Felepiɛŋ 3:20 - Ŋ̀âla Kɔlɔ Maa Waai

²⁰ Kɛ́lɛ, kúlɔii-namu-laai káa Ɣâla-taa, ƃɛi máŋ kwa kúƃalo-nuui maa kpɛŋ naai, nyíi gáa a Kúnuu-namui Zîsɛ Kôrai.

Felepiɛŋ 3:20 ပူးပေါင်းရင်းမြစ်များ

Wule-woo-ŋa 16:11

Ya vúlu-laa perei lɛ́ ḿâ. Ŋà kɛ̀ íŋɛi-tuɛ, lii-nɛ̃ɛ káa ḿâ. Ŋà kɛ̀ ílaa mii-yee mɛi-pere, ńii a kɛ́ a ǹáa wɔ́lɔ-wɔlɔ da wɔ́lɔ-wɔlɔ.

Wule-woo-ŋa 17:15

À kɛ̀ a ńyãa, ŋa pâi kɛ̂i íŋɛi-tuɛ a teniŋ-ƃo pere. Ŋa ŋ́ɛi lá ƃò, lii-nɛ̃ɛ a pâi kɛ̂i ḿâ, kpɛ́ni fêi, ŋ́gaa íkɔlɛ ma.

Táre-woo-ŋa 15:24

Táre-nuu a sîa fúlu-laa pere su. Va sîa berei ma nyii a lî saa-taai.

Maafîu 19:21

Zîsɛ è mò, ǹyɛɛi, “À kɛ̀ ya ŋ̀wɛ̂lii ílaa é fɛ̂ɛ a wɛli-kɛ-maa, lí í íkɔ̃liŋ kɔlɛ í zɔ̃ɔ tɛ́ɛ gôlo-ƃelai pɔ. Íkɔ̃liŋ a pâi kɛ̂i Ɣâla-taa. A kɛ̀ tí, pá í lɛ́ɛ bôlu.”

Lûu 12:21

Bere nɔ ƃe ǹúui káa la a ŋɔlaai-kɛ-sɛŋ lâai kɛ̀ gbîŋ mɛni ma, kɛ́lɛ, ve tɔɔ ni Ɣâla ŋɛi.”

Lûu 14:14

Gɛ̀ ní, lûwa a pâi kɛ̂i yâ. Kpɛ́ni fêi, dífa pɔ̂ri íwɔ̂i bɔɔ-tee fei. Ya pâi ífela fei sɔlɔ ƃôi a Dɔ̃yâ-ƃelai mu-siɣe-ɣele.”

Zia-ƃelai Kɛ́-mɛni-ŋai 1:11

dîyɛɛ dîai, “Galalii-ƃela, lé ƃé ka tɔ̂ɔni kákɛ ŋ̀elei su kàai? Zîsɛ ŋí tɛ̀ ŋ̀elei sui, a pâi pâi nɔ́ bere sîi tɔnɔi ŋí su ká gàa la gɛ́ tɛ̀ ŋ̀elei sui.”

Kɔleŋtiɛŋ Maa-ŋuŋ 1:7

a gɛ́ɛ M̀ɔlêŋ ŋɔsama-sɛŋ da kélee fé kpɛ̀ɛ káyêei, a tãi kákaa Kúnuu-namui Zîsɛ Kôrai maa-kpɛnii la a gɛ́ɛ é gbîŋ lɛ́ kâa,

Kɔleŋtiɛŋ Maa-ŋuŋ 15:48

Yɛ̂ɛ berei è kɛ̀ la a ǹúui dí gbɛ̀tɛ a pɔ̂rɔi, bere nɔ́ ƃe gáa la a diai dí díkpɛ̀tɛ a pɔ̂rɔi; yɛ̂ɛ berei ŋɔ́nɔ è kɛ̀ la a ǹúui kùla Ɣâla-taai, bere nɔ́ ƃe gáa la a diai dí kùla Ɣâla-taai.

Kɔleŋtiɛŋ Veerɛi 4:18

Kpɛ́ni fêi, kúkili fé zãâi dîa nyíi-ŋai kwa díkaâi, kɛ́lɛ, kúkili káa zãâi dîa nyíi-ŋai kúfa díkaâi. Kpɛ́ni fêi, zãâi kwa díkaâi da pâi tɛɛ̂i, kɛ́lɛ, zãâi kúfa díkaâi díkaa nɔ́ naa wɔlɔ-wɔlɔ.

Kɔleŋtiɛŋ Veerɛi 5:8

Fɔlɔ-fɔlɔ káa kúyêei, ǹyaŋ ǹɛ́lɛɛ a gɛ́ɛ kú kɛ́ a kúkɛ̂i gôyaa kúkponôi mâ kwa Kúnuu-namui-ni kúkɛ bɔ-taai.

Galesiɛŋ 4:26

Kɛ́lɛ, Zerusâlɛŋ nyíi gáa ɣelêi-perei, ŋuŋ ma ƃoɔɔi, ǹyaŋ gɛ ƃo a kúlee.

Ifisiɛŋ 2:19

Mɛni ma ŋɔ̃yâ fa ŋɔ́nɔ a káa lɔii da kpɛni su, kɛ́lɛ, ka Ɣâla ŋɔnûai kákaa a lɔii tɔnɔ su-ƃela, ká ƃo a Ɣâla ŋɔnuu-suui su-ƃelai da.

Ifisiɛŋ 2:6

è kúmu siɣe saa yêei gîe ma kwa Kôrai-ni. È kúkɛ̀ kwa dîa-ni kú see kwaa tɔnɔ ma Ɣâla-taa Zîsɛ Kôrai sarâi.

Felepiɛŋ 1:10

a gɛ́ɛ ka pɔ̂ri mɛni lɛ́lɛɛ lɛ̂i, a gɛ́ɛ ŋɔ́nɔ kákɛ a kámaa waa kásɔŋ fé kɛ́ káa Kôrai ŋɔɣelei mɛni ma.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Kolasiɛŋ 1:5

Kálaa-lai da káwɛli-kɛ-mâai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Tɛsɛlôniɛŋ Maa-ŋuŋ 1:10

e pɛlɛ berei ma ka Ǹóŋ maa kpɛ̂ŋ la nyíi kùla Ɣâla-taai. Ɣâla è m̀u siɣe saa yêei. Gáa a Zîsɛ nyíi kúkùla Ɣâla ŋɔlii-ŋwanai su nyíi pâi.

Tɛsɛlôniɛŋ Maa-ŋuŋ 4:16

Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa kela-ŋai dínuu kɛ́tɛi ŋɔtóli-woo da Ɣâla ŋɔtúrui-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi.

Temete Veerɛi 4:8

Tɔ̃yâ-laa maa-ƃɔrɔi lâai kɛ́ɛ̂i naa ḿaa-mɛni ma, nyíi Kúnuu-namui, nyíi gáa a Dɔ̃yâi mɛni-ŋa tee-nuui, a pâi ḿaa pui la a maa Ɣelei tíi, ńyãa tɔnɔ nɔ́ fêi, kɛ́lɛ, a pâi máŋ ǹúui kélee maa pui nyíi-ŋai díkaa Kúnuu-namui ŋɔpâi wɛ̀li.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa mɛni fólo-laa su,

Ibulu 12:22

Kɛ́lɛ, ka pá Zãiyɔŋ Yeei ma da Vulu-laa Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Ibulu 9:28

bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.