Felepiɛŋ 4:1 - Ŋ̀âla Kɔlɔ Maa Waai

¹ Mɛni ma, ŋánûa, káai ŋa káwɛli ni, ŋ́gɛ ŋ̀wɛli a gɛ́ɛ ŋá kákaâi, ŋálii-nɛ̃ɛi da ŋákâloŋ-bɔrɔi, ka tɔɔ a gbanaŋɔɔ Kúnuu-namui kponôi, ŋáwɛli-kɛ-maa-ƃelai.

Felepiɛŋ 4:1 ပူးပေါင်းရင်းမြစ်များ

Zôo 31:36

Gɛ̀ ní ŋâi pà ǹâai ŋ́garaŋ ŋá, ŋá lí la a gɛɛ núu kélee é gáa. Ŋâi pà ǹɔ̂i ŋ́ûa yɛ̂ɛ kâloŋ-ƃɔrɔ.

Wule-woo-ŋa 125:1

Diai dí kíli tɔɔ̂i Yâwɛɛ mai, díkaa yɛ̂ɛ Zãiyɔŋ yêei, nyii va pɔ̂ri wɔ́lɔ tûmoi, kpaa máŋ é kúla dɔɔ̂i.

Wule-woo-ŋa 27:14

Láa a Yâwɛɛ maa mɛ̂ni. Kili kɛ-zu é kɛ́ íyêei, ílii fé tòo pôlu. Ye ílii kpéle í m̀aa kpɛ́ŋ.

Maafîu 10:22

Ǹyaŋ núu kélee a pâi kákpɔarâi ńaai mɛni ma. Kɛ́lɛ, ǹúui a ǹíi kpèle é lɛ́ɛ la zu gbɛɛ-ŋai é serii, a pâi ƃálôi.

Zɔ̂ŋ 8:31

Zîsɛ e mò Zûu-ŋai dia, diai dí làa lai, ǹyɛɛ dîa, “À kɛ̀ kà lɛ̀ɛ ŋ́ooi su kákaa a ŋápôlu-ƃela kpîŋ.

Zia-ƃelai Kɛ́-mɛni-ŋai 11:23

Báa kɛ̀ naai, m̀ɛni lɛ́lɛɛ-ŋai Ɣâla è gɛ̀ naa ǹûai dîɛi è ǹaa kàa, ǹíi é nɛ̃ɛ. È dília-woo ƃò a gɛ́ɛ dí fɔlɔ-fɔlɔ dílaa-lai su Kúnuu-namui mɛni ma.

Zia-ƃelai Kɛ́-mɛni-ŋai 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Zia-ƃelai Kɛ́-mɛni-ŋai 2:42

Dí dítãi dámaa pù sɛŋ maa kɔ́riɛɛ su zia-ƃelai yée mu. Da dia-ni díkɛ̀ díkîe ma dí ɣala fɛli gîe ma díkɛ dílaa mii gîe ma.

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Kɔleŋtiɛŋ Maa-ŋuŋ 16:13

Ka kámɛi káa, ká tɔ́ɔ a gbanaŋɔɔ kálaa-lai su, lii-kpele é kɛ́ káyêei, kákponôi é kpanaŋ.

Kɔleŋtiɛŋ Veerɛi 1:14

yɛ̂ɛ berei ka táre la zu a gɛ́ɛ kálii é kɛ́ a nɛ̃ɛ kúmɛni ma Zîsɛ Kôrai ŋɔɣelei ma, yɛ̂ɛ berei kúlii a pâi kɛ̂i la a nɛ̃ɛ kámɛni mai.

Galesiɛŋ 5:1

Ŋuŋ-ma-ƃo-mɛni ma, Kôrai è kúŋuŋ ma ƃò; mɛni ma ka tɔɔ a gbanaŋɔɔ, káfè kɛ̀ ŋɔ́nɔ luɛ-laa ŋɔkpîri wuyɛ̂ɛi mu.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Felepiɛŋ 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Felepiɛŋ 2:16

Ka vulu-laa-wooi sóŋ a gbanaŋɔɔ, a gɛ́ɛ tãi Kôrai ŋɔɣelei a seri lai, ŋá kɛ́ a ńii nɛ̃ɛ a gɛ́ɛ fé kîrɛ sìɣe ni kpɛni, kpaa máŋ fé tíi kɛ́ ni kpɛni.

Felepiɛŋ 2:26

Kpɛ́ni fêi, è kɛ̀ ŋ̀wɛ̂lii é kákelee kákaa kpɔ́ a maa félaa, ǹyaŋ mɛni-kpɔ̂lu è kùla ma, kpɛ́ni fêi, ká mɛ̀ni a gɛ́ɛ è kɛ̀ kɔ́lɛ̂i.

Kolasiɛŋ 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài è fàa kâa. Gáa tɔɔ̂ni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ká tɔ́ɔ kpɔ́ a gbanaŋɔɔ ká Ɣâla nîa-mɛnii kélee kɔlɔŋ a ǹɛ́lɛɛ.

Tɛsɛlôniɛŋ Maa-ŋuŋ 3:13

a gɛ́ɛ é kálii su kpanaŋ kámaa é wáa kásɔŋ fè kɛ̀ kâa Kúnâŋ Ɣâla ŋɛi a tãi Kúnuu-namui Zîsɛ da ŋɔnûai da kɛ̂ pâi lai.

Tɛsɛlôniɛŋ Veerɛi 2:15

Mɛni ma, ŋánûa, ka tɔɔ a gbanaŋɔɔ ká zɛŋ-lɛɛi sóŋ a gbanaŋɔɔ nyíi kú dɛ̀ɛ kápɔ kúlono-wooi su kpaa máŋ kɔlɔ-pɔ̃yɛɛ sui.

Temete Veerɛi 2:1

Gɛ̀ ní ńoŋ, íkponôi é kpanaŋ m̀ɛlɛ-sêei su gáa Zîsɛ Kôrai kponôi,

Ibulu 10:23

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Ibulu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sôŋ a gbanaŋɔɔ é seri gɔ̃yɛŋ ma.

Ibulu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Pitɛ Veerɛi 3:17

Mɛni ma, ŋáwɛli-kɛ-maa ƃelai, yɛ̂ɛ berei ká nyíŋi kɔ́lɔŋ la nàa tuɛi, ka kámɛi káa, à wàla kɛ̀ tí ŋ̀wana-lɔ̂ɔ-ƃelai dítûa-pere nyɔŋ a pâi kákulâi berei ma é kákili-tɔɔ maa tɔnɔi láŋ káyêei.