Felepiɛŋ 3:18 - Ŋ̀âla Kɔlɔ Maa Waai

¹⁸ Kpɛ́ni fêi, núu támaa káa naa ŋa wɔ́lɔ dímaa-mɛni ƃó kâa a tãi támaa, ŋ́gaa nâa m̀ôi kâa wɔlɔ-woo su a gɛ́ɛ díkaa a Kôrai ŋɔsaa-wurui kpɔara-ƃela.

Felepiɛŋ 3:18 ပူးပေါင်းရင်းမြစ်များ

Wule-woo-ŋa 119:136

Ŋa wɔ̂lɔi kpɔ́ a ŋánaa, kpɛ́ni fêi ǹûai dífa díwoli tɔ̀ɔ ítɔ̂ŋ-ŋai dîa.

Azaya 8:11

Yâwɛɛ è ńia-wôo ƃò a gbanaŋɔɔ a gɛɛ fé ńyee pìli ǹûai tûa-perei da su. È mò ḿâ ǹyɛɛi,

Zɛlemaya 13:17

Kɛ́lɛ, à kɛ̀ ká fé pâi ká wóli tɔɔ̂i, gɛ̀ ní ŋa pâi wɔ̂lɔi loo-pere su ká su-mɛni kɛ̂tɛi mɛ̂ni ma. Ŋá pâi wɔ̂lɔi kpɔ́ a ŋ̀ánaa, ŋ́ɛi-ya kɛ́ pù, kpɛ́ni fêi, Yâwɛɛ ŋɔnûai da pâi liî kɔ-sôŋ pere su.

Zɛlemaya 9:1

Eêi kɛ̀ ŋ́uŋ kɛ́ ƃò a ya-ɣɛli-loŋ, ŋ́ɛi-ya kɛ́ pù yɛ̂ɛ yá ƃé ɣilînii, ŋâi pɔ̀ri wɔ̂lɔi a kpíni da fólo ŋánûai dí dípâai maa mɛ̂ni ma.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Levetekɔ 11:16

soloŋ-kɔnɔŋ, lawɔ-kpɔ̂lui muu, ya kɔ̂rɔ-kɔrɔ, kpãaŋ da dísîi kélee.

Levetekɔ 13:8

Zâla láa soŋ nuui a pâi maa kpɛɛ̂i ŋɔ́nɔ, ǹyaŋ à kɛ̀ balai a ƃɛ̀lɛ, zâla láa soŋ nuui a pâi môi a gɛɛ maa nuui maa fé waa ní. Gbôdo kɔlɔ-fela káa m̀a.

Lûu 19:41

Gɛɛ a lɛɣɛ, gɛ daai kaai, e wɔ̀lɔ a gbanaŋɔɔ daai mɛi,

Zia-ƃelai Kɛ́-mɛni-ŋai 20:19

Ŋá tíi kɛ̀ Kúnuu-namui mi a lii maa yeŋ pere kélee, ŋ́ɛi-ya é pú, ŋá mɛni-soli támaa káa, nyíi-ŋai kɛ̀ a ńyãa é kúla Zûu-ŋai dímɛni kpɛtɛɛi su é pîlaŋ ḿâi.

Lomaŋ 9:2

a gɛ́ɛ malôŋ támaa toɔɔ̂i mâ, lii-soli kɛ́ ƃo ńii su nyíi ve pâi wɔ́lɔ kperâi.

Kɔleŋtiɛŋ Maa-ŋuŋ 1:18

Zaa-wuruii maa-wooi káa nɔ́ a ƃoo-woo diai ŋɛ́i díkaa saâi, kɛ́lɛ, kúai kúƃaloɔ̂i, gáa kúŋɛi a Ɣâla ŋɔwála-walai.

Kɔleŋtiɛŋ Maa-ŋuŋ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fé pâi kɛ̂i a dípɔɔ? Káfe kákpîŋ pɛ̀lɛ. Goyaŋ-wulu-wulu kɛ-ƃela, kpaa máŋ ɣâla-pɔkɔɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a dínɛyaai,

Kɔleŋtiɛŋ Veerɛi 11:13

Kpɛ́ni fêi, nuu sii kɛɛ-ŋai tí díkaa a woya-sia-ƃela, dí ƃo a núu-pɛlɛ tii-kɛ-ƃela, díkɛ díkpîŋ kɛ̀ yɛ̂ɛ Kôrai ŋɔsia-ƃela.

Kɔleŋtiɛŋ Veerɛi 11:29

Gbɛ̂ɛ ƃe víi à kpɛ̀ɛ, ḿvii fa kpɛ̂ɛ ńyãa máŋ? Gbɛ̂ɛ ƃa pîli mɛni-kpɔ̂lu su, ǹyaŋ fa pîli zu a dámaai?

Kɔleŋtiɛŋ Veerɛi 2:4

Kpɛ́ni fêi, ŋá kɔlɔ pɔ̃yɛ kápɔ naa mɛni-kpɔ̂lu támaa su da lii-too pôlu támaa é pɛ́lɛ ŋɛi-ya ma. Fé gɛ̀ ní a gɛ́ɛ ŋa kálii tôo pôlu, kɛ́lɛ, ŋá gɛ̀ a gɛ́ɛ ká ŋwɛli-kɛ-maa kɛ́tɛi kɔ́lɔŋ gáa ńyêei kámɛni ma.

Galesiɛŋ 1:7

Zu-kulâi fa a gɛ́ɛ tuŋ da kpɛni káa naa, kɛ́lɛ, núu da-ni díkaa naa da káfũa-fũai, díkɛ ŋ̀wɛli dí Kôrai ŋɔtuŋ lɛ́lɛɛi maa faleŋ.

Galesiɛŋ 2:14

Kɛ́lɛ, tãi ŋá gàa la a gɛ́ɛ dífe sã́a ni Duŋ Lɛ́lɛɛi ŋɔtɔ̃yâi mɛni mai, ŋá mò Sîfa ma díkelee díŋɛi, “À kɛ̀ berei máŋ íkaa la a Zûu-nuui ífa tûa yɛ̂ɛ Zûu-nuu, kɛ́lɛ, yɛ̂ɛ Zɛ̃tai-nuu, gɛ̀ ní ya pɔ̂ri Zɛ̃tai-ŋai kɛ̂i leŋ a gɛ́ɛ dí tûa yɛ̂ɛ Zûu-ŋa?”

Galesiɛŋ 2:21

Fa gɛ̀ a gɛ́ɛ Ɣâla ŋɔƃɛlɛ-sêei é kɛ́ nɔ́ kpɛni-kpɛni. Kpɛ́ni fêi, eêi kɛ̀ tɔ̃yâ-laa eêi kɛ̀ dɔ̂ŋ sarâi, gɛ̀ ní Kôrai ŋɔsaai maa sâpo fei kɛ̀ ma.

Galesiɛŋ 5:21

sɛŋ maa-lii téɛɛ, (núu paá,) lɔɔ kpeleɛ, lɔɔ-kpele-kuu, da gbeli-ŋai díkaa yɛ̂ɛ nyíi-ŋai. Ŋa kalia-woo ƃôi yɛ̂ɛ berei ŋá kália-woo ƃò la a maa-ŋuŋ, a gɛ́ɛ ǹúui a mɛni-ŋai ŋí kɛ̀i, ve pâi Ɣâla ŋɔkâloŋ-laai maa sɔlɔ ƃôi.

Galesiɛŋ 6:12

Diai ŋ̀wɛ̂lii a gɛ́ɛ dí mɛni lɛ́lɛɛ lɛ́ díkpîŋ-tua-perei sui, dia ƃa ká kɛ̀ a wála-wala a gɛ́ɛ dí kásee kpono mâ, ǹyaŋ da gɛ̀ nɔ́ tí a gɛ́ɛ núu fé díkpɔ̀ara Kôrai ŋɔsaa-wurui mɛni ma.

Galesiɛŋ 6:14

Kɛ́lɛ, é folôŋ mâ kpɔ́ a zu kôyaa a gɛ́ɛ ŋá yoŋka tée, fɛ̀ɛ nɔ́ ŋá Kúnuu-namui Zîsɛ Kôrai ŋɔsaa-wurui maa-yoŋka tée, zaa-wurui a gɛ́ ŋ̀éniɛi a saa ŋ́ɛi, ńyaŋ ŋa saa ŋ̀éniɛi ŋɛi.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Felepiɛŋ 1:4

Tãi kélee ŋà Ɣâla fɛ̀li la kákelee kámɛni mai, ŋa vɛ̀li a lii-nɛ̃ɛ.

Tɛsɛlôniɛŋ Maa-ŋuŋ 4:6

a gɛ́ɛ núu da fé mɛni nyɔ́mɔɔ kɛ́ a m̀arâŋ-nuu, kpaa máŋ é wôya kɛ́ la m̀ɛnii ŋí su, kpɛ́ni fêi, Kúnuu-namui kâa a mɛni-pɔɔ-teei kula-nuu mɛni-ŋai ŋí kélee su, yɛ̂ɛ berei kú dòo la kákili ŋá nâa tuɛ a gbanaŋɔɔi.

Tɛsɛlôniɛŋ Veerɛi 3:11

Kpɛ́ni fêi, kwa mɛnîi a gɛ́ɛ nyɛ̃ŋ-nyɛ̃ŋ-ƃela da-ni díkaa kásama dí ƃo nɔ́ a mɛni-kɔri-ƃela, dífa ŋ̀wɛli dí tíi kɛ́.

Pitɛ Veerɛi 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Zûu 1:13

Berei yúo a tôo la gɛ̀ fúle-fulei bere nɔ́ ƃe díkpîŋ a lɛ̂ la fíeŋ ŋá. Díkaa nɔ́ yɛ̂ɛ pɛmɛlɛŋ-kao-ŋa ƃe siâi, ǹyaŋ Dɛ̂ƃele-taa-kpini káa naa dímɛni ma wɔlɔ-wɔlɔ da wɔlɔ-wɔlɔ.