Felepiɛŋ 3:2 - Ŋ̀âla Kɔlɔ Maa Waai

² Ka kámɛi káa a ŋ̀îla-ŋai. Ka kámɛi káa a díi nyɔ́mɔɔ-kɛ-ƃelai. Ka kámɛi káa a diai da dísua tèe-tee diai.

Felepiɛŋ 3:2 ပူးပေါင်းရင်းမြစ်များ

Wule-woo-ŋa 119:115

Káai kákaa a sɔnyɔ̂ŋ kɛ́-ƃelai, ka kula ŋ́gɔlɛ. Ŋa pâi ńyee seêi Ŋáɣâlai ŋɔtɔ̂ŋ-ŋai mu.

Wule-woo-ŋa 22:16

Núu nyɔ́mɔɔ-ŋa tínaŋɔɔ̂i ḿâ, díkɛ ḿvàla-fala ŋ́gɔɔ da ńyee ma yɛ̂ɛ gbólo ɣîla-ŋa.

Wule-woo-ŋa 22:20

Ŋ́gula yêei kɛ́ m̀óa-sɔkpɔ kɔ kɔ́-ƃelai yêei. Ŋáfulu-laai maa kɔ̃ɔ ŋ̀îla-ŋai ŋí yêei.

Táre-woo-ŋa 26:11

Berei ɣîla a gɔŋ pîli la é lí pôlu é gɔ́mɔi, bere nɔ́ ƃé ǹúui va mɛni ŋá kàa a ǹɛ́lɛɛi a ŋɔƃoo tûai kɛ̀ la ŋɔ́nɔ.

Maafîu 24:10

Núu támaa da pâi toôi pôlu, díkɛ díkîe-ni maa nyáma lɔ, dí tela díkîe-ni kpɔara.

Maafîu 7:15

“Ka kámɛi káa a Ɣâla-maa-wôya lono-kɛ-ƃela. Da pâ kápɔ ƃála-kɔlɔ su, kɛ́lɛ, díkponôi kɛ́ ƃo a kɔ́li lii-ŋwánaa-ŋa.

Maafîu 7:6

“Zɛŋ nyii maa waai káfe dɛ̀ɛ ŋ̀îla-ŋai pɔ́, kpaa máŋ káfe kɔyɛ̂ŋ sɔ̃ɔ kpanaŋɔɔ-ŋa pili m̀oi-ŋai ŋ́ɛi-tuɛ. Kà gɛ̀ tí, gɛ̀ ní, da pâi dítânii dí tínaŋ dí kányiŋ.

Lomaŋ 2:28

Gbɛ̂ɛ kpîŋ ƃa Zûu-nuu, ǹúui gbɛ́tɛɛ a tɔ̃yâi? Núu fa kɛ̀ a Zûu-nuu gbonoi pere nɔ́, nyíi ŋɔkpɛtɛ mɛnii káa a ɣéne ŋá mɛnii.

Kɔleŋtiɛŋ Veerɛi 11:13

Kpɛ́ni fêi, nuu sii kɛɛ-ŋai tí díkaa a woya-sia-ƃela, dí ƃo a núu-pɛlɛ tii-kɛ-ƃela, díkɛ díkpîŋ kɛ̀ yɛ̂ɛ Kôrai ŋɔsia-ƃela.

Galesiɛŋ 5:13

Kpɛ́ni fêi, ŋánûa, dí kátòli ŋuŋ-ma-ƃo ma. Káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sarâi, ká kɛ́ a kákîe-ni yée-mu-ƃela.

Galesiɛŋ 5:15

Kɛ́lɛ, ká kákîe-ni nyìŋ, kákɛ kákîe-ni mii, ká kámɛi káa a gɛ́ɛ káfe kákîe-ni su kara.

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Felepiɛŋ 3:19

Díkpɛɛ ŋá ƃa su-kara. Díɣâlai ƃa díkoi. Da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Felepiɛŋ 3:3

Kpɛ́ni fêi, kúa ƃe dí kúsee kpono mâ a tɔ̃yâ, kúai kwa Ɣâla fɛli mɔlêŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono seɛɛ kpono mâ mɛni.

Temete Maa-ŋuŋ 1:19

Laa-la é kɛ́ íyeêi da kili-ŋa-sia lɛ́lɛɛ. Núu da-ni dí kili-ŋa-sia lɛ́lɛɛ kpɔara, ǹyaŋ maa-ƃelai da dílaa-lai lɛ́ɛ yâi.

Taitɔ 1:16

Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ sii kélee da kɛ̂i.

Pitɛ Veerɛi 2:22

Ǹyaŋ è kɛ̀ nɔ́ a dia yɛ̂ɛ berei dɔ̃yâ-saŋ-wooi a mò la, ǹyɛɛi, “Ŋ̀îlai a tìnaŋ ŋɔ́nɔ ŋɔkɔŋ pîlii pɔ́-pere. M̀oi dí ŋ̀waâi, a lene pôlu gɛ́ lí a gɛ́ɛ é tóo bârai su.”

Zûu 1:4

Kpɛ́ni fêi, núu da-ni da lɔ́ kúsama loo-pere su nyíi-ŋai dítɔ̂ŋ-pu-maai maa-mɛni è ƃò nàa tuɛi. Maa ƃelai díkaa a ŋwana-lɔ̂ɔ-ƃela nyíi-ŋai Kúɣâlai ŋɔƃɛlɛ-sêei pène wolii-kpɔlɔ su. Dí Kúmɛi-nuu tɔnɔi Kúnuu-namui Zîsɛ Kôrai maa-sîa tòo.

M̀ɛni-lɛɛi 2:9

“ ‘Ŋá ímɛni-kpɔ̂lui kɔ́lɔŋ da íkôlo-laai kɛ́lɛ, íkaa a tɔɔ-nuu é pɛ́lɛ tɛ-ŋɛi-ƃela dîa nyíi-ŋai da díkpîŋ tòli a Zûu-ŋa, ǹyaŋ dífe lai, kɛ́lɛ, dí ƃo a Sêtɔŋ ŋɔnúu-kpului.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́ ƃelai, da ŋwulu-ƃelai, da ŋ̀âla-pɔkɔɔŋ fɛli-ƃelai, da nɛ́ɛ ƃelai kélee, díwɔ̂i a pâi kɛ̂i ŋɔŋ kɛ́tɛi su, nyíi sɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.

M̀ɛni-lɛɛi 3:9

Diai da kûla Sêtɔŋ ŋɔnúu-kpului su nyíi-ŋai da mò a gɛɛ díkaa a Zûu-ŋa, kɛ́lɛ, dífe lai, kɛ́lɛ díkɛ lɛ́ɛ kɛi, gáa, ŋa pâi díkɛ̂i dí pá dí pɛ́lɛ íkɔɔ mu dí gɔ́lɔŋ a gɛɛ ŋá íwɛli ní.