Felepiɛŋ 4:10 - Ŋ̀âla Kɔlɔ Maa Waai

¹⁰ Ǹíi nɛ̃ɛ̂i Kúnuu-namui kponôi a ŋ̀ánaa a gɛ́ɛ gbɛɛ ŋái ka ŋɔ́nɔ kpáaŋ ḿaa-mɛni ma. Tɔ̃yâ ma, ká kɛ̀ a kákpaaŋɔɔ ḿaa-mɛni ma, kɛ́lɛ, pɔ̂ri fé kɛ́ ni kâa.

Felepiɛŋ 4:10 ပူးပေါင်းရင်းမြစ်များ

Kɔlɔnikɔ Veerɛi 31:8

Tãi Ɛsekaya da naa tii kɛ́ lɔii ƃelai dí pá la dí zãai ŋí kaai, dí Yâwɛɛ láa maa tɛ dí lûwa too ŋɔnûai Eezuɛ-ƃelai dîa.

Wule-woo-ŋa 85:6

Gɛ́ kúkponôi é kpanaŋ. Yà gɛ̀ tí, gɛ̀ ní kúai a ínûai kwa pâi kɛ̂i nɔ́ laa maa tɛ̂ tɛɛ̂i ípɔ.

Osia 14:7

Da pâi lenêi pôlu ḿbɔ ŋá dímɛi káa. Da pâi kpɛtɛ̂i yɛ̂ɛ sí-sɛŋ. Dímaa mɛni a pâi kpananîi yɛ̂ɛ ŋwã̂ai gáa Lɛƃanɔŋ-lɔii sui.

Kɔleŋtiɛŋ Veerɛi 11:9

Tãi ŋá kɛ̀ la kákɔlɛi, ŋá sãâ wɛ́li kɛ̀, fé kákpaaŋ ni, kpɛ́ni fêi, zãâi ŋá kɛ̀ ŋ̀wɛ́li kɛ̂i, ḿarâai nyíi-ŋai kùla Masadoniai dí dɛ̀ɛ ḿbɔ. M̀ɛni ma fé kákpaaŋ ni. Ḿve tela pâi kákpaanîi pere sii kélee da su.

Kɔleŋtiɛŋ Veerɛi 6:7

a dɔ̃yâ-wooi, a Ɣâla ŋɔwála-wala-laai; a tɔ̃yâ laa-la ŋɔtii-kɛ-sãa, laa mii yee da kɔɔ yee mɛi mɛni ma;

Galesiɛŋ 6:10

Mɛni ma, tãi pɔ̂ri-mâa káa la kúyêei, kwaa mɛni lɛ́lɛɛ kɛ́ núu kélee mî, é tela kɛ́ a diai díkaa a naa-lai su-ƃela-kpului.

Galesiɛŋ 6:6

Kɛ́lɛ, tɔɔ ǹúui da ŋ̀óoi lɛ̀ mai, é mɛni lɛ́lɛɛ-ŋai kélee ƃó zɛŋ-lɛ-nuui ma.

Felepiɛŋ 1:1

Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Felepiɛŋ 1:3

Tãi kámaa-mɛni a tôo la ŋ́gili ŋái, ŋa sɛɣɛi-fei tɛ̀ɛ Ŋáɣâlai pɔ.

Felepiɛŋ 2:30

Kpɛ́ni fêi, è kɛ̀ pâi saâi Kôrai ŋɔtíi mɛni ma. È ǹɛ̃wo see a sɛɣɛ a gɛ́ɛ é kákpɔŋ-mâai láa fɛ́ɛ ḿɛni ma.