Felepiɛŋ 3:9 - Ŋ̀âla Kɔlɔ Maa Waai

⁹ Ŋa ŋ̀wɛ̂lii ŋá kɛ́ gbonôi, a gɛ́ɛ ŋ́gbîŋ tɔ̃yâ laa-la fé kɛ̀ ńyêei nyíi kula dɔ̂ŋ sui. Kɛ́lɛ, fɛ̂ɛ dɔ̃yâ-laai nyíi gáa Kôrai kponôi laa-la sarâi. Gáa a dɔ̃yâ-laai kúla Ɣâla yêei nyíi kúla laa-la sui,

Felepiɛŋ 3:9 ပူးပေါင်းရင်းမြစ်များ

Zɛnɛse 7:23

È sɛŋ kélee su kâra, núu-kpune, fɛnɛ-sãa, tɔara sãa da ŋɔni-ŋai. Nôa da nyii-ŋai kɛ̀ géleŋ sui dîa nɔ́ ƃé lɛ̀ɛ.

Kâloŋ Maa-ŋuŋ 8:46

“Berei máŋ núu kélee sɔŋ ƃa la sɔnyɔ̂ŋ, à kɛ̀ ǹûai ŋí da sɔnyɔ̂ŋ kɛ̀ a yá ílii a ŋwàna dîa, ífaa ma a gɛ́ɛ díkpɔara-ƃelai dí díyee mɛi ɣále, nyii-ŋai da lí a dia luɛ-laa su ŋɔ̃ya lɔii su, kwa kóyaa ma kpaa máŋ díkɔlɛ ma ǹɔii da su,

Kɔlɔnikɔ Veerɛi 32:25

Kɛ́lɛ Ɛsekaya è nâa yoŋka tèe ǹíi su vé ǹyée see ní m̀ɛni lɛ́lɛɛi tí mu. Ɣâla è ǹíi ŋwàna ma da Zuda, é pɛ́lɛ Zerusâlɛŋ-ƃelai dîa.

Kɔlɔnikɔ Veerɛi 32:31

Kɛ́lɛ tãi ǹaa-kaa kɛ́ ƃelai dí kula la Babelɔŋ dí pà bɔ-naa dímarê kɛ́ é pîlaŋ ŋ̀ɛi-kɛ-maa kɛ́tɛi mɛni ma ǹɔii sui, Ɣâla è ǹɛɛ zukɔ̂ɔŋ ŋí su a gɛ́ɛ é m̀ɛnii kélee kɔ́lɔŋ nyíi kɛ̀ ǹíi sui.

Wule-woo-ŋa 14:3

Díkelee da kula Ɣâla ŋɔpere sãai ma, da wôya mɛni tee-tee pú díŋuŋ su. Ɣâla nîa mɛni kɛ́ nuu tɔnɔ kpîŋ fé dísama. Vé tí a dɔnɔ kpîŋ.

Wule-woo-ŋa 143:2

Ífe lì a íyee-mu-nuui mɛni sâa ƃóɔɔ su, kpɛ́ni-fei núu da maa fé waa ní íŋɛi.

Wule-woo-ŋa 19:12

Núu da fa gbîŋ ŋɔpɔara maai kâa. Yâwɛɛ, ŋ́uŋ ma ƃó í ŋ́gula loo mɛni nyɔ́mɔɔ-ŋa kɛ́ɛ su.

Ikilisiati 7:20

Núu da fé ɣéniɛ nyii deniŋ ƃôɔi nyii va pɔara mâa kɛ̀.

Azaya 46:13

Ŋa pâi káŋuŋ ma ƃôi a maa félaa. Ǹaa su fé ŋɔ́nɔ kôyaa ní. Sɛŋ da fa pɔ̂ri káŋuŋ ma ƃó mɛnii kperâi. Ŋa pâi Zerusâlɛŋ ŋuŋ ma ƃôi, ŋá Eezuɛ mu-wuyɛ.”

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Azaya 6:5

Nya ƃe ŋá mò ńyɛɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Zɛlemaya 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dòli a, ‘Yâwɛɛ ƃa kúƃalo-laai.’ ”

Zɛlemaya 33:16

Ǹûai díkaa Zuda da Zerusâlɛŋ da pâi ŋuŋ ma ƃô sɔlɔ ƃôi. Núu da fé ŋɔ́nɔ pâi dímaa yaôi. À kɛ̀ tí, da pâi daa lêei tôlii a ‘Yâwɛɛ ƃa tɔ̃yâ-laa tɛ̀ɛ kú pɔ́.’

