Felepiɛŋ 3:3 - Ŋ̀âla Kɔlɔ Maa Waai

³ Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Felepiɛŋ 3:3 ပူးပေါင်းရင်းမြစ်များ

Wule-woo-ŋa 105:3

Ka lii-nɛ̃ɛ kula kpɛ́ni fêi kúkaa a bɔɔ. Tɔɔ diai kélee da vɛlii, dílii-nɛ̃ɛ kula.

Azaya 45:25

Ńyãa Yâwɛɛ, ŋa pâi gɛ̂i Eezuɛ é ǹɔii-ŋûŋ-ŋai kélee pú gɔ́ɔ mu, a gɛ́ɛ Eezuɛ é ńaa maa tɛ́.”

Zɛlemaya 4:4

Ka kákili tɔ́ɔ ńyãai ŋ́gaa a Yâwɛɛ ḿâ. Káfe kálii su kpànaŋ ḿberêi. Káai a Zuda da Zerusâlɛŋ-ƃelai, ka kákpîŋ tɛɛ ḿbɔ. À wàla kɛ́ tí, ŋá líi ŋwânai a pâi kákerenîi yɛ̂ɛ ŋɔŋ nyíi núu da fa pɔ̂ri ǹiinî, zɔnyɔ̂ŋ ká kɛ̀ gɛ̂i, mɛ̂ni ma”

Malakai 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Lomaŋ 1:9

Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su.

Lomaŋ 15:17

Gɛ̀ ní, sâpo káa ńyêei Zîsɛ Kôrai kponôi a gɛ́ɛ ńii é nɛ̃ɛ ŋɔtíi mɛni ma Ɣâla mi.

Lomaŋ 7:6

Kɛ́lɛ, kúŋuŋ ma ƃóɔi nâa dɔ̂ŋ yêei. Kúloai téɛɛ̂i nâa kwa sɛŋ nyíi a kúkɛ̀ ku kɛ́ a luɛ-ŋai. Mɛni ma kúkaa a luɛ-ŋa bere ninai su, nya ƃa M̀ɔlêŋ ŋɔperei. Kúfe a luɛ-ŋa bere pɔlɔi su, nya ƃa kúfe a luɛ-ŋa dɔ̂ŋ yée mu nyíi bɔ̃yɛɛ̂i.

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Lomaŋ 8:39

mɛi-pere, kpaa máŋ mu-pere, kpaa máŋ ŋ̀éniɛi su-sɛŋ kélee, fé pâi pɔ̂rii kúkulâi Ɣâla ŋɔwɛli kɛ́-maai ma Kúnuu-namui Zîsɛ Kôrai sarâi.

Lomaŋ 9:6

Kɛ́lɛ, Ɣâla ŋɔwooi fe niî fɛɣɛ ni. Kpɛ́ni fêi, ve nɔ́ a sɛŋ a gɛ́ɛ diai kélee da kúla Eezuɛ-suui sui, díkaa a Eezuɛ-ŋa kpîŋ.

Kɔleŋtiɛŋ Veerɛi 11:18

Núu támaa da ŋ̀éniɛi ŋí su-sãai maa-yoŋka tèe, mɛni ma ńyãa máŋ ŋa pâi yoŋka têei.

Galesiɛŋ 5:25

A kɛ̀ kúɣeniɛi káa M̀ɔlêŋ su, ǹɛ́lɛɛ̂i kú sía M̀ɔlêŋ su.

Galesiɛŋ 6:16

Lii-see da maloŋ-kâa é kɛ́ diai kélee dîa da sîa dɔ̂ŋ ŋí lá-woo mai, da Eezuɛ-ŋai díkaa a Ɣâla pɔ́ɔi.

Ifisiɛŋ 6:18

Ka Ɣâla fɛli M̀ɔlêŋ su a tãi kélee a Ɣâla-fɛli pere sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Dutɛrɔnome 10:16

Ka kálii maa fáleŋ. Káfe ŋɔ́nɔ kɛ̀ a wolii-kpɔlɔ-ƃela,

Dutɛrɔnome 30:6

A pâi gɛ̂i ká kɛ́ ƃò nɔ́ ǹɔii ma ka ŋ̀óo mɛni ka ŋ̀wɛlii.

Felepiɛŋ 1:1

Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Felepiɛŋ 3:12

Vé a sɛŋ a gɛ́ɛ ŋa nâa nyíŋi sɔlɔ ƃo, kpaa máŋ da ŋ́gɛ ńaa a fɛ̂ɛ. Kɛ́lɛ, ŋa kɔ̂i a gɛ́ɛ ŋá gɛ́ a ḿbɔɔ, kpɛ́ni fêi, Zîsɛ Kôrai a ŋ́gɛ a bɔ́ɔ.

Felepiɛŋ 3:14

Ŋa kɔ̂i a gɛ́ɛ ŋa seri m̀ɛnii mâ gáa ŋ́gili ŋái, a gɛ́ɛ ŋá m̀aa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.

Zûu 1:20

Kɛ́lɛ káa, ŋáwɛli-kɛ-maa-ƃelai, ka kákpîŋ tɔ̀ɔ kálaa-la kɛ́tɛ maa waai sarâi. Ka Ɣâla fɛli M̀ɔlêŋ Maa Waai ŋɔwala-wala-laai su.