Felepiɛŋ 3:19 - Ŋ̀âla Kɔlɔ Maa Waai

¹⁹ Díkpɛɛ ŋá ƃa su-kara. Díɣâlai ƃa díkoi. Da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Felepiɛŋ 3:19 ပူးပေါင်းရင်းမြစ်များ

Wule-woo-ŋa 17:14

Óo Yâwɛɛ, ŋ́gula ŋ̀éniɛi su-ƃela nyɔ́mɔɔ-ŋai yêei. Dínîa mɛni nɔ́ ƃa ŋ̀éniɛi su sãai maa mɛni. Mɛni kula maai yâ gbɛ̀tɛ dímɛni mai, gɛ́ a dia. Gɛ́ a dínîa-pɛlɛɛi, da díwɔ-ǹîa-pɛlɛɛi.

Wule-woo-ŋa 52:1

Lé mɛni ƃé ya íkpîŋ kɛ̂tɛi la, yá ŋwana-lɔ̂ɔ-nuui ŋí? Ɣâla ŋɔteniŋ ƃô laai kaa wɔ́lɔ naa.

Zɛlemaya 44:17

M̀ɛnii nɔ́ kú mòi, ǹyaa nɔ́ ƃé kwa pâi gɛ̂i. Kwa pâi sâla kulâi kúɣâla-nɛnii ma, nyíi gáa a Ŋ̀âla-taa Kâloŋ-nɛnii. Kwa pâi kpele-sɛŋ sala kulâi m̀a yɛ̂ɛ berei nɔ́ kwa kúnâŋ pɔlɔ-ŋai, kúkâloŋ-ŋai da kúlaa túɛ-ƃelai kwa kâa gɛ̀ la daa-ŋai su Zuda da Zerusâlɛŋ pere-ŋai mai. Tãi tí ma, mii-sɛŋ támaa è kɛ̀ kúyêei, kúkɔ̃liŋ támaa, mɛni kpɔ̂lu da fé kúpôlu.

Izikiɛ 13:19

Ka ƃâa kula ḿâ ŋánûai sama bale ŋɔ-yèe-laa fɛɛ mɛni ma, é pɛlɛ kpolo-kpua-kpua ŋa dîa. Ka ǹûai paa nyii maa fé nɛ̃ɛ ni ka dí pâai. Kakɛ́ diai maa fé nɛ̃ɛ ní dílɛɛ ɣele mai kɛ̀ díkɛ lɛɛ ɣele ma a ǹɛɛ̂i ka kɛ́ gɛi ŋánûai dîa díkɛ díwoli tɔɔ mai.”

Izikiɛ 34:3

Ka kɛ̂ díwulɔ miî. Ká kɛ́ díkɔlɔ kpɛ̂tɛ a seɣe ká mɛni ma. Ká kɛ̂ m̀ala-loŋ lɛ́lɛɛ-ŋai paâi, kɛ́lɛ káfa díkɔnɔŋ kùla.

Osia 4:7

“Berei nɔ́ káai a zâla láa-soŋ-ƃelai ka tâmai lai, bere nɔ́ ƃé kákaa sɔnyɔ̂ŋ kɛ̂i la a ńyãa. Ŋa pâi káƃaa-kɛ-maai kɛ̂i a ŋumɛ.

Maka 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Maka 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Malakai 1:12

Kɛ́lɛ káfa ƃâa kɛ̀ ḿâ à kɛ̀ kà mò kâa ŋáteƃelei káa kpɛ́ni-kpɛni, ǹyaŋ káa kɛ́ mii-sɛ̂ŋ pù ŋá nyii káfe ŋ̀wɛli níi.

Maafîu 16:23

Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 25:41

Gɛ̀ ní, a pâi ŋɔnɔ m̀ôi diai díkaa gɔɔ-yee mɛi-perei dîa, ǹyɛɛ diai, ‘Ka siɣe ŋ́gɔlɛ. Kpalo-ƃelai kâa. Ka lí ŋ̀ɔ́lɔ-wɔlɔ-ŋɔŋ su nyii gbɛtɛɛ̂i Dɛ̂ƃele da ŋɔkéla-ŋai mɛ̂ni mai.

Lûu 12:19

Gɛ̀ ní, ŋa pâi môi ŋámɔ̂leŋ ma, ǹyɛɛ, ‘Mɔ̂leŋ, ya sãa támaa lâai kɛ́ góraŋ támaai pâi mɛni ma; ífii tɔɔ, í ílaa mii, í íkpele, í líi-nɛ̃ɛ kɛ́.’

Lûu 16:19

“Nya ƃe è kɛ̀ tí, tɔɔ-nalôŋ tɔnɔ è kɛ̀ naa nyii seɣe kpɔ̂lu-mu-tɛiɣɛɛ da seɣe kole kpanaŋɔɔ lɛ́lɛɛ e kɛ̀ ma, gɛ kúu kɛ́tɛ kɛ́ a ɣele kéleei.

Lûu 18:4

Nàa kuro kɛ́ɛ ti, ve faa ni; kɛ́lɛ, nàa pôlu ma e mò gbìŋ ma, ǹyɛɛi, ‘Berei máŋ ḿva yao la Ɣâla ma, ḿva máŋ núu da ƃâa siɣei,

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ woo-ŋa.

Lomaŋ 6:21

Kɛ́lɛ, lé lɛ́lɛɛ ƃe ká zɔlɔ ƃò nyíi-ŋai su maa ŋumɛ̂i káa kâai!? Ǹyaŋ nyiti-ŋai kpɛɛ ŋá nɔ́ ƃa saa.

Kɔleŋtiɛŋ Maa-ŋuŋ 3:3

Kpɛ́ni fêi, kákaa nîi kákpîŋ-tua-pere nyɔŋ su. Kpɛ́ni fêi, tãi tólo káa la kásama da laa-saai, káfe kákpîŋ tua-pere-nyɔŋ pôlu, kakɛ tua a nuu-kpune tua-pere?

Kɔleŋtiɛŋ Maa-ŋuŋ 5:2

Ǹyaŋ káyoŋkaâi! Vei pɔ̂ri kɛ̂i a sɛŋ ka wɔ́lɔ? Tɔɔ ǹúui a mɛnii ŋí kɛ́i, e kula kásama.

Kɔleŋtiɛŋ Maa-ŋuŋ 5:6

Káyoŋka-teɛɛi fe lɛlɛ ni. Káfe gɔ́lɔŋ a gɛ́ɛ kpólo-tɛ-sɛŋ kuro-te a gbólo kânei kélee tɛ̀?

Kɔleŋtiɛŋ Veerɛi 11:12

M̀ɛnii ŋa gɛ̀i, ŋa pâi kɛ̂i nɔ́ gɛ̂i a gɛ́ɛ ŋá diai kpera da dítii maa-yoŋka tèe a gɛ́ɛ da dítii kɛ̀ yɛ̂ɛ berei kwa kúwɛi kɛ̂ lai.

Kɔleŋtiɛŋ Veerɛi 11:15

Mɛni ma ve a mɛni nina à kɛ̀ Sêtɔŋ yée-mu-ƃelai máŋ da díkpîŋ kɛ̀ yɛ̂ɛ tɔ̃yâ laa-la maa-yee-mu-ƃela. Dísaai a pâi kulâi nɔ́ dítûa-perei su.

Galesiɛŋ 6:13

Kpɛ́ni fêi, diai máŋ da díyee sèe núu-seɛɛ kpono mâ mɛni mui, dia kpîŋ dífa dɔ̂ŋ mɛi kâa, kɛ́lɛ, da ŋ̀wɛli dí kásee kpono mâ a gɛ́ɛ dí yoŋka tée kákpîŋ tua-perei su.

Felepiɛŋ 2:21

Da díkpîŋ-mɛni su kàa, kɛ́lɛ, Zîsɛ Kôrai ŋɔi fei.

Kolasiɛŋ 3:2

Ka kákili kɛ́ zãâi dîa díkaa kúmɛi-pere. Káfe kákili kɛ́ ǹɔii su-sãai dîa.

Tɛsɛlôniɛŋ Veerɛi 1:9

Da pâi wɔlɔ-wɔlɔ su-kara sɔlɔ ƃôi a tɔŋ-kpɛ́-maa, dí dísu kula Kúnuu-namui ma, dí kúla ŋɔfólo-laa kɛ́tɛi ŋɔwála-wâla laai su.

Tɛsɛlôniɛŋ Veerɛi 2:12

a gɛ́ɛ dí tɔ̂ŋ pú diai dîa dífe laa ni a dɔ̃yâi, kɛ́lɛ, díkɛ lii-nɛ̃ɛ kula sɔnyɔ̂ŋ sui.

Tɛsɛlôniɛŋ Veerɛi 2:8

Ɣâla a pâi ŋ̀wana-lɔ̂ɔ-nuui lɛ̂i, Kúnuu-namui Zîsɛ é bàa a ǹɛ̃wo, é zu kara a ŋɔpâi.

Temete Maa-ŋuŋ 6:5

Díkɛ sîa too ǹûai sama nyíi-ŋai díkili káa kpɛni-kpɛni, dɔ̃yâi fé díyêei. Ǹûai ŋí da gàa a gɛ́ɛ Ɣâla mɛni kɛ́ɛ káa a sɛŋ sɔlɔ ƃoɔɔ maa-pere.

Temete Veerɛi 3:4

Da pâi a ǹûai da kûla díƃarâa pôlui, ǹûai dífa kpáaŋ núu da kélee mɛni mai, ǹûai su mɛni-kɛtɛ a dílaa fɛ́ɛi, da ǹûai dínîa kɛ́ɛ wɛ́li-káa dîa é tɛ́ɛ la Ɣâla-wɛliɛ mai.

Zĩi 4:16

Yɛ̂ɛ berei gáa lai, m̀ɛnii ka gbɛ̀tɛ kákili ŋái, ǹya ƃe ka maa yoŋka tèe. Ǹyoŋka sii tí kélee káa a mɛni nyɔ́mɔɔ.

Pitɛ Veerɛi 2:1

Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Pitɛ Veerɛi 2:13

Da pâi mɛni-soli kâai dímɛni nyɔ́mɔɔ-kɛɛi mɛni ma. Da gàa a lii-nɛ̃ɛ-mɛni a gɛɛ díkaa ƃoo-pele kɛ̂i máŋ a fólo ŋá. Díkaa yɛ̂ɛ pɔɔ liƃiɛ-ŋa da pala, dílii kɛ́ nɛ̃ɛ a kápɛlɛɛ tãi ka dîa-ni ka kɛ̂ kúu kɛ̂i lai.

Pitɛ Veerɛi 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.

Zûu 1:10

Kɛ́lɛ, ǹûai ŋí da lóno nyɔ́mɔɔ kɛ̀ é pîlaŋ m̀ɛnii kélee ma dífa târe zui. Ǹyaŋ mɛni-ŋai da târe zu díkpîŋ kponôi yɛ̂ɛ sua-ŋa nyíi-ŋai târe fé díyêei, ǹya ƃa dísu kàra.

Zûu 1:16

Ǹûai ŋí díkaa a mɛni-saa ƃela. Dílii fa lâa, díkɛ pîlaŋ díkpîŋ tua-pere-nyɔŋ maa-sɛŋ wɛliɛi pôlu. Díkɛ yoŋka tèe a díwoo su kɛ́tɛ, díkɛ lóno lɛ́lɛɛ kɛ̀ nûa pɔ́ a gɛ́ɛ dí sɛŋ sɔlɔ ƃo.

Zûu 1:4

Kpɛ́ni fêi, núu da-ni da lɔ́ kúsama loo-pere su nyíi-ŋai dítɔ̂ŋ-pu-maai maa-mɛni è ƃò nàa tuɛi. Maa ƃelai díkaa a ŋwana-lɔ̂ɔ-ƃela nyíi-ŋai Kúɣâlai ŋɔƃɛlɛ-sêei pène wolii-kpɔlɔ su. Dí Kúmɛi-nuu tɔnɔi Kúnuu-namui Zîsɛ Kôrai maa-sîa tòo.

M̀ɛni-lɛɛi 18:7

Berei è gbîŋ folo-laai maa tɛ̂ la é tûa a ŋwana-lɔ̂ɔ-perei, ka ŋɛ̀i-maa-pêne da wɔ́lɔ tɛ́ɛ bɔ́ a maa-perei ti. Berei nɔ́ a mò la ǹíi su, nyɛɛ, ‘Ŋ́gaa seêni yɛ̂ɛ kâloŋ-nɛni, pɔɔ-nɛni fa ńyãa, fé wɔ́lɔ pâi wɔ̂lɔi,’

M̀ɛni-lɛɛi 19:20

Dí zuai sòŋ da Ɣâla-maa-wôya lono-kɛ-nuui nyíi ŋɛ́i-kɛ-maa ŋa kɛ̀ zuai ŋ́ɛi-tuɛi. Diai zuai pɔ́ɔ è kɛ̀ dítôŋ lái da diai zua-pɔkɔɔŋ fɛlii, Ɣâla-maa-wôya lono-kɛ-nuui, é dípɛlɛ a ŋɛ̀i-kɛ-maa-ŋai ŋí. Dí zuai da nalôŋ ŋí pìli a dífulu ŋɔŋ kɛ́tɛ su nyíi kɛ̀ yɛ̂ɛ póa kɛ́tɛi, nyíi a sɔfɔ kèreŋ.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́ ƃelai, da ŋwulu-ƃelai, da ŋ̀âla-pɔkɔɔŋ fɛli-ƃelai, da nɛ́ɛ ƃelai kélee, díwɔ̂i a pâi kɛ̂i ŋɔŋ kɛ́tɛi su, nyíi sɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.

Samia Maa-ŋuŋ 2:29

Kɛ́lɛ ya ƃaa-kɛ maa tɛ́ɛ ílônii pɔ́ a tɛɛ ḿâ. Ífe ŋɔ́nɔ íyee seêi ŋásâla kula mɛni-ŋai da ŋásama-sãai mu. Ka zãai ŋí ǹɛ́lɛɛ-ŋai kélee sìɣe nɔ́ kákpîŋ mɛni ma ka ílônii.