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Maafîu 9:13

Ka lí ká nyiŋi su-kulâi maa kɔ́ri, ‘Ŋa malôŋ-kaa wɛlii, kɛ́lɛ, sâla kúla fêi.’ Fe pa ni a gɛɛ ŋa tɔ̃yâ-ƃela toli fɛ̂ɛ sɔnyɔ̂ŋ-ƃela.”

Lomaŋ 1:17

Duŋ Lɛ́lɛɛi su ƃé Ɣâla a ŋɔtɔ̃yâ laa-lai lɛ̂ la nûa dîa laa-la sârai mɛni ma, yɛ̂ɛ berei bɔ̃yɛɛ̂i lai, “Dɔ̃yâ-nuui a pâi kɛ-ɣeniɛi kɛ̂i laa-la sârai.”

Lomaŋ 10:10

Kpɛ́ni fêi, laa-la káa núu líi su, à kɛ̀ ti gɛ̀ ní da maa-nuui ti tòli a tɔ̃yâ-nuu, ǹyaŋ à maa-mɛni kùla ǹá à mò, gɛ̀ ní a ƃálo.

Lomaŋ 16:7

Ka kála tí Ɛŋdulonikɔ ma da Zûnia, nyíi-ŋai díkaa a ŋánûai. Dí kɛ̀ a ḿarâa kpini-pɛrɛ mu ƃela. Díkaa a nûa kpaya-kpaya zia-ƃelai sama. Dí kɛ̀ a Kôrai-ƃela ńduɛ.

Lomaŋ 5:21

Yɛ̂ɛ berei sɔnyɔ̂ŋ a saa kɛ̂ la núu kélee pôlui, bere nɔ́ ƃe máŋ m̀ɛlɛ-seei a tíi kɛ̀ la tɔ̃yâ laa-la sârai wɔ́lɔ-wɔlɔ fulu-laa mɛni ma Kúnuu-namui Zîsɛ Kôrai sârai.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galesiɛŋ 2:16

é máŋ kɛ́ ti kú gɔ́lɔŋ a gɛ́ɛ núu fa kɛ̂ a tɔ̃yâ-nuu dɔ̂ŋ ŋɔtíi sarâi, kɛ́lɛ, núu a kɛ̂ a tɔ̃yâ-nuu laa-la salâi Kôrai kponôi. Kú làa máŋ a Zîsɛ Kôrai a gɛ́ɛ kú kɛ́ a tɔ̃yâ-ƃela laa-la sarâi Kôrai kponôi, kɛ́lɛ, dɔ̂ŋ ŋɔtíi kɛ́ɛ fei, kpɛ́ni fêi, núu da kélee fa kɛ̂ a tɔ̃yâ-nuu dɔ̂ŋ ŋɔtíi kɛ́ɛ sarâi.

Dutɛrɔnome 27:26

“ ‘Náɣaŋ káa ǹúui ma va dɔ̂ŋ-ŋai ŋí mɛi kâai.’ “Ǹûai kélee da pâi m̀ôi dîyɛɛi, ‘É kɛ́ tí.’

Felepiɛŋ 3:6

À kɛ̀ a ŋátii kɛ-pere su, ŋá kɛ̀ a Kôrai-toli-kpɔŋ kpɔara-nuu. À kɛ̀ a tɔ̃yâ laa-la yɛ̂ɛ berei dɔ̂ŋ káa lai, ńzɔŋ fe kɛ́ ni má.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Ibulu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísarâi nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Zĩi 3:2

Kúkelee kwa pɔara-mâa támaa kɛ̀, ǹyaŋ ǹúui va pɔara-mâa kɛ̀ ǹóno-woo sui, maa-nuui maa waâi. Pɔ̂ri káa mì a gɛɛ é gbonoi kélee mɛi káa máŋ.

Pitɛ Veerɛi 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛɛi dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Zɔ̂ŋ Maa-ŋuŋ 3:4

Ǹúui kélee a sɔnyɔ̂ŋ kɛ̀i, a dɔ̂ŋ kara. Sɔnyɔ̂ŋ káa a tɔ̂ŋ-karaa.