɔ́ a ŋɔnɛnî.

Lûu 3:14

Gɔkuluƃa-ŋai máŋ dí m̀arê kɛ̀, dîyɛɛi, “Le ƃe fɛ̂ɛ ku gɛ?” Nya ƃe e mò dîa, ǹyɛɛi, “Káfe sɛŋ-kao kula núu da yêei a wôya-pere. Káfe lɛ́ɛ-mɛni pɛlɛ núu da ma. Ka ǹɛɛ naa káfela-fei é kálii láa.”

Kɔleŋtiɛŋ Veerɛi 11:27

Ŋá tíi kpanaŋ támaa kɛ̀, ŋá mɛni-soli támaa káa, ŋá ŋɛi-kpala siɣe a kpini támaa, ŋá puru síɣe da kpele-wɛli, tãi támaa mii-sɛŋ fa kɛ́ naa, ŋá kɔ́lɛ támaa síɣe da seɣe-saa-maa.

Kɔleŋtiɛŋ Veerɛi 6:10

yɛ̂ɛ maloŋ-too-maa, berei máŋ kúkaa lii-nɛ̃ɛ kulâi la a tãi kélee; yɛ̂ɛ kôlo-ƃela, berei máŋ kwa núu támaa tɔɔ̂i lai; yɛ̂ɛ nûa ƃe sɛŋ fé díyêei, berei máŋ sɛŋ kélee káa la a kúpɔɔi.

Kɔleŋtiɛŋ Veerɛi 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Kɔleŋtiɛŋ Veerɛi 9:8

Pɔri káa Ɣâla mì é lûwa-sii kélee tɛɛ kápɔ a zu kɛ́tɛ a gɛ́ɛ sɛŋ kélee é kɛ́ káyêei a dámaa a tãi kélee a gɛ́ɛ ká kpɔŋ-mâa kɛ́ a zu kɛ́tɛ tíi lɛ́lɛɛ kélee mɛni ma.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Ibulu 10:34

Kpɛ́ni fêi, maloŋ-kaa è kɛ̀ káyêei ǹuɛ-ŋai mɛni ma, ǹyaŋ ká káyee sèe mu a lii-nɛ̃ɛ a gɛɛ dí kákɔ̂liŋ kúla káyêei, kpɛ́ni fêi, ká kɛ̀ a gɔ́lɔŋɔɔ a gɛɛ kɔ̃liŋ lɛ́lɛɛ káa káyêei nyíi gáa nɔ́ naa wɔlɔ-wɔlɔ da wɔlɔ-wɔlɔi